ໜ່ວຍງານກູ້ຊີບຍັງໄປຕໍ່ບໍ່ໄດ້… ເນື່ອງຈາກຢ້ານພູໄຟກີວີປະທຸອີກຄັ້ງ!!

0
2342

ຈາກເຫດການພູໄຟເທິງເກາະຂາວ ຫຼື ວາກາອາຣີ ຊຶ່ງເປັນແຫຼ່ງທ່ອງທ່ຽວຍອດນິຍົມຂອງນິວຊີແລນທີ່ເກີດປະທຸຢ່າງຮຸນແຮງເມື່ອຕົ້ນອາທິດຜ່ານມາ, ເຫດການດັ່ງກ່າວມີຜູ້ເສຍຊີວິດແລ້ວຢ່າງໜ້ອຍ 6 ລາຍ, ບາດເຈັບກວ່າ 30 ຄົນ ແລະ ສູນຫາຍ 9 ຄົນ. ພ້ອມນີ້ ທາງການນິວຊີແລນກໍໄດ້ລະບຸຜູ້ເສຍຊີວິດທັງໝົດແລ້ວ.

ໂດຍທ່ານ ນາງ ຈາຊິນດາ ອາຣເດິນ ນາຍົກລັດຖະມົນຕີຂອງນິວຊີແລນໄດ້ເປີດເຜີຍເມື່ອວັນທີ 11 ທັນວາຜ່ານມາວ່າ: ເຈົ້າໜ້າທີ່ຝ່າຍສຸກເສີນປະຊຸມຮ່ວມກັນເພື່ອເລັ່ງຫາຂໍ້ສະຫຼຸບ ໃນການພະຍາຍາມເຂົ້າໄປກູ້ຮ່າງຜູ້ເສຍຊີວິດ, ແຕ່ຍັງມີອຸປະສັກໃຫຍ່ເມື່ອສຳນັກ ງານດ້ານພູມີສາດ ຫຼື ຈີໂອເນັດ ໄດ້ແຈ້ງສະຖານະການຄວາມຄືບໜ້າຫຼ້າສຸດວ່າ: ພູໄຟວາກາອາຣີຍັງຢູ່ໃນພາວະອັນຕະລາຍ, ມີລະ ດັບແຮງສັ່ນສະເທືອນເພີ່ມຂຶ້ນ, ກຸ່ມຄວັນຍັງລອຍຈາກປາກພູໄຟຊຶ່ງອາດເກີດການປະທຸໃນໄລຍະ 24 ຊົ່ວໂມງນັບຈາກນີ້.

ສ່ວນລັດຖະມົນຕີດ້ານກິດຈະການຕຳຫຼວດຂອງນິວຊີແລນຊີ້ແຈງກໍລະນີຄວາມຫຼ້າຊ້າໃນການເຂົ້າໄປກູ້ຮ່າງຜູ້ເສຍຊີວິດວ່າ: ເພື່ອຄວາມປອດໄພຂັ້ນສູງສຸດຂອງເຈົ້າໜ້າທີ່ຊຶ່ງອາດໃຊ້ໂດຣນຂຶ້ນບິນວັດແທກຄ່າແກ໊ສພິດໃນເຂດເກາະດັ່ງກ່າວ, ແຕ່ດ້ວຍກະແສລົມທີ່ພັດແຮງຊຶ່ງເປັນອຸປະສັກຕໍ່ການບິນຂອງໂດຣນ.

 

 

ຮຽບຮຽງ: ເພັງສະຫວັນ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.