ໜັງຊາຂຽວແບບຍືນຍົງ… ອີກໜຶ່ງທາງເລືອກໃໝ່ທີ່ຊ່ວຍຫຼຸດໂລກຮ້ອນ!!

0
280

ມີການເຄື່ອນໄຫວຈາກທົ່ວໂລກກ່ຽວກັບການເຮັດໃຫ້ເກີບມີຄວາມຍືນຍົງຫຼາຍຂຶ້ນ, ຕາມການລາຍງານຂອງກະຊວງກະສິກຳຂອງອາເມຣິກາຊຶ່ງຊີ້ໃຫ້ເຫັນວ່າ: ວັດສະດຸທີ່ນຳໃຊ້ຢູ່ໃນທົ່ວໂລກໃນການເຮັດເກີບສ່ວນໃຫຍ່ແມ່ນເຮັດມາຈາກຢາງ ແລະ ວັດສະດຸສັງເຄາະຫຼາກຫຼາຍຊະນິດ, ຊຶ່ງໃຊ້ເວລາຫຼາຍທົດສະວັດໃນການຍ່ອຍສະຫຼາຍ ທັງຍັງເປັນອີກໜຶ່ງສາເຫດທີ່ເຮັດໃຫ້ເກີດການເສື່ອມສະພາບຂອງສິ່ງແວດລ້ອມ ແລະ ອາດສົ່ງຜົນຮ້າຍຕໍ່ສຸຂະພາບແຮງງານອີກດ້ວຍ.

ໂດຍທີມວິໄຈຂອງມະຫາວິທະຍາໄລໃນລັດອະລາບາມາຂອງອາເມຣິກາຈຶ່ງໄດ້ຕອບສະໜອງຕໍ່ບັນຫາດັ່ງກ່າວດ້ວຍການພັດທະນາວັດສະດຸທາງເລືອກທີ່ສາວມາດຍ່ອຍສະຫຼາຍໄດ້ໃນທາງຊີວະພາບໃຫ້ກັບໜັງໂດຍໃຊ້ຜົນປະໂຫຍດຈາກຊາຂຽວ, ໂດຍທີມງານພົບວ່າວັດສະດຸທີ່ຜະລິດຈາກເຊລລູໂລສຂອງຊາຂຽວມີພຶດຕິກຳແບບດຽວກັບໜັງ ແລະ ບໍ່ມີຜົນຂ້າງຄຽງດ້ານລົບຕໍ່ສິ່ງແວດລ້ອມ ແຕ່ວ່າວັດສະດຸພຽງແຕ່ຊັ້ນດຽວອາດອ່ອນນຸ້ມລົງ ແລະ ສູນເສຍຄວາມທົນທານເມື່ອພົບກັບສະພາບຝົນ ຫຼື ຫິມະ. ດັ່ງນັ້ນ ການຝັງວັດສະດຸກັບເນື້ອຜ້າແພທີ່ເປັນມິດຕໍ່ສິ່ງແວດລ້ອມອື່ນໆຈະສາມາດສ້າງຜະລິດຕະພັນທີ່ທົນທານຂຶ້ນ.

ຢ່າງໃດກໍຕາມ ໂຄງການນີ້ຍັງຢູ່ລະຫວ່າງການຄົ້ນຄວ້າ, ຂະນະທີ່ນັກວິໄຈສຳຫຼວດວິທີເຮັດເກີບທີ່ສາມາດູດຊຶມນໍ້າໄດ້ໜ້ອຍກວ່າເກົ່າ, ຊຶ່ງຖືເປັນການເລີ່ມຕົ້ນທີ່ດີສຳລັບການອອກແບບ ວັດສະດຸ ແລະ ຜະລິດຕະພັນທີ່ຍືນຍົງແບບນີ້ຂຶ້ນມາ.

 

ຮຽບຮຽງ: ເພັງສະຫວັນ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.