ໄຟໄໝ້ 30 ຄອບຄົວໃນເມືອງຫົວເມືອງ ແຂວງຫົວພັນ

0
53

ເວັບໄຊຂ່າວວຽງຈັນທາມສ໌ ລາຍງານເມື່ອວັນທີ 25 ຕຸລາ 2019 ວ່າ: ປະຊາຊົນ 30 ຄອບຄົວໃນບ້ານ Sonkhuaneua, ເມືອງຫົວເມືອງ ແຂວງຫົວພັນຕ້ອງການຄວາມຊ່ວຍເຫຼືອ ໂດຍສະເພາະແມ່ນເຄື່ອງໃຊ້ໃນຄົວເຮືອນ, ເຄື່ອງນຸ່ງຫົ່ມ, ເຂົ້າສານ, ອາ ຫານ ແລະ ວັດສະດຸກໍ່ສ້າງ ຫຼັງຈາກທີ່ສູນເສຍທີ່ຢູ່ອາໄສຍ້ອນເກີດເຫດໄຟໄໝ້ຊຶ່ງເກີດຂຶ້ນເມື່ອວັນອັງຄານທີ່ຜ່ານມາ.

ຫົວໜ້າຫ້ອງການປ້ອງກັນຄວາມສະຫງົບປະຈຳເມືອງ ທ່ານພັນໂທ ເພັງສີ ມາລາດສົມຫວັງ (Phengsy Malatsomvang) ກ່າວຕໍ່ໜັງສືພິມວຽງຈັນທາມວ່າ: ປັດຈຸບັນມີ 30 ຄອບຄົວໃນຈຳນວນ 152 ຄົນບໍ່ມີທີ່ຢູ່ອາໄສ ແລະ ໄດ້ສູນເສຍເຄື່ອງໃຊ້ ແລະ ເຄື່ອງຂອງອື່ນໆຈຳນວນໜຶ່ງ ເຊື່ອວ່າເຫດໄຟໄໝ້ແມ່ນຍ້ອນໄຟຟ້າລັດວົງຈອນ, ຜົນເສຍຫາຍຄາດຄະເນປະມານເກືອບ 2 ຕື້ກີບ, ອາຄານທີ່ຖືກໄຟໄໝ້ສ່ວນໃຫຍ່ແມ່ນເຮັດດ້ວຍໄມ້, ບ້ານ Sonkhuaneua ມີ 200 ຫຼັງຄາເຮືອນແຕ່ 22 ຫຼັງຖືກທຳລາຍຍ້ອນໄຟໄໝ້ ແລະ ອີກ 8 ຫຼັງໄດ້ຮັບຄວາມເສຍຫາຍຢ່າງໜັກ.

ທ່ານພັນໂທ ເພັງສີ ກ່າວວ່າ “ອຳນາດການປົກຄອງໄດ້ສະໜອງເງິນສົດຈຳນວນ 600.000 ກີບໃຫ້ແຕ່ລະຄອບຄົວ ພ້ອມທັງອຸ ປະກອນທີ່ຈຳເປັນຈຳນວນໜຶ່ງ, ແຕ່ປະຊາຊົນຍັງມີຄວາມຕ້ອງການເຂົ້າສານ, ເຄື່ອງນຸ່ງຫົ່ມ, ອຸປະກອນກໍ່ສ້າງ ແລະ ສິ່ງທີ່ຈຳເປັນອື່ນໆ”.

ຄອບຄົວທີ່ບໍ່ມີທີ່ຢູ່ອາໄສປະຈຸບັນອາໄສຢູ່ຫ້ອງການບ້ານ, ໂຮງຮຽນ, ບ່ອນພັກຊົ່ວຄາວ ຫຼື ກັບຍາດພີ່ນ້ອງ, ປັດຈຸບັນເຈົ້າໜ້າທີ່ກຳ ລັງຊອກຫາເງິນທຶນເພື່ອຊື້ວັດສະດຸກໍ່ສ້າງເພື່ອໃຫ້ປະຊາຊົນສາມາດປຸກເຮືອນໃໝ່ ຫຼື ສ້ອມແປງເຮືອນທີ່ເສຍຫາຍໄດ້ ບ້ານ Sonkhuaneua ຕັ້ງຢູ່ຫ່າງຈາກເທສະບານເມືອງປະມານ 48km ແລະ ສ່ວນໃຫຍ່ແມ່ນປະຊາຊົນທີ່ອາໄສຢູ່ແມ່ນຄົນຊົນເຜົ່າກຶມມຸ.

ບັນດາທ່ານທີ່ສົນໃຈຢາກສົ່ງມອບຄວາມຊ່ວຍເຫຼືອ ຫຼື ສະໜອງເຄື່ອງມື, ອຸປະກອນສຳລັບໃຊ້ໃນການສ້າງສາຄືນໃໝ່ ຫຼື ສິ່ງຂອງອື່ນໆສາມາດຕິດຕໍ່ໂດຍກົງຫາ ທ່ານ ພົນໂທ ເພັງສີ ທີ່ໝາຍເລກ (020) 5555 6089.

 

ຮຽບຮຽງຂ່າວ: ພຸດສະດີ ລາວລີ
ແຫຼ່ງຂໍ້ມູນ: vientianetimes.org.la

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.