ໄທບັງຄັບໃຊ້ກົດໝາຍ “ສູບຢາສູບຢູ່ເຮືອນ” ອາດມີໂທດຂຶ້ນ 2 ສານ

0
174

ເນື່ອງຈາກຄວັນຢາສູບເປັນອັນຕະລາຍຕໍ່ສຸຂະພາບ, ກະຊວງສາທາລະນະສຸກຂອງປະເທດໄທຈຶ່ງໄດ້ປະກາດບັງຄັບໃຊ້ກົດໝາຍຜະ ລິດຕະພັນຢາສູບເມື່ອປີ 2017, ໃນການປະຊຸມວິຊາການຢາສູບກັບສຸຂະພາບແຫ່ງຊາດຄັ້ງທີ 18 “Tobaco and Lung Health” ກະຊວງພັດທະນາສັງຄົມ ແລະ ຄວາມໝັ້ນຄົງຂອງມະນຸດໄດ້ກ່າວໃນທີ່ປະຊຸມກ່ຽວກັບກົດໝາຍສົ່ງເສີມການພັດທະນາ ແລະ ຄຸ້ມຄອງສະຖາບັນຄອບຄົວຊຶ່ງມີຜົນບັງຄັບໃຊ້ເມື່ອວັນທີ 20 ສິງຫາ 2019ທີ່ຜ່ານມາ.

ທ່ານ ເລີດປັນຍາ ບູລະນະບັນດິດ ຫົວໜ້າກົມວຽກງານແມ່ຍິງ ແລະ ພັດທະນາຄອບຄົວ, ກະຊວງພັດທະນາສັງຄົມ ແລະ ຄວາມໝັ້ນຄົງຂອງມະນຸດກ່າວວ່າ: ການສູບຢາຂອງສະມາຊິກບຸກຄົນໃດໜຶ່ງໃນເຮືອນຈະສົ່ງຜົນເສຍຄື: 1. ເຮັດໃຫ້ຄວາມສຳພັນຂອງຄອບຄົວຫຼຸດລົງ, ລູກເມຍບໍ່ຢາກເຂົ້າໃກ້ ຫຼື ລູກອາດເກີດພຶດຕິກຳຮຽນແບບດ້ວຍການສູບຢາ, 2. ເມື່ອບໍ່ໄດ້ສູບຢາຈະເກີດອາ ການໃຈຮ້າຍຊຶ່ງຈະນຳໄປສູ່ຄວາມຮຸນແຮງທັງຮ່າງກາຍ ຫຼື ຈິດໃຈ, 3. ຄົນໃນເຮືອນໄດ້ສູດດົມຄວັນຢາສູບມືສອງ ແລະ ມືສາມ ຊຶ່ງໃນກໍລະນີນີ້ຫາກຄົນໃນເຮືອນໄດ້ຮັບຜົນກະທົບຫາກເກີດບັນຫາຕໍ່ສຸຂະພາບ ແລະ ຢັ້ງຢືນໄດ້ວ່າສາເຫດເກີດມາຈາກຄວັນຢາສູບໃນເຮືອນ, ບຸກຄົນທີ່ສູບຢາຈະມີຄວາມຜິດໂທດຖານຂອງການເຮັດໃຫ້ເກີດອັນຕະລາຍແກ່ສຸຂະພາບຂອງຄົນໃນຄອບຄົວ, ບຸກຄົນສູບຢາອາດຕ້ອງໄດ້ຂຶ້ນສານເພື່ອພິຈາລະນາຄວາມຜິດ 2 ສານຄື: ສານອາຍາ ກໍລະນີມີການທຳຮ້າຍຮ່າງກາຍຈະໄດ້ຮັບໂທດຕາມກົດ ໝາຍອາຍາ ແລະ ສານເຍົາວະຊົນ ແລະ ຄອບຄົວກາງ ຊຶ່ງສານອາດມີຄຳສັ່ງໃຫ້ຄຸ້ມຄອງຄົນໃນຄອບຄົວ ແລະ ສັ່ງບັງຄັງໃຫ້ຜູ້ສູບຢາສູບ ແລະ ສ້າງບັນຫາໃນເຮືອນເຂົ້າຮັບການບຳບັດ ແລະ ເຊົາສູບຢາສູບ ເພື່ອບໍ່ໃຫ້ເຮັດພຶດຕິກຳທີ່ອາດນຳໄປສູ່ຄວາມຮຸນແຮງໄດ້ອີກ.

ນອກຈາກການຫ້າມສູບຢາໃນເຮືອນແລ້ວ, ອົງການທ່ອງທ່ຽວຂອງໄທກຳລັງເຕືອນນັກທ່ອງທ່ຽວກ່ຽວກັບການຫ້າມສູບຢາໃນເຂດສາທາລະນະເພື່ອສົ່ງເສີມສະພບແວດລ້ອມທີ່ປອດໄພສະອາດ ແລະ ປອດຄວັນຢາສູບສຳລັບທຸກຄົນ. ຂໍ້ຫ້າມດັ່ງກ່າວໄດ້ຖືກນຳມາ ໃຊ້ຕັ້ງແຕ່ປີ 2014 ດ້ວຍເຫດຜົນຫຼັກດ້ານສຸຂະພາບ ແລະ ນັກທ່ອງທ່ຽວຕ້ອງຮູ້ວ່າ: ບໍ່ຄວນນຳຢາສູບໄຟຟ້າ shishas ຕິດຕົວ ຫຼື ອຸປະກອນໃດໆທີ່ກ່ຽວຂ້ອງກັບຢາສູບໄຟຟ້າ ລວມເຖິງນໍ້າໝາກໄມ້ທີ່ໃຊ້ໃນອຸປະກອນ. ກະຊວງການທ່ອງທ່ຽວ ແລະ ກີລາກຳລັງໃຫ້ຄຳແນະນຳຜູ້ປະກອບການດ້ານການທ່ອງທ່ຽວເພື່ອໃຫ້ແນ່ໃຈວ່າລູກຄ້າຂອງພວກເຂົາຄຳນຶງເຖິງຂໍ້ຫ້າມ ໂດຍສະເພາະການສູນຢາໃນທີ່ສະໜາມບິນ, ສູນກີລາ ແລະ ສະຖານທີ່ທ່ອງທ່ຽວທົ່ວປະເທດ. ປັດຈຸບັນມີສະໜາມບິນ 6 ແຫ່ງກຳລັງດຳເນີນການ ແລະ ບໍລິຫານຈັດການ ໂດຍສະໜາມບິນແຫ່ງຊາດປະເທດໄທໄດ້ປະກາດເປັນເຂດປອດຢາສູບຕັ້ງແຕ່ວັນທີ 3 ກຸມໂດຍຫ້ອງຢາສູບທັງ ໝົດພາຍໃນອາຄານປິດໃຫ້ບໍລິການແລ້ວ.

ຮຽບຮຽງຂ່າວ: ພຸດສະດີ ລາວລີ
ແຫຼ່ງຂໍ້ມູນ: hlonelyplanet.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.