ໄດ້ແລ້ວນັກກີລາ “e-sports” ທີມຊາດລາວ

0
57

ສະຫະພັນກີລາ ອີ-ສະປອດ “e-sports” ແຫ່ງຊາດລາວໄດ້ຈັດແຂ່ງຂັນຄັດເລືອກນັກກີລາ ອີ-ສະປອດທີມຊາດລາວເພື່ອເຂົ້າ ຮ່ວມມະຫະກຳກີລາຊີເກມຄັ້ງທີ 30 ທີ່ປະເທດຟິລິບປິນ ກິດຈະກຳດັ່ງກ່າວໄດ້ຈັດຂຶ້ນວັນທີ 17-19 ທີ່ສູນການຄ້າວຽງຈັນ ເຊັນເຕີ ນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານ ສົມພູ ພົງສາ ຜູ້ຊ່ວຍລັດຖະມົນຕີກະຊວງສຶກສາທິການ ແລະ ກິລາ ທ່ານ ວິລາວັນ ເທບພິທັກ ຮອງຫົວໜ້າຫ້ອງການກະຊວງສຶກສາທິການ ແລະ ກິລາ ທ່ານ ໂຈນາທານ ສິລິສັກດາ ປະທານສະຫະພັນກີລາອີ-ສະປອດແຫ່ງຊາດລາວ ມີບັນດາທ່ານທີ່ຕາງໜ້າຈາກກະຊວງສຶກສາທິການ ແລະ ກີລາ ພ້ອມດ້ວຍນັກກີລາເຂົ້າຮ່ວມຢ່າງຫຼວງ ຫຼາຍ.

ກີລາ ອີ-ສະປອດ ເປັນກີລາລະບົບອອນລາຍທີ່ມີການເຄື່ອນໄຫວທາງແອັບປະເພດຕໍ່ສູ້ຍຸດທະສາດໃນໂທລະສັບມືຖື ແລະ ຄອມພິວເຕີ ໂດຍການໃຊ້ທັກສະ ແລະ ຄວາມໄວເປັນຫຼັກ ສຳລັບລາຍການແຂ່ງຂັນຄັດເລືອກນັກກີລາຄັ້ງນີ້ແມ່ນມີ 4 ປະເພດຄື ປະເພດເກມຕໍ່ສູ້ໂດຍການເຄື່ອນໄຫວ ແລະ ໃຊ້ຝຶກຝົນຄວາມໄວເປັນຫຼັກແບບດຽວກັບລາຍການ Tekken 7 ແລະ ປະເພດຕໍ່ສູ້ວາງແຜນຍຸດທະສາດໂດຍໃຊ້ອຸປະກອນໂທລະສັບມື ຄອມພິວເຕີມີ 3 ລາຍການຄື Mobie Legends  AOV ແລະ DATA 2 ຊຶ່ງມີຜູ້ເຂົ້າຮ່ວມແຂ່ງຂັນທັງໝົດມີ 112 ທີມ ຜ່ານການຄັດເລືອກນັກກີລາທົ່ວປະເທດໃນລະບົບອອນລາຍທີມທີ່ຊະນະເລີດ ແລະ ເປັນທີມຊາດຊຸດທຳອິດແມ່ນມີ 4 ທີມຄື Mr Robot ຊະນະປະເພດ Tekken 7 ສ່ວນປະເພດຕໍ່ສູ້ປະເພດ 5 ຄົນ ແມ່ນທີມ ຮ໋ອບບີ ຄອມພິວເຕີ ຊະນະລາຍ AOV ທີມ Udie KH ຊະນະລາຍການ Mobie Legends ແລະ ທີມ Aggessive slayer ຊະນະລາຍການ DATA 2.

ຈຸດປະສົງເປັນການສ້າງຂະບວນການເຍົາວະຊົນໜຸ່ມນ້ອຍໃຫ້ເປັນນັກກີລາອີ-ສະປອດທີມີຄຸນນະພາບ ແລະ ຊຸກຍູ້ວົງການກີລາລາວໃຫ້ມີປະສົບການໃນລະດັບປະເທດເພື່ອໃຫ້ກ້າວຂຶ້ນສູ່ລະດັບພາກພື້ນກໍຄືສາກົນ ສຳລັບນັກກີລາທີ່ໄດ້ຊະນະເລີດໃນຄັ້ງນີ້ແມ່ນໄດ້ເກັບໂຕພ້ອມຝຶກຊ້ອມເພື່ອຈະໄປແຂ່ງຂັນໃນມະຫະກຳກີລາຊີເກມຄັ້ງທີ 30 ທີ່ປະເທດຟິລິບປິນ.

 

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.