2019 ຄື້ນຄວາມຮ້ອນດັບຊີວິດຊາວຝຣັ່ງ 1.435 ລາຍ

0
453

ສຳນັກຂ່າວຕ່າງປະເທດລາຍງານກ່ຽວກັບສະຖານະການຄື້ນຄວາມຮ້ອນໃນປະເທດຝຣັ່ງທີ່ເກີດຂຶ້ນພາຍໃນປີ 2019 ຊຶ່ງໄດ້ສົ່ງຜົນກະທົບຢ່າງຮ້າຍແຮງເຖິງຂັ້ນມີຄົນເສຍຊີວິດເຖິງ 1.435 ລາຍ ຈາກການເປີດເຜີຍຂອງລັດຖະມົນຕີກະຊວງສາທາລະນະສຸກຂອງຝຣັ່ງທີ່ລະບຸວ່າ ຈຳນວນຜູ້ເສຍຊີວິດເຄິ່ງໜຶ່ງມີອາຍຸຫຼາຍກວ່າ 75 ປີ ແລະ ອີກກວ່າ 10 ຄົນເສຍ ຊີວິດຂະນະເຮັດວຽກ ທັງນີ້ ອຸນ ຫະພູມສູງສຸດໃນປະເທດຝຣັ່ງໃນປີນີ້ວັດແທກໄດ້ຢູ່ທີ່ 46 ອົງສາໃນຊ່ວງເດືອນມິຖຸນາຜ່ານມາ ແລະ ໃນນະຄອນຫຼວງປາຣີອຸນຫະ ພູມຍັງສູງເປັນປະຫວັດການຢູ່ທີ່ 42,6 ອົງສາໃນເດືອນກໍລະກົດ.

ຈາກຂໍ້ມູນຂອງກະຊວງສາວທາລະນະສຸກຝຣັ່ງລະບຸວ່າ ຄື້ນຄວາມຮ້ອນຄັ້ງທຳອິດເຂົ້າຖະຫຼົ່ມຝຣັ່ງໃນປີນີ້ເກີດຂຶ້ນລະຫວ່າງວັນທີ 24 ມິຖຸນາເຖິງວັນທີ 7 ກໍລະກົດ ສົ່ງຜົນໃຫ້ມີຜູ້ເສຍຊີວິດເຖິງ 567 ລາຍ ແລະ ຄັ້ງທີ 2 ເກີດຂຶ້ນລະຫວ່າງວັນທີ 21-27 ກໍລະກົດ ມີຜູ້ເສຍຊີວິດ 868 ລາຍ ທັງນີ້ ຈຳນວນຜູ້ເສຍຊີວິດຈາກເຫດການດັ່ງກ່າວໃນປີນີ້ຍັງໜ້ອຍກວ່າເມື່ອທຽບກັບຊ່ວງເວລາດຽວກັນຂອງປີ 2003 ເຖິງ 10 ເທົ່າ ຂະນະທີ່ການດຳເນີນມາດຕະການປ້ອງກັນຕ່າງໆເຊັ່ນ ການປະກາດເຕືອນໄພຄື້ນຄວາມຮ້ອນໃນຫຼາຍພື້ນທີ່ຂອງປະເທດ ຫຼາຍໂຮງຮຽນປິດການຮຽນ-ການສອນ ການຢຸດກິດຈະກຳກາງແຈ້ງເພື່ອຫຼຸດຜ່ອນ ຜົນກະທົບຕ່າງໆ ລວມເຖິງການເປີດສາຍດ່ວນຮັບແຈ້ງເຫດສຸກເສີນ ແລະ ສ້າງຫ້ອງເຮັດຄວາມເຢັນຊົ່ວຄາວໃນອາຄານເທສະບານໃນນະຄອນຫຼວງປາຣີ ແລະ ອື່ນໆກໍສາມາດຊ່ວຍໄດ້ໃນລະດັບໜຶ່ງເທົ່ານັ້ນ.

ຢ່າງໃດກໍຕາມ ນອກຈາກປະເທດຝຣັ່ງແລ້ວຍັງມີປະເທດອື່ນໆໃນພື້ນທີ່ໃກ້ຄຽງເຊັ່ນ ລັດກາຕາລຸນຢາຂອງແອັດສະປາຍຊຶ່ງຄື້ນຄວາມຮ້ອນສົ່ງຜົນໃຫ້ເກີດບັນຫາໄຟປ່າໃນຫຼາຍເຂດ ຊຶ່ງບາງເຂດຖືວ່າຮຸນແຮງທີ່ສຸດໃນຮອບ 20 ປີ ນອກຈາກນີ້ ອັງກິດ ແບນຊິກ ເຢຍລະມັນ ລັກຊຳເບີກ ແລະ ເນເທີແລນ ກໍຜະເຊີນກັບອຸນຫະພູມທີ່ເພີ່ມສູງຂຶ້ນເປັນປະຫວັດການເຊັ່ນກັນ ແຕ່ຍັງບໍ່ມີປະ ເທດໃດອອກມາເປີດເຜີຍຂໍ້ມູນຜູ້ເສຍຊີວິດຈາກພາວະຄື້ນຄວາມຮ້ອນໃນປີນີ້.

 

 

 

ຮຽບຮຽງ: ພ.ສະຫວັນ

ຮູບພາບ: matichon

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.