ໂອເປັກເພີ່ມການຜະລິດນໍ້າມັນກຽມຮັບມືຫາກເກີດບັນຫາດ້ານການຂົນສົ່ງ

0
177

ກຸ່ມໂອເປັກພ້ອມເພີ່ມກຳລັງການຜະລິດນໍ້າມັນຖ້າຫາກຄວາມເຄັ່ງຕຶງລະຫວ່າງອາເມຣິກາ-ອີຣ່ານສົ່ງຜົນກະທົບຕໍ່ການຂົນສົ່ງ.

ສຳນັກຂ່າວຕ່າງປະເທດລາຍງານເມື່ອວັນທີ 9 ມັງກອນຜ່ານມາວ່າ: ລັດຖະມົນຕີກະຊວງພະລັງງານຂອງສະຫະລັດອາຫຼັບເອມິເຣດກ່າວວ່າ: ກຸ່ມປະເທດຜູ້ສົ່ງອອກນໍ້າມັນ ຫຼື ໂອເປັກໄດ້ກຽມຄວາມພ້ອມໃນການເພີ່ມກຳລັງການຜະລິດນໍ້າມັນເພື່ອຮອງຮັບຫາກເກີດພາວະຂາດແຄນໃນຕະຫຼາດຫາກເກີດຜົນກະທົບຕໍ່ການຂົນສົ່ງນໍ້າມັນໃນພູມີພາກ.

ທັງນີ້ ຕະຫຼາດຍັງຄົງມີປະລິມານນໍ້າມັນທີ່ພຽງພໍ, ແຕ່ກໍຫວັງວ່າຈະບໍ່ເກີດເຫດການຮ້າຍແຮງໃດໆຂຶ້ນ, ນອກຈາກຈະເກີດໄພພິບັດຄັ້ງໃຫຍ່ຊຶ່ງເບິ່ງວ່າຍັງບໍ່ມີທ່າອຽງທີ່ຈະເກີດຂຶ້ນ. ຢ່າງໃດກໍຕາມ ໂອເປັກ ແລະ ກຸ່ມປະເທດພັນທະມິດນຳໂດຍຣັດເຊຍຈະເຮັດການປະເມີນສະຖານະການໃນການປະຊຸມທີ່ຈະຈັດຂຶ້ນໃນເດືອນມີນາທີ່ຈະເຖິງນີ້.

ພ້ອມນີ້ ກໍຮຽກຮ້ອງໃຫ້ອາເມຣິກາ ແລະ ອີຣ່ານຫຼຸດຄວາມເຄັ່ງຕຶງໃນພູມີພາກໂດຍໄວ “ສິ່ງທີ່ທຸກຄົນຕ້ອງການຄືສະຖຽນລະພາບໃນຕະຫຼາດ ແລະ ຫວັງວ່າທັງສອງຝ່າຍຈະຫຼຸດຄວາມ ເຄັ່ງຕຶງທີ່ເກີດຂຶ້ນນີ້ດ້ວຍສັນຕິວິທີ”.

 

 

ຮຽບຮຽງ​: ເພັງສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.