ໂສມໜ້າ 20 ຄົນສຸດທ້າຍ “Miss World Laos 2019”

0
174

ປະກາດຢ່າງເປັນທາງການແລ້ວເມື່ອວັນທີ 20 ສິງຫາຜ່ານມາທີ່ໂຮງແຮມ ແລນມາກ ແມ່ຂອງຣີເວີໄຊ ນະຄອນຫຼວງວຽງຈັນ ສຳລັບໂຄງການປະກວດ “Miss World Laos 2019” ໂດຍມີ ທ່ານ ສາຍແກ້ວ ສີດາວົງ ປະທານໂຄງການປະກວດ Miss World Laos 2019 ພ້ອມດ້ວຍບັນດາຄະນະກໍາມະການ ບັນດາຜູ້ໃຫ້ການສະໜັບສະໜູນ ລວມເຖິງພາກສ່ວນກ່ຽວຂ້ອງເຂົ້າ ຮ່ວມ.

ທ່ານ ສາຍແກ້ວ ໄດ້ກ່າວວ່າ ບໍລິສັດ Prime Modeling Agency ຜູ້ຖືລິຂະສິດຈັດງານການປະກວດ Miss World Laos 2019 ເປັນຜູ້ຈັດປະກວດພາຍໃຕ້ຫົວຂໍ້ “ງາມຢ່າງມີຄຸນຄ່າສູ່ສາຍຕາທີ່ສຳຜັດໄດ້” ຜ່ານການຄັດເລືອກຈາກສາວງາມທົ່ວປະເທດຈໍານວນ 30 ຄົນເຂົ້າຮ່ວມຄັດເລືອກ ແລະ ໃນຮອບຄັດເລືອກໃຫ້ເຫຼືອພຽງແຕ່ 20 ຄົນສຸດທ້າຍເພື່ອເຂົ້າໄປສູ່ຮອບຊີງຊະນະເລີດ.

ພ້ອມນີ້ ກໍໄດ້ເຜີຍໂສມມົງກຸດເພັດ Miss World Laos 2019 ມູນຄ່າ 150 ລ້ານກີບ ພ້ອມດ້ວຍມົງກຸດຮອງອັນດັບທີ 1 ແລະ 2 ອີກດ້ວຍ.

ບັນດາທ່ານສາມາດມາຮ່ວມຊົມຮ່ວມເຊຍ ແລະ ເປັນກຳລັງໃຈໃຫ້ກັບນ້ອງໆທັງ 20 ຄົນໃນຮອບຕັດສິນຊຶ່ງຈະຈັດຂຶ້ນໃນວັນທີ 19 ກັນຍາ 2019 ທີ່ໂຮງແຮມ ແລນມາກ ແມ່ຂອງຣີເວີໄຊ ນະຄອນຫຼວງວຽງຈັນ ຫຼື ຕິດຕາມຜ່ານທາງແຟນເພຊ Facebook/Miss World Laos 2019.

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.