ໂບອິ້ງຊວດ ເມື່ອສາຍການບິນຊາອຸດິດອາຣັບບີປ່ຽນໃຈໄປຊື້ແອຣບັສ

0
221

ລາຍງານຂ່າວຕ່າງປະເທດເມື່ອວັນທີ 9 ກໍລະກົດຜ່ານໃຫ້ຮູ້ວ່າ Flyadeal ສາຍການບິນ ຊຶ່ງເປັນສາຍການບິນລາຄາປະຢັດໃນເຄືອຂອງ Saudi Arabian Airlines ໄດ້ປະກາດຍົກເລີກສັນຍາຈັດຊື້ເຮືອບິນລຸ້ນ 737MAX ຊຶ່ງເປັນລຸ້ນທີ່ຍັງມີບັນຫາດ້ານຄວາມປອດໄພ ແລະ ໄດ້ປ່ຽນໄປຊື້ເຮືອບິນລຸ້ນ A320 NEO ຂອງແອຣບັສຈຳນວນ 30 ລຳແທນ ມູນຄ່າ 6.000​ລ້ານໂດລາ ລາຍງານຂ່າວດຽວກັນລະບຸອີກວ່າ Flyadeal ອາດຈະສັ່ງຊື້ເຮືອບິນລຸ້ນດັ່ງກ່ວຂອງແອຣບັສເຂົ້າປະຈຳການໃນຝູງບິນເພີ່ມອີກຈຳນວນ 20 ລຳ.

ຄວາມເຄື່ອນໄຫວຄັ້ງນີ້ນັບເປັນຄັ້ງຫຼ້າສຸດ ແລະ ຍັງເປັນສັນຍານທີ່ໜ້າເປັນຫ່ວງສຳລັບໂບ ອິ້ງ ຊຶ່ງຍັງຄົງບໍ່ສາມາດແກ້ໄຂບັນຫາເຮືອບິນລຸ້ນ 737MAX ໃນປະເດັນດ້ານຄວາມປອດໄພໄດ້ ຈຶ່ງສົ່ງຜົນໃຫ້ໂບອິ້ງຕ້ອງສັ່ງໂຈະການໃຊ້ງານເຮືອບິນລຸ້ນດັ່ງກ່າວທົ່ວ ໂລກອັນເປັນຜົນກະທົບຕໍ່ການດຳເນີນງານ ແລະ ຄວາມເສຍຫາຍມູນຄ່າຫຼາຍລ້ານໂດລາຕໍ່ສາຍການບິນທີ່ມີເຮືອບິນລຸ້ນ MAX ເຂົ້າປະຈຳການ.

ກ່ອນໜ້ານີ້ກໍມີຫຼາຍສາຍການບິນເຊັ່ນກັນທີ່ປະກາດຍົກເລີກຄຳສັ່ງຊື້ເຮືອບຸນລຸ້ນ 737MAX ບໍ່ວ່າຈະເປັນສາຍການບິນກາຣູດາຂອງອິນໂດເນເຊຍທີ່ປະກາດຍົກເລີກຄຳສັ່ງຊື້ເຮືອບິນລຸ້ນ 737MAX ທັງໝົດ ບວກກັບເມື່ອອາທິດທີ່ຜ່ານມາໂບອິ້ງໄດ້ຖະແຫຼງວ່າຈະຈັດສັນເງິນຈຳນວນ 100 ລ້ານໂດລາໃນການຊ່ວຍເຫຼືອຄອບຄົວຜູ້ເຄາະຮ້າຍຈາກເຫດເຮືອບິນ 737MAX ຕົກທັງສອງຄັ້ງ ແຕ່ກໍບໍ່ໄດ້ເປີດເຜີຍເຖິງລາຍລະອຽດວ່າການຊ່ວຍເຫຼືອຈະເປັນໄປໃນຮູບແບບໃດ?.

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: posttoday

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.