ໂຕເລກສະຖິຕິຜູ້ເສຍຊີວິດຈາກອຸບັດເຫດ 6 ເດືອນຕົ້ນປີ 2019

0
120

ອີງຕາມບົດສະຫຼຸບຂອງກົມຕໍາຫຼວດຈະລາຈອນ ກົມໃຫຍ່ຕໍາຫຼວດກະຊວງ ປກສ ໃຫ້ຮູ້ວ່າ ຈາກອຸບັດເຫດທີ່ເກີດຂຶ້ນໃນບັນດາແຂວງທົ່ວປະເທດ ນະຄອນຫຼວງວຽງຈັນ ເສຍຊີວິດ 118 ລາຍ ສະຫວັນນະເຂດ 61 ລາຍ ແຂວງວຽງຈັນ 59 ລາຍ ໄຊຍະບູລີ 53 ລາຍ ຈໍາປາສັກ 51 ລາຍ ຫຼວງພຣະບາງ 47 ລາຍ ບໍລິຄໍາໄຊ 34 ລາຍ ສາລະວັນ 31 ລາຍ ບໍ່ແກ້ວ 30 ລາຍ ອຸດົມໄຊ 20 ລາຍ ເຊກອງ 20 ລາຍ ຫຼວງນໍ້າທາ 17 ລາຍ ອັດຕະປື 16 ລາຍ ຫົວພັນ 15 ລາຍ ຄໍາມ່ວນ 15 ລາຍ ຊຽງຂວາງ 14 ລາຍ ໄຊສົມບູນ 7 ລາຍ ແລະ ຜົ້ງສາລີມີ 4 ລາຍ ລວມມູນຄ່າເສຍຫາຍທັງໝົດກວ່າ 58 ຕື້ກີບ.

                                                        (ພາບປະກອບ)

ທັງນີ້ ໃນຊ່ວງ 6 ເດືອນຕົ້ນປີ 2019 ທົ່ວປະເທດ ມີອຸບັດເຫດກີດຂຶ້ນທັງໝົດ 3.554 ຄັ້ງພາຫະນະເປ່ເພເລັກໜ້ອຍ 2.987 ຄັນ ເປ່ເພສົມຄວນ 3.090 ຄັນ ໃຊ້ການບໍ່ໄດ້ 202 ຄັນ ມີຄົນໄດ້ຮັບບາດເຈັບເລັກໜ້ອຍ 2.476 ຄົນ ບາດເຈັບສົມຄວນ 2.324 ຄົນ ແລະ ບາດເຈັບສາຫັດ 801 ຄົນ ໃນນັ້ນ ເສຍຊີວິດ 612 ຄົນ.

                                                           (ພາບປະກອບ)

ເຈົ້າໜ້າທີ່ໄດ້ເປີດເຜີຍອີກວ່າ ການສັນຈອນໂດຍລວມຍັງມີຄວາມເປັນລະບຽບຮຽບຮ້ອຍດີ ຜູ້ຂັບຂີ່ສ່ວນຫຼາຍຍັງປະຕິບັດ ແລະ ເຄົາລົບກົດລະບຽບຈະລາຈອນຢ່າງເຂັ້ມງວດ ຖະໜົນຫົນທາງກໍໄດ້ຮັບການປັບປຸງດີຂຶ້ນ ທັງຮັບປະກັນເຮັດໃຫ້ສະພາບການສັນ ຈອນໄປ-ມາມີຄວາມສະດວກສະບາຍທັງໃນຕົວເມືອງ ແລະ ອື່ນໆ ຂະສະທີ່ສະພາບການສັນຈອນຢູ່ພາຍໃນຕົວເມືອງໃຫຍ່ ເປັນຕົ້ນແມ່ນໃນໂມງເຂົ້າການ-ເລີກການກໍຍັງສືບຕໍ່ແອອັດ ໂດຍສະເພາະແມ່ນຢູ່ຕາມ 3 ແຍກ 4 ແຍກ ສໍານັກງານອົງການ ແລະ ສະຖາ ບັນ ຖະໜົນຫົນທາງຈໍານວນໜຶ່ງຍັງບໍ່ສາມາດຮອງຮັບການເພີ່ມຂຶ້ນ ບໍ່ມີສະຖານທີ່ຈອດລົດພຽງພໍ ນອກຈາກນັ້ນ ຖະໜົນບາງສາຍກໍເປ່ເພ ບໍ່ມີໄຟເຍືອງທາງ ແລະ ອື່ນໆ.

                                                          (ພາບປະກອບ)

ດັ່ງນັ້ນ ເຈົ້າໜ້າທີ່ກົມຕໍາຫຼວດຈະລາຈອນຈະໄດ້ເພີ່ມທະວີການຊີ້ນໍາໃຫ້ພະແນກຕໍາຫຼວດຈະລາຈອນໃນແຕ່ລະແຂວງໃນທົ່ວປະເທດ ສືບຕໍ່ເອົາໃຈໃສ່ແກ້ໄຂບັນຫາລົດຕິດຂັດ ແລະ ສູ້ຊົນເຮັດໃຫ້ອຸບັດເຫດຫຼຸດລົງ ພ້ອມນັ້ນ ກົມ ແລະ ພະແນກຈະສືບຕໍ່ປະສານທົມສົບກັບພາກສ່ວນທີ່ກ່ຽວຂ້ອງເພື່ອຊອກຫາວິທີແກ້ໄຂຮ່ວມກັນ ເພື່ອເຮັດໃຫ້ບັນຫາດັ່ງກ່າວຫຼຸດລົງເປັນກ້າວໆ.

 

 

ຮູບພາບ ແລະ ຂໍ້ມູນຂ່າວຈາກເວັບໄຊ 360 ອົງສາ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.