ໂຄງການທາງລົດໄຟ ລາວ-ຈີນ ສຳເລັດແລ້ວ 72,8%

0
380

ການຈັດ​ຕັ້ງ​ປະຕິບັດໂຄງການ​ກໍ່ສ້າງ​ທາງ​ລົດ​ໄຟ ລາ​ວ-ຈີນ ມາຮອດປັດຈຸບັນການ​ກໍ່ສ້າງພື້ນຖານ​ໂຄງ​ລ່າງ​ປະຕິບັດສໍາ​ເລັດ​ແລ້ວ 72,8%.

ທ່ານ ລັດຕະນະມະນີ ຄູ​ນນີວົງ ຮອງ​ລັດຖະມົນຕີ​ກະຊວງ​ໂຍທາ​ທິການ ​ແລະ ຂົນ​ສົ່ງ ຫົວໜ້າ​ຄະນະ​ຄຸ້ມ​ຄອງ​​ໂຄ​ງການ​ກໍ່ສ້າງ​ທາງ​ລົດ​ໄຟ ລາ​ວ-ຈີນ ​ໄດ້​ລາຍ​ງານ​ໃຫ້​ຮູ້​ໃນ​ວັນ​ທີ 5 ກໍລະກົດຜ່ານມາ​ວ່າ ໂຄງການ​ກໍ່ສ້າງ​ທາງ​ລົດ​ໄຟ ລາ​ວ-ຈີນ ​ໄດ້​ລົງມື​ກໍ່ສ້າງ​ທັງ​ໝົດ 975 ຈຸ​ດ ​ໃນ​ນັ້ນ ວຽກງານ​ເຈາະ​ອຸມົງ​ທັງ​ໝົດ 74 ອຸມົງ ລວມ 229 ຈຸດ​ ສາມາດ​​ເຈາະ​ໄດ້​ທັງ​ໝົດ 168.799 ​ແມັດ ​ເລີ່​ມລົງມື​ກໍ່ສ້າງ​ຂົວ​ 156 ​ແຫ່ງ ​ໃນ​ນັ້ນ ​ສ້າງ​ຂົວ​ສຳ​ເລັດ 1.708 ​ເສົາ ເຈາະ​ເຂັມ​ເສົາ​ຂົວລວມຄວາມ​ຍາວ 237.056 ​ແມັດ ສໍາ​ເລັດ​ການວາງ​ຂາງ​ຂົວ 312 ຊ່ວງ​ເສົາ ພ້ອມ​​ນັ້ນ ຍັງ​ໄດ້​ສ້າງ​ເສັ້ນທາງ​ເພື່ອ​ເຂົ້າ​ຫາ​ສະຖານ​ທີ່​ກໍ່ສ້າງ ​922 ກີໂລ​ແມັດ ຂົວ 4.142 ​ແມັດ ຕິດ​ຕັ້ງ​ສາຍ​ສົ່ງ​ໄຟຟ້າ​ 860 ກີ​​ໂລ​ແມັດ ຕິດ​ຕັ້ງໝໍ້​ແປງ​ໄດ້  261 ໜ່ວຍ ​ແລະ ສ້າງ​ລະບົບ​ນ້ຳ​ປະປາ​ໄດ້ 128 ກີໂລ​ແມັດ.

ສຳລັບການ​ມອບ​ພື້ນ​ທີ່​ເພື່ອ​ກໍ່ສ້າງ​ແຂວງ​ຫຼວງ​ນ້ຳ​ທາ ມາ​ຮອດ​ປັດຈຸບັນສາມາດ​ມອບ​ພື້ນ​ທີ່​ໃຫ້​ຜູ້​ຮັບ​ເໝົາ ໄດ້​ນຳ​ເນີນ​ການ​ກໍ່ສ້າງ​ແລ້ວ 16,6 ກີ​ໂລ​ແມັດ ​ເທົ່າ​ກັບ 98,2% ຂອງ​ຄວາມ​ຍາວ​ທັງ​ໝົດ 16,9 ກີ​ໂລ​ແມັດ ​ແຂ​ວງອຸດົມ​ໄຊສາມາດ​ມອບ​ພື້ນ​ທີ່​ໃຫ້​ຜູ້​ຮັບ​ເໝົາລວ​ມທັງ​ໝົດ 125,77 ກີ​ໂລ​ແມັດ ​ເທົ່າ​ກັບ 99,36% ຂອງ​ຄວາມ​ຍາວ​ທັງ​ໝົດ 126,6 ກີ​ໂລ​ແມັດ ​ແຂວງ​ຫຼວງ​ພຣະ​ບາງສາມາດ​ມອບ​ພື້ນ​ທີ່​ໃຫ້​ຜູ້​ຮັບ​ເໝົາລວມທັງ​ໝົດ 76,94 ກີ​ໂລ​ແມັດ ​ເທົ່າ​ກັບ 96,18% ຂອງ​ຄວາມ​ຍາວ​ທັງ​ໝົດ 80 ກີໂລ​ແມັດ ​ແຂວງ​ວຽງ​ຈັນສາມາດ​ມອບ​ພື້ນ​ທີ່​ໃຫ້​ຜູ້​ຮັບ​ເໝົາລວມທັງ​ໝົດ 144,5 ກີໂລ​ແມັດ ​ເທົ່າ​ກັບ 99,2% ຂອງ​ຄວາມຍາວ​ທັງ​ໝົດ 145,5 ກີໂລ​ແມັດ ​ແລະ ນະຄອນຫຼວງ​ວຽງ​ຈັນສາມາດ​ມອບ​ພື້ນ​ທີ່​ໃຫ້​ຜູ້​ຮັບ​ເໝົາລວມທັງ​ໝົດ 34,35 ກີໂລ​ແມັດ ​ເທົ່າ​ກັບ 86,52% ຂອງຄວາມ​ຍາວ​ທັງ​ໝົດ 39,7 ກີໂລ​ແມັດ.

 

 

 

ໂດຍ: ສະຫະລັດ ວອນທິວົງໄຊ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.