ແອັບເປິລຖອນແອັບພລີເຄເຊິນ “ຕິດຕາມ” ເຈົ້າໜ້າທີ່ຕຳຫຼວດຮົງກົງ

0
62

ບໍລິສັດແອັບເປິລນຳແອັບພລີເຄເຊິນ “HKmap” ອອກຈາກແອັບສະຕໍແລ້ວ ພາຍຫຼັງຖືກວິພາກວິຈານຈາກຫຼາຍຝ່າຍທັງຮົງກົງ ແລະ ແຜ່ນດິນໃຫຍ່ວ່າເປັນແອັບພລີເຄເຊິນ “ສະກົດຮອຍ” ການເຮັດວຽກຂອງເຈົ້າໜ້າທີ່ຈຳຫຼວດຮົງກົງແບບຣຽວທາມ.

ທັງນີ້ ບໍລິສັດແອັບເປິລໄດ້ປະກາດຖອດແອັບພລີເຄເຊິນ HKmap.live ເນື່ອງຈາກຄວາມວິຕົກກັງວົນຂອງຜູ້ໃຊ້ບໍລິການໃນຮົງກົງ ແລະ ຢືນຢັນວ່າທາງບໍລິສັດເລີ່ມດຳເນີນການສອບສວນພາຍໃນແລ້ວວ່າ ແອັບພລີເຄເຊິນດັ່ງກ່າວອາດເປັນອັນຕະລາຍຕໍ່ການປະຕິບັດງານຂອງເຈົ້າໜ້າທີ່ຮັກສາກົດໝາຍ ແລະ ຊາວຮົງກົງທົ່ວໄປ ຫຼື ບໍ່? ພ້ອມນີ້ ກໍຈະມີການແຈ້ງຄວາມຄືບໜ້າໃຫ້ຊາບໃນໄວໆນີ້.

ແອັບພລີເຄເຊິນ HKmap.live ເປັນປະເດັນວິພາກວິຈານ ແລະ ໂຕ້ຖຽງຢ່າງໜັກໃນຮົງກົງ ແລະ ແຜ່ນດິນໃຫຍ່ນັບແຕ່ຕົ້ນເດືອນຕຸລາຜ່ານມາ ພາຍຫຼັງມີຜູ້ຕັ້ງຂໍ້ສັງເກດວ່າ ເຖິງແມ່ນວ່າຈະເປັນພຽງແອັບພລີເຄເຊິນແຜນທີ່ແຕ່ກໍສາມາດລະບຸພິກັດຂອງເຈົ້າໜ້າທີ່ ແລະ ຍັງສາມາດຕິດຕາມການເຄື່ອນໄຫວຂອງເຈົ້າໜ້າທີ່ໄດ້ໃນຂະນະປະຕິບັດງານ ສ່ວນສຳນັກງານຄວາມປອດໄພໄຊເບີ ແລະ ອາຊະຍາກຳທາງເຕັກໂນໂລຊີຂອງຮົງກົງກໍໄດ້ອອກມາຖະແຫຼງການວ່າ HKmap.live ເປັນແອັບພລີເຄເຊິນທີ່ອັນຕະ ລາຍຕໍ່ຄວາມໝັ້ນຄົງສາທາລະນະ ແລະ ເອື້ອປະໂຫຍດໃຫ້ແກ່ການກໍ່ອາຊະຍາກຳ ຂະນະທີ່ສື່ມວນຊົນ ແລະ ເຄືອຂ່າຍສັງຄົມອອນລາຍໃນຈີນຕ່າງກໍປະນາມແອັບພລີເຄເຊິນນີ້ຢ່າງຮຸນແຮງ.

 

 

 

 

ຮຽບຮຽງ: ພ.ສະຫວັນ

ຮູບພາບ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.