ແອຣເມສລຸ້ນ “ຮັກຊາດຈີນ” ຂາຍດີໜ່ວຍລະ 2 ແສນໂດລາ

0
82

ລາຍງານກະແສການປະທ້ວງໃນຮົງກົງຕໍ່ວົງການແຟເຊິນ ພາຍຫຼັງມີດາລາຊື່ດັງຂອງ ສປ ຈີນ ຫຼາຍຄົນບໍ່ວ່າຈະເປັນ ຫຍາງມີ່ ຫຼິວເຫວິນ ຈຽງຊູຫຍິງ ແລະ ອີກຫຼາຍໆຄົນໄດ້ອອກມາສະແດງຈຸດຢືນວ່າຈະຢືນຢູ່ຄຽງຂ້າງປະເທດຈີນເພື່ອຕໍ່ຕ້ານກຸ່ມປະທ້ວງໃນຮົງກົງ ດ້ວຍການຕັ້ງປະເດັນວ່າ ກະເປົ໋າຍີ່ຫໍ້ດັງ “ແອຣເມສ” ລຸ້ນພິເສດທີ່ເຮັດລາຍເປັນທຸງຊາດຈີນສີແດງ ຊຶ່ງອາດຈະຖືກໃຈບັນດາຄົນຊື່ດັງເຫຼົ່ານີ້.

ກະເປົ໋າໜັງແຂ້ຜະລິດຕາມຄຳສັ່ງຊື້ພິເສດຜ່ານ ໂມດາ ໂອເພີແຣນດີ ຊຶ່ງຂາຍຜ່ານທາງອອນລາຍ ໂດຍໄດ້ອອກແບບເປັນສີແດງ ແລະ ມີດາວສີເຫຼືອງ 5 ດວງ ຊຶ່ງດວງໃຫຍ່ສຸດໝາຍເຖິງພັກຄອມມູນິດ ສ່ວນອີກ 4 ດວງໝາຍເຖິງສັນຍະລັກຂອງຊົນຊັ້ນທີ່ແຕກຕ່າງກັນໃນສັງຄົມ ສ່ວນລາຄາຂອງກະເປົ໋າລຸ້ນທີ່ອອກແບບມາຈຳກັດລຸ້ນນີ້ ຊຶ່ງມີຄົນປະມູນໄດ້ໃນລາຄາ 200.000 ໂດລາ ທັງນີ້ ກະເປົ໋າລຸ້ນລີມິເຕັດຂາຍໝົດຢ່າງໄວວາ ແລະ ລາຄາກໍເພີ່ມຂຶ້ນສູງເຖິງ 125.000 ໂດລາ (ບໍ່ແມ່ນລາຄາປະມູນ).

ສ່ວນເວັບໄຊ ໂມດາ ໂອເພີແຣນດີ ບໍ່ໄດ້ໃຫ້ຄວາມຊັດເຈນວ່າ ກະເປົ໋າລຸ້ນນີ້ອອກແບບມາໃຫ້ມີທຸງຊາດຈີນຕັ້ງແຕ່ຂັ້ນຕອນການຜະລິດ ຫຼື ເປັນການເພີ່ມເຕີມດາວເທິງກະເປົ໋າຕາມຄຳສັ່ງຊື່ຂອງລູກຄ້າ? ຂະນະທີ່ ແອຣເມສ ກໍບໍ່ໄດ້ຂາຍກະເປົ໋າລຸ້ນນີ້ຜ່ານທາງອອນລາຍ ຊຶ່ງກໍອາດເປັນໄປໄດ້ວ່າມີການຕົບແຕ່ງເພີ່ມເຕີມພາຍຫຼັງ ຊຶ່ງແອຣເມສກຳລັງກວດສອບ ທີ່ໄປທີ່ມາຂອງກະເປົ໋າລຸ້ນ “ຮັກຊາດຈີນ” ລຸ້ນນີ້.

 

 

ຮຽບຮຽງ: ພ.ສະຫວັນ

ຮູບພາບ: khaosod

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.