ແພດຍີ່ປຸ່ນເຈົ້າຂອງລາງວັນ “ແມັກໄຊໄຊ” ຖືກມືປືນລັດຍິງເສຍຊີວິດ

0
6794

ເມື່ອວັນທີ 4 ທັນວາທີ່ຜ່ານມາ ສຳນັກຂ່າວເອເອຟພີລາຍງານວ່າ: ເກີດເຫດເສົ້າສະເທືອນໃຈໃນຕາວັນອອກາງ ເມື່ອກຸ່ມມືປືນຫົວຮຸນແຮງໄດ້ກໍ່ເຫດລັດຍິງລົດອົງການພັດທະນາເອກະຊົນທີ່ບໍ່ຫວັງຜົນກຳໄລ (NGO) ຊຶ່ງໃນນັ້ນກໍມີ ດຣ. ເທັດສີ ນາກາມູຣະ ຊາວຍີ່ປຸ່ນ ອາຍຸ 73 ປີ ຫົວໜ້າໜ່ວຍງານແພດຍີ່ປຸ່ນເພື່ອສັນຕິພາບ, ເຈົ້າຂອງລາງວັນແມັກໄຊໄຊ ນັ່ງມາໃນລົດພ້ອມກັບທີມງານຊາວອັຟການິສຖານຂະນະອອກປະຕິບັດໜ້າທີ່ໃນເມືອງຈາລາລາບັດ ແຂວງນານກາຣຮາ ປະເທດອັຟການິສຖານ ໂດຍກຸ່ມມືປືນໄດ້ລັດຍິງລົດຄັນດັ່ງກ່າວຈົນເຮັດຄົນໃນລົດ 5 ຄົນເສຍຊີວິດ.

ດຣ. ເທັດສີ ນາກາມູຣະ ແພດຜູ້ອຸທິດຕົນທຳງານເພື່ອຜູ້ລີ້ໄພໃນປະເທດອັຟການິສຖານ ແລະ ປາກິສຖານເປັນເວລາຫຼາຍປີ ແລະ ໄດ້ຮັບລາງວັນ ຣາມອນ-ແມກໄຊໄຊ ເມື່ອປີ 2003.

ດຣ. ນາກາມູຣະ ຖືກຍິງຢູ່ໜ້າເອິກເບື້ອງຂວາ ຫຼັງຈາກນັ້ນກໍໄດ້ເສຍຊີວິດລົງທີ່ສະໜາມບິນຈາລາລາບັດໃນຂະນະທີ່ຖືກນຳສົ່ງໄປໂຮງໝໍໃນເມືອງບາກຣາມ.

ເຈົ້າໜ້າທີ່ໃນອົງການຂອງ ດຣ. ນາກາມູຣະ ເປີດເຜີຍກັບຜູ້ສື່ຂ່າວໃນນະຄອນຫຼວງໂຕກຽວວ່າ: ຍັງບໍ່ຮູ້ແຮງຈູງໃຈໃນການກໍ່ເຫດໂຈມຕີຄັ້ງນີ້ວ່າເປັນການກໍ່ເຫດປຸ້ນທຳມະດາ ຫຼື ເປັນເລື່ອງຂອງຜົນປະໂຫຍດ?.

ຂະນະທີ່ນາຍົກລັດຖະມົນຕີ ຊິນໂຊະ ອາເບະ ອອກມາລະບຸວ່າ: ຕົນເອງຮູ້ສຶກຕົກໃຈເມື່ອໄດ້ຮູ້ຂ່າວຂອງ ດຣ. ນາກາມູຣະ ພ້ອມກ່າວວ່າຊາວອັຟການິສຖານຕ້ອງຂອບໃຈ ດຣ. ນາກາມູຣະ ທີ່ໄດ້ໃຫ້ການຊ່ວຍເຫຼືອຊາວອັຟການິສຖານມາຕະຫຼອດຫຼາຍສິບປີ.

 

ຮຽບຮຽງຂ່າວ: ພຸດສະດີ
ແຫຼ່ງຂໍ້ມູນ: www.sanook.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.