ແຈ້ງເຕືອນຝົນຕົກໜັກວັນທີ 2-5 ກໍລະກົດ 2019

0
1630

ໃນໄລຍະວັນທີ 2-5 ກໍລະກົດ 2019 ນີ້ ລົມມໍລະສຸມຕາເວັນຕົກສຽງໃຕ້ມີກຳລັງປານກາງຫາແຮງພັດປົກຄຸມຢູ່ຕອນໃຕ້ຂອງປະເທດ ສປ ຈີນ ແລະ ຈະມີກຳລັງແຮງເພີ່ມຂຶ້ນພັດຜ່ານເກາະໄຮໜານເຂົ້າສູ່ ສສ ຫວຽດນາມ ແລະ ຍັງຈະເພີ່ມກຳລັງແຮງຂຶ້ນຕື່ມປົກຄຸມຢູ່ພາກເໜືອຫາພາກກາງຂອງປະເທດລາວ ສົ່ງຜົນໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອນຫາປານກາງເປັນບໍລິເວນກວ້າງ ແລະ ຕົກໜັກ ພ້ອມມີລົມພັດແຮງ ຟ້າຜ່າ ແລະ ດິນເຈື່ອນຢູ່ບາງທ້ອງຖິ່ນແຂວງພາກເໜືອຫາພາກກາງ ແລະ ພາກໃຕ້.

ດັ່ງນັ້ນ ຈຶ່ງແຈ້ງເຕືອນເຖິງປະຊາຊົນບັນດາເຜົ່າທີ່ອາໄສຢູ່ບັນດາແຂວງທົ່ວປະເທດ ໃຫ້ມີສະຕິລະມັດລະວັງຕໍ່ສະພາບຝົນຕົກຟ້າຮ້ອງຟ້າເຫຼື້ອມ ແລະ ລົມພັດແຮງທີ່ອາດຈະເຮັດໃຫ້ຕົ້ນໄມ້ຫັກ ເສົາໄຟຟ້າລົ້ມ ຫຼັງຄາເຮືອນເປ່ເພ ພ້ອມນີ້ ກໍໃຫ້ຫຼີກເວັ້ນການໄປຢູ່ກ້ອງຕົ້ນໄມ້ໃຫຍ່ ຫຼື ຢູ່ເດີ່ນກາງແຈ້ງ ເພາະຈະມີຄວາມສ່ຽງໃຫ້ເກີດຟ້າຜ່າ ແລະ ຂໍໃຫ້ຕິດຕາມຂ່າວພະຍາກອນອາກາດຈາກກົມອຸຕຸນິຍົມ ແລະ ອຸທົກກະສາດໃນໄລຍະ 1 ຫາ 4 ວັນຕໍ່ໜ້ານີ້.

ຮຽບຮຽງຂ່າວ:​ບຸດສະດີ ສາຍນໍ້າມັດ
ແຫຼ່ງຂໍ້ມູນ: ກົມອຸຕຸນິຍົມ ແລະ ອຸທົກກະສາດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.