ເສຍຊີວິດເພີ່ມແລ້ວອີກ 1 ລາຍ, ເຫດໄຟປ່າອົສຕຣາລີ!!

0
533

ຈຳນວນຜູ້ເສຍຊີວິດຈາກໄຟປ່າຮຸນແຮງທາງພາກຕາເວັນອອກຂອງອົສຕຣາລີເພີ່ມເປັນລາຍທີ 4 ພາຍຫຼັງທີ່ເຈົ້າໜ້າທີ່ພົບສົບຊາຍນິລະນາມໃນໃນປ່າຢູ່ໃນສະພາບໄໝ້ໝົດໂຕ.

ສຳນັກຂ່າວເອເອຟພີລາຍງານເມື່ອວັນທີ 14 ພະຈິກຜ່ານມາວ່າ: ເຈົ້າໜ້າທີ່ໄດ້ຮັບແຈ້ງຈາກປະຊາຊົນໃນທ້ອງຖິ່ນວ່າພົບສົບຊຶ່ງເຊື່ອວ່າເປັນຊາຍໄວ 58 ປີທີ່ຫາຍຕົວໄປແຕ່ວັນທີ 8 ພະຈິກ 2019, ສົບດັ່ງກ່າວຖືກພົບໃນເຂດນອກເມືອງເຄມຊີ ລັດນິວເຊົາເວລ.

ມາຮອດປັດຈຸບັນ ໄຟປ່າກວ່າ 100 ຈຸດຍັງລຸກໄໝ້ ແລະ ຄາດວ່າໄຟປ່າຈະຍິ່ງທະວີຄວາມຮຸນແຮງຂຶ້ນເລື້ອຍໆໃນລັດຄວີນແລນ ແລະ ນິວເຊົາເວລໄປຈົນເຖິງທ້າຍອາທິດນີ້, ເນື່ອງຈາກອຸນຫະພູມສູງຂຶ້ນບວກກັບກະແສລົມແຮງ.

ຂະນະທີ່ເຈົ້າໜ້າທີ່ໄດ້ເປີດເຜີຍວ່າ: ບ້ານເຮືອນຂອງປະຊາຊົນຫຼາຍຮ້ອຍຫຼັງຖືກໄຟປ່າເຜົາໄໝ້ທຳລາຍເສຍຫາຍ ແລະ ພື້ນທີ່ດິນກໍຖືກເຜົາໄໝ້ຫຼາຍລ້ານໄລ່.

 

ຮຽບຮຽງ: ເພັງສະຫວັນ

ຮູບພາບ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.