ເວັບໄຊເຖົາເປົາ ເປີດບໍລິການໃໝ່ “ຮັບຈ້າງຖຽງ ຫຼື ດ່າແທນ” ບໍ່ຊະນະບໍ່ເອົາເງິນ

0
64

ສື່ອອນລາຍນ໌ປະເທດຈີນລາຍງານວ່າ ເຖົາເປົາ (Taobao) ເປີດບໍລິການໃໝ່ຮັບຈ້າງຖຽງແທນ ໂດຍຜູ້ຊ່ຽວຊານຈະໄດ້ໂຕ້ຖຽງກັບເປົ້າໝາຍທາງໂທລະສັບ ຫຼື ສົ່ງຂໍ້ຄວາມ ໂດຍມີຄ່າບໍລິການເລີ່ມຕົ້ນທີ່ 5-200 ຢວນ (6.215 – 248.600ກີບ).

Red Star News ສື່ອອນລາຍນ໌ຂອງຈີນລະບຸວ່າ ບໍລິການຖຽງແທນ ຫຼື ດ່າແທນ ຄືການຈ້າງຄົນໄປຖຽງກັບຄູ່ກໍລະນີ ຊ່ວຍໃຫ້ຜູ້ໃຊ້ບໍລິການສາມາດຫຼີກລ່ຽງການປະທະໂດຍກົງກັບຄູ່ກໍລະນີ. ໂດຍຈະມີຜູ້ຊ່ຽວຊານໄປຈັດການຖຽງ ຫຼື ຕໍ່ວ່າຄູ່ກໍລະນີແທນຕະຫຼອດ 24 ຊົ່ວໂມງ ແລະ ຜູ້ໃຊ້ບໍລິການຍັງສາມາດເລືອກພາສາທີ່ຈະໃຊ້ໄດ້ອີກດ້ວຍ ເຊິ່ງມີຜູ້ຊ່ຽວຊານການຖຽງທີ່ເວົ້າພາສາຈີນກາງ, ກວາງຕຸ້ງ, ຮົກກ້ຽນ,​ຊຽງໄຮ້,​ ໄຫຫຼໍຳ ແລະ ພາສາທ້ອງຖິ່ນອື່ນໆອີກ. ນອກຈາກນີ້, ຍັງມີການຮັບປະກັນວ່າ ຫາກຖຽງບໍ່ຊະນະກໍ່ຈະບໍ່ຮັບເງິນ ສ່ວນຄ່າບໍລິການຈະຕ້ອງຊຳລະຜ່ານວີແຊດ ຫຼື QQ ເຊິ່ງເປັນບໍລິການຮັບຊຳລະສິນຄ້າໃນເວັບໄຊເຖົາເປົາ.

ທັງນີ້, ມີລາຍງານຂ່າວອີກວ່າການບໍລິການດັ່ງກ່າວຖືກກ່າວເຖິງເປັນວົງກວ້າງ ມີການເຜີຍແຜ່ວີແຊດການສອບຖາມຕົກລົງກັນລະຫວ່າງລູກຄ້າ ແລະ ຜູ້ໃຫ້ບໍລິການ ເຊິ່ງໄດ້ມີການຕັ້ງກຸ່ມແຊດສະເພາະໃຫ້ບໍລິການນີ້.
ຂະນະດຽວກັນ,​ ມີຜູ້ໃຊ້ສື່ສັງຄົມອອນລາຍນ໌ຫຼາຍຄົນກ່າວວ່າ ບໍລິການຮູບແບບດັ່ງກ່າວຄວນກຳນົດອາຍຸຂັ້ນຕໍ່າ ຕ້ອງມີຂໍ້ມູນກ່ຽວກັບສຸຂະພາບຂອງຄູ່ກໍລະນີ ເພື່ອປ້ອງກັນຜົນກະທົບ ຫຼື ທຳຮ້າຍຈິດໃຈຄູ່ກໍລະນີ.
ດ້ານທະນາຍຄວາມ ແລະ ນັກກົດໝາຍໃນຈີນລະບຸວ່າ ບໍລິການດັ່ງກ່າວເຂົ້າຂ່າຍຜິດກົດໝາຍ ຖືເປັນການຄຸກຄາມ, ດູຖູກຢຽດຢາມ, ລະເມີດຄວາມເປັນສ່ວນຕົວ ຫາກສະຖານະການຮ້າຍແຮງອາດມີຄວາມຜິດທາງອາຍາ.
ຮຽບຮຽງຂ່າວ:​ບຸດສະດີ ສາຍນໍ້າມັດ
ແຫຼ່ງຂໍ້ມູນ: www.sanook.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.