ເລືອກກິນອາຫານທີ່ດີຊ່ວຍປົກປ້ອງຮ່າງກາຍຈາກມະເຮັງຮ້າຍຫຼາຍຊະນິດ

0
392

ພະຍາດມະເຮັງຖືເປັນພະຍາດຮ້າຍ ແລະ ອັນຕະລາຍອັນດັບ 2 ຂອງໂລກ ຊຶ່ງສາເຫດສ່ວນໃຫຍ່ກໍຄືການສູບຢາ ແລະ ດື່ມແອລ ກໍຮອລ ຂະນະທີ່ 1 ໃນ 5 ອັນດັບທຳອິດຂອງການກໍ່ໃຫ້ເກີດມະເຮັງແມ່ນກ່ຽວຂ້ອງກັບໂພຊະນາການໂດຍສະເພາະການກິນອາຫານທີ່ບໍ່ດີຕໍ່ສຸຂະພາບ.

ການຈະເລີນເຕີບໂຕຂອງເຊລມະເຮັງສາມາດສົ່ງຜົນກະທົບຕໍ່ເນື້ອເຍື່ອສະໝອງ ແລະ ເຮັດໃຫ້ເກີດມະເຮັງ ແລະ ຊີ້ນປົ່ງໃນໄລຍະຍາວ ລະບົບທາງເດີນອາຫານກໍເຊັ່ນກັນຊຶ່ງມີເຊລປະສາດຫຼາຍກວ່າ 500 ລ້ານເຊລ ລຳໄສ້ກໍເຕັມໄປດ້ວຍແບັກທີເຣຍ 300-600 ສາຍພັນທີ່ເຮັດໜ້າທີ່ສົ່ງເສີມລະບົບພູມຄຸ້ມກັນ ຊ່ວຍໃນການເຜົາຜານ ຍ່ອຍອາຫານ ຊ່ວຍສົ່ງຜ່ານປະສາດ ແລະ ສັນຍານໃນສະໝອງ ດັ່ງນັ້ນ ການປ່ຽນແປງໃນຊະນິດ ຫຼື ຈຳນວນຂອງແບັກທີເຣຍໃນລະບົບທາງເດີນອາຫານອາດນຳໄປສູ່ການອັກເສບໃນຮ່າງກາຍ ແລະ ກໍໃຫ້ເກີດພະຍາດຕ່າງໆ ລວມເຖິງພະຍາດມະເຮັງ ຊຶ່ງສິ່ງຕ່າງໆເຫຼົ່ານີ້ກໍສາມາດປ້ອງກັນໄດ້ດ້ວຍການເລືອກຮັບປະທານອາຫານທີ່ດີຕໍ່ສຸຂະພາບ ແລະ ອາຫານທີ່ສົມດຸນຊຶ່ງຄວນເລີ່ມແຕ່ອາຍຸນ້ອຍ ເພາະອາຫານທີ່ອຸດົມໄປດ້ວຍສານຕ້ານອະນຸມູນອິດສະຫຼະລວມທັງອາຫານ ທີ່ສຳຄັນອື່ນໆຈະຊ່ວຍເພີ່ມລະບົບພູມຄຸ້ມກັນ ແລະ ການເຮັດວຽກຂອງສະໝອງໃຫ້ແຂງແຮງ.

ຜູ້ຊ່ຽວຊານດ້ານການແພດຊີ້ວ່າ ອາຫານເພື່ອສຸຂະພາບຈະຊ່ວຍຄວບຄຸມການຕິດເຊື້ອ ແລະ ພາວະແຊກຊ້ອນ ຊຶ່ງມີຜົນວິໄຈລະບຸວ່າ ການກິນໝາກໄມ້ ແລະ ຜັກ 6 ວັນຕໍ່ 1.000 ແຄລໍຣີຈະມີຄວາມສ່ຽງຫຼຸດລົງ 29% ໂດຍມີຄຳແນະນຳວ່າຜັກທີ່ຄວນກິນເຊັ່ນ ບລ໋ອກໂຄລີ ກະຫຼ່ຳດອກ ກະຫຼ່ຳ ໝາກເລັ່ນ ແລະ ກາລົດ ເພາະຜັກຈຳພວກນີ້ມີປະສິດທິພາບສູງໃນການຫຼຸດຄວາມສ່ຽງຕໍ່ການເກີດພະຍາດມະເຮັງ ສ່ວນໝາກໄມ້ທີ່ມີລົດຊາດສົ້ມຈະມີສານຕ້ານອະນຸມູນອິດສະຫຼະ ແລະ ສານເຄມີຊະນິດໜຶ່ງທີ່ຊ່ວຍປ້ອງກັນພະຍາດ ລວມເຖິງພືດຕະກູນຖົ່ວ ນ້ຳມັນໝາກກອກ ແລະ ກະທຽມ.

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.