ເມືອງລູບລິຢານາຖືກຍົກໃຫ້ເປັນເມືອງທີ່ຣີໄຊເຄິລຂີ້ເຫຍື້ອມີປະສິດທິພາບທີ່ສຸດໃນໂລກ

0
239

ໃນປີ 2019 ນະຄອນລູບລິຢານາຂອງປະເທດສະໂລວາເນຍຖືກຍົກໃຫ້ເປັນເມືອງທີ່ມີລະບົບຈັດການ ແລະ ຣີໄຊເຄິລຂີ້ເຫຍື້ອໄດ້ຢ່າງມີປະສິດທິພາບທີ່ສຸດໃນທະວີບເອີຣົບ,​ ເມືອງດັ່ງກ່າວສາມາດຣີໄຊເຄິລຂີ້ເຫຍື້ອຈາກຄົວເຮືອນໄດ້ເຖິງ 70%.

ສຳນັກຂ່າວຕ່າງປະເທດລາຍງານເມື່ອບໍ່ດົນມານີ້ວ່າ: ພາຍໃນໄລຍະເວລາພຽງ 15 ປີທີ່ນະຄອນລູບລິຢານາໄດ້ປ່ຽນຈາກເມືອງທີ່ບໍ່ມີລະບົບການຣີໄຊເຄິລຂີ້ເຫຍື້ອມາເປັນ “ເມືອງທີ່ປະຕິບັດດ້ານການຈັດການຂີ້ເຫຍື້ອ” ແລະ ເປັນເມືອງທຳອິດໃນທະວີບເອີຣົບທີ່ຕັ້ງເປົ້າຫຼຸດຂີ້ເຫຍື້ອໃຫ້ເຫຼືອສູນ.

ສ່ວນທາງການທ້ອງຖິ່ນກໍໄດ້ດຳເນີນມາດຕະການດັ່ງກ່າວໂດຍໄດ້ສົ່ງເສີມໃຫ້ປະຊາຊົນແຍກຂີ້ເຫຍື້ອຕັ້ງແຕ່ຢູ່ເຮືອນ, ໂດຍຂີ້ເຫຍື້ອຈຳພວກພືດ ແລະ ອາຫານຕ່າງໆຈະຖືກນຳໄປຜະລິດເປັນປຸ໋ຍເພື່ອນຳໃຊ້ເຂົ້າໃນພາກກະສິກຳ, ແຕ່ຖ້າຫາກເປັນຂີ້ເຫຍື້ອທີ່ຣີໄຊເຄິລບໍ່ໄດ້ຊາວເມືອງຈະຕ້ອງນຳໄປຖິ້ມລົງໃນຖັງຂີ້ເຫຍື້ອທີ່ແຍກເປັນພິເສດ ຊຶ່ງມີຄ່າທຳນຽມຕາມທີ່ກຳນົດໄວ້ ແລະ ເມື່ອຂີ້ເຫຍື້ອປະ ເພດນີ້ໄປເຖິງໂຮງງານກໍຈະຖືກສົ່ງເຂົ້າຂະບວນການເພື່ອນຳໄປໃຊ້ເປັນເຊື້ອເພີງທົດແທນເຊື້ອເພີງຟອສຊິລຕໍ່ໄປ.

ຢ່າງໃດກໍຕາມ ຄວາມສຳເລັດຄັ້ງນີ້ເຮັດໃຫ້ຂີ້ເຫຍື້ອທີ່ຈະຖືກສົ່ງໄປຝັງໃນອ່າງເກັບຂີ້ເຫຍື້ອຫຼຸດປະລິມານລົງຢ່າງຫຼວງຫຼາຍ, ຊຶ່ງສົ່ງຜົນໃຫ້ເມືອງຕ້ອງປິດການນຳໃຊ້ອ່າງເກັບຂີ້ເຫຍື້ອຫຼາຍແຫ່ງ.

 

 

ຮຽບຮຽງ: ເພັງສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.