ເຜີຍໂສມ Miss Universe Laos 2019 ທັງ 30 ຄົນໃນຊຸດປະຈໍາຊາດ

0
61

ບໍລິສັດ Miss Lao ຊຶ່ງໄດ້ຮັບລິດຂະສິດ Miss Universe Laos ແຕ່ພຽງຜູ້ດຽວ ພາຍໃຕ້ຫົວຂໍ້ “ສະເໜຂອງຄວາມເປັນລາວສູ່ຄວາມເປັນດາວແຫ່ງຈັກກະວານ” ຈັດງານເປີດຕົວນ້ອງນາງສາວທັງ 30 ຄົນ Miss Universe Laos 2019 ໃນຮອບ Preview Day ຍ່າງໂຊແບບໃນຊຸດຜ້າໄໝລາວທີ່ສະແດງເຖິງເອກະລັກຄວາມເປັນລາວ ແລະ ເພື່ອເປັນການສະແດງຄວາມພ້ອມຂອງບັນດານ້ອງໆຫຼັງຈາກໄດ້ຜ່ານການຝຶກແອບ.

ງານດັ່ງກ່າວໄດ້ຈັດຂຶ້ນໃນວັນທີ 22 ສິງຫາ 2019 ທີ່ໂຮງແຮມ ແລນມາກ ແມ່ຂອງຣີເວີໄຊ ນະຄອນຫຼວງວຽງຈັນ ໂດຍການເຂົ້າ ຮ່ວມຂອງ ທ່ານ ສຸລິຍາ ແກ້ວພິລາວົງ ຫົວໜ້າກົມຂະບວນການຊາວໜຸ່ມປະຊາຊົນປະຕິວັດລາວ ທ່ານ ຈັນທະສອນ ພິມມະສອນ ປະທານໂຄງການປະກວດ Miss Universe Laos ພ້ອມດ້ວຍບັນດາພາກສ່ວນກ່ຽວຂ້ອງ ແລະ ແຂກຖືກເຊີນເຂົ້າຮ່ວມຢ່າງຫຼວງຫຼາຍ.

ທ່ານ ຈັນທະສອນ ພິມມະສອນ ໄດ້ກ່າວວ່າ ການຈັດງານໃນຄັ້ງນີ້ກໍເພື່ອເປັນການສະແດງຄວາມພ້ອມຂອງບັນດານ້ອງໆທັງ 30 ຄົນໃຫ້ບັນດາມວນຊົນໄດ້ເຫັນພາຍຫຼັງທີ່ຜ່ານການຝຶກແອບບໍ່ວ່າຈະເປັນທາງດ້ານຄວາມຮູ້ຄວາມສາດ ທັດສະນະຄະຕິ ບຸກຄະລິກກະພາບ ແລະ ທັກສະທີ່ຈໍາເປັນຊຶ່ງຈະຕ້ອງໄດ້ນຳມາໃຊ້ເທິງເວທີການປະກວດ ພ້ອມທັງເປັນການກະກຽມຂັ້ນພື້ນຖານທີ່ຈະກ້າວສູ່ເວທີລະດັບສາກົນ ໂດຍນ້ອງໆທັງ 30 ຄົນໄດ້ຍ່າງໂຊຄວາມງາມດ້ວຍຊຸດປະຈໍາຊາດທີ່ເປັນເອກະລັກ ຊຶ່ງຖືເປັນອີກໜຶ່ງຄວາມພາກພູມໃຈຂອງປະຊາຊົນລາວທັງຊາດ ລວມທັງເປັນການປະຊາສໍາພັນໃຫ້ແກ່ທົ່ວໂລກໄດ້ເຫັນເຖິງຄວາມງາມ ຄວາມສາມາດຂອງແມ່ຍິງລາວຍຸກໃໝ່ທີ່ຄຽງຄູ່ໄປກັບຄວາມເປັນຊາດລາວ.

ບັນດາທ່ານສາມາດຕິດຕາມການເຄື່ອນໄຫວ ແລະ ກິດຈະກຳຕ່າງໆໃນຮອບຕໍ່ໄປຂອງກອງປະກວດ Miss Universe Laos 2019 ຜ່ານທາງເພຊ Facebook/missuniverselaos2019.

 

 

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.