ເປີດໂຕຖົງຢາງອະນາໄມ “ນໍາເບີ ວັນ” ຮູບໂສມໃໝ່

0
215

ເມື່ອວັນທີ 8 ກັນຍາຜ່ານມາທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ໄດ້ຈັດພິທີເປີດໂຕຜະລິດຕະພັນຮູບໂສມໃໝ່ຂອງ “ນໍາເບີ ວັນ” ຊຶ່ງມີທັງໝົດ 4 ກິ່ນທີ່ມາພ້ອມກັບກ່ອງບັນຈຸໃໝ່ທີ່ສາມາດພົກພາໄດ້ສະດວກກວ່າເກົ່າບໍ່ວ່າຈະເປັນກິ່ນໝາກກ້ຽງ ສະຕໍເບີຣີ ກຸຫຼາບ ແລະ Super Thin.

ໃຫ້ກຽດເຂົ້າຮ່ວມຂອງທ່ານ ດຣ ສີສະຫວາດ ສຸດທາລະນີໄຊ ຮອງຫົວໜ້າກົມຄວບຄຸມພະຍາດຕິດຕໍ່ກະຊວງສາທາລະນະສຸກ ທ່ານ ດຣ ພູທອນ ສຸດທາລັກ ຫົວໜ້າສູນຕ້ານເອດ ແລະ ພຕພ ທ່ານ ອີລິກ ຊິສເຕດ ຫົວໜ້າປະຈຳພາກພື້ນຂອງອົງການ PSI ແລະ ທ່ານ ຊຸດດາອາດ ຂັນຕິວົງ ປະທານບໍລິສັດ ສະອາດການຢາ ພ້ອມບັນດາຕົວແທນຂະແໜງກ່ຽວຂ້ອງເຂົ້າຮ່ວມ.

ຈຸດປະສົງກໍເພື່ອເປັນການປຸກລະດົມການນຳໃຊ້ຖົງຢາງອະນາໄມໃນການຄວມຄຸມພະຍາດຕິດຕໍ່ທາງເພດສຳພັນ ປ້ອງກັນພະຍາດເອດ ແລະ ອື່ນໆ ນຳໃຊ້ເພື່ອວາງແຜນຄອບຄົວຕາມທິດທາງຍຸດທະສາດແຫ່ງຊາດລາວ ພ້ອມນັ້ນ ຍັງເປັນການສະເຫຼີມສະຫຼອງວັນຄົບ ຮອບ 20 ປີທີ່ຖົງຢາງອະນາໄມ Number One ຖືກເລືອກມາເຮັດຕະຫຼາດຢູ່ລາວ.

ສຳລັບ 4 ກິ່ນໃໝ່ປະກອບມີ ກິ່ນ Super Thin ຊຶ່ງໃຫ້ຄວາມຮູ້ສຶກທີ່ຫຼູຫຼາ ທັນສະໄໝ ແລະ ມີຄວາມບາງເປັນພິເສດ ກິ່ນໝາກກ້ຽງ ຈະໃຫ້ຄວາມຮູ້ສຶກສົດຊື່ນ ແລະ ຕື່ນເຕັ້ນ ກິ່ນດອກກຸຫຼາບທີ່ມາພ້ອມຮູບໂສມໃໝ່ຊຶ່ງໃຫ້ຄວາມຮູ້ສຶກຫວານ-ໂຣແມນຕິກ ແລະ ກິ່ນສະຕໍເບີຣີທີ່ເໝາະກັບຄວາມເຈົ້າຊູ້ ແລະ ຄວາມສະໜຸກສະໜານ.

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.