ເປີດງານ “ລາວ ແຟເຊິນ ວີກ 2019” ຢ່າງເປັນທາງການ

0
48

ໃນວັນທີ 9 ກັນຍາ 2019 ທີ່ເຮືອນພັກທ່ານທູດຝຣັ່ງປະຈຳ ສປປ ລາວ ໄດ້ຈັດພິທີເປີດງານ “ລາວ ແຟເຊິນ ວີກ 2019” ຢ່າງຍິ່ງໃຫຍ່ ໂດຍການເປັນປະທານຂອງທ່ານ ນາງ ຟລໍຣອງສ ຊອງລອງ-ຣີສແລກ ເອກອັກຄະລັດຖະທູດຝຣັ່ງປະຈຳ ສປປ ລາວ ທ່ານ ສົມສະໜຸກ ມີໄຊ ຮອງປະທານສະມາຄົນນັກຂ່າວແຫ່ງປະເທດລາວ ທ່ານ ນາງ ປານີ ໄຊຍະວົງ ຜູ້ກໍ່ຕັ້ງ ທັງເປັນປະທານໂຄງການ ລາວ ແຟເຊິນ ວີກ ມີແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.

ໂອກາດດັ່ງກ່າວທ່ານທູດຝຣັ່ງໄດ້ເນັ້ນຢ້ຳຄືນກ່ຽວກັບການສະໜັບສະໜູນໂຄງການດັ່ງກ່າວຊຶ່ງເປັນການສະໜັບສະໜູນດ້ານແຟເຊິນ ແລະ ການສ້າງສັນຜົນງານການອອກແບບຂອງນັກອອກແບບໜຸ່ມນ້ອຍຂອງລາວ ນັບແຕ່ມື້ກໍ່ຕັ້ງໂຄງການລັດຖະບານຝຣັ່ງກໍໄດ້ໃຫ້ການສະໜັບສະໜູນ ແລະ ຮ່ວມພັດທະນາຂະແໜງການແຟເຊິນໃນລາວຊຶ່ງເປັນອີກໜຶ່ງປະເທດທີ່ມີຄວາມໂດດເດັ່ນໃນເລື່ອງຂອງສິລະປະການປະຍຸກ ແລະ ກໍຖືເປັນອຸດສາຫະກຳທີ່ມີການຂະຫຍາຍຕົວ ພ້ອມນີ້ ການສະໜັບສະໜູນອຸດສາຫະກຳແຟເຊິນໃນລາວກໍນອນຢູ່ໃນແຜນງານຂອງລັດຖະບານຝຣັ່ງທີ່ສືບຕໍ່ມາຢ່າງຍາວນານຊຶ່ງປີນີ້ກໍຖືເປັນປີທີ 6.

ສຳລັບງານ “ລາວ ແຟເຊິນ ວີກ 2019” ແມ່ນເລີ່ມມາແຕ່ວັນທີ 9-13 ກັນຍາ 2013 ຊຶ່ງລາຍລະອຽດມີດັ່ງນີ້

  • ວັນທີ 10 ກັນຍາ 2019 (ເວລາ 19:00-21:00 ໂມງ) ການສະແດງອາພອນໂດຍນັກອອກແບບລາວ ແລະ ຕ່າງປະເທດ
  • ວັນທີ 11 ກັນຍາ 2019 (ເວລາ 10:00-12:00 ໂມງ) ງານສຳມະນາດ້ານການອອກແບບອາພອນ ແລະ ເວລາ 19:00-21:00 ໂມງ ການສະແດງອາພອນໂດຍນັກອອກແບບລາວ ແລະ ຕ່າງປະເທດ
  • ວັນທີ 12 ກັນຍາ 2019 (ເວລາ 19:00-21:00 ໂມງ) ການສະແດງອາພອນໂດຍນັກອອກແບບລາວ ແລະ ຕ່າງປະເທດ
  • ວັນທີ 13 ກັນຍາ 2019 (ເວລາ 19:00-21:00 ໂມງ) ການສະແດງອາພອນໂດຍນັກອອກແບບລາວ ແລະ ຕ່າງປະເທດ ພ້ອມນີ້ ກໍຈະມີການຄັດເລືອກຜູ້ທີ່ຊະນະເລີດນັກອອກແບບໜຸ່ມນ້ອຍຂອງລາວປະຈຳປີ 2019

ໝາຍເຫດ ສະເພາະວັນທີ 10-13 ກັນຍາ 2019 ງານແມ່ນຈັດຢູ່ທີ່ໂຮງແຮມແລນມາກ ແມ່ຂອງຣີເວີໄຊ ນະຄອນຫຼວງວຽງຈັນ ບັນດາທ່ານສາມາດສອບຖາມຂໍ້ມູນເພີ່ມເຕີມໄດ້ທີ່ໝາຍເລກ (021) 213 776 ແລະ (020) 2241 0405.

 

 

 

ໂດຍ: ພ.ສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.