ເປີດການແຂ່ງຂັນລົດໃຫຍ່ອ໊ອບໂຣດນາໆຊາດປະຈຳປີ 2019

0
39

ສະຫະພັນກີລາລົດໃຫຍ່ ແລະ ລົດຈັກ ແຫ່ງຊາດລາວ ຈັດງານແຂ່ງຂັນລົດໃຫຍ່ອ໊ອບໂຣດນາໆຊາດປະຈຳປີ 2019 ເພື່ອຊີງຂັນລັດ ຖະມົນຕີກະຊວງສຶກສາທິການ ແລະ ກີລາ ໃນລະຫວາງວັນທີ 9-11 ສິງຫາ 2019 ຢູ່ເຂດເສດຖະກິດພິເສດບຶງທາດຫຼວງ ເມືອງໄຊເສດຖາ ນະຄອນຫຼວງວຽງຈັນ ພ້ອມນັ້ນ ຍັງໄດ້ມີງານຕະຫຼາດນັດວາງສະແດງລົດໃຫຍ່ມືໜຶ່ງ ລົດມືສອງ ແລະ ອື່ນໆ ຊຶ່ງໄດ້ເລີ່ມຈັດຂຶ້ນນັບລະຫວ່າງວັນທີ 5-11 ສິງຫານີ້.

ທ່ານ ສົມພອນ ສະຫວັດວິພານ ປະທານສະຫະພັນກິລາລົດໃຫຍ່ ແລະ ລົດຈັກແຫ່ງຊາດລາວໄດ້ລາຍງານໃຫ້ຮູ້ ໃນພິທີເປີດກິດຈະ ກຳ ແລະ ງານຕະຫຼາດນັດເມື່ອວັນທີ 5 ສິງຫາຜ່ານມາວ່າ ການຈັດການແຂ່ງຂັນໃນຄັ້ງນີ້ເປັນການແລກປ່ຽນ ແລະ ຖອດຖອນບົດຮຽນຊຶ່ງກັນ ແລະ ກັນລະຫວ່າງນັກກີລາລາວ ແລະ ນັກກີລາປະເທດເພື່ອນບ້ານ ທັງເປັນການສົ່ງເສີມການທ່ອງທ່ຽວພາຍໃນປະເທດ ໂດຍສະເພາະປີນີ້ກໍແມ່ນເປັນປີທ່ອງທ່ຽວລາວ-ຈີນ ໃຫ້ມີບັນຍາກາດອັນຟົດຟື້ນ ພ້ອມໃຈກັນມີສ່ວນຮ່ວມໃນການເປັນເຈົ້າພາບທີ່ດີເພື່ອຕ້ອນຮັບ ແລະ ເຜີຍແຜ່ວັດທະນະທຳດີງາມຂອງຊາດ ສ້າງພື້ນຖານກີລາປະເພດນີ້ໃຫ້ເປັນທີ່ຮູ້ຈັກ ແລະ ແຜ່ຫຼາຍເພື່ອກ້າວສູ່ການແຂ່ງຂັນລະດັບພາກພື້ນກໍຄືສາກົນ ນອກນັ້ນ ຍັງຈະເປັນການພົບປະຂອງຄູ່ຮ່ວມທຸລະກິດດຽວກັນ ພ້ອມກັນເສີມສ້າງ ແລະ ຊຸກຍູ້ໃຫ້ແກ່ການຂະຫຍາຍຕົວຂອງຂົງເຂດອຸດສາຫະກຳລົດຍົນພາຍໃນປະເທດກໍຄືການສົ່ງເສີມເສດຖະກິດ-ສັງ ຄົມຂອງຊາດ.

ພາຍໃນງານດັ່ງກ່າວ ມີການວາງສະແດງລົດໃຫຍ່ຂອງຄ້າຍລົດຕ່າງໆ ມີກິດຈະກຳຮຽນຮູ້ເລື່ອງຂອງການຂັບຂີ່ລົດໂຟວິນ 4X4 ໃຫ້ຖືກວິທີ ແລະ ປອດໄພ ມີການທົດລອງຂັບລົດໂຟວິນ 4X4 ໃນສະໜາມຈິງ ໂດຍຈະມີລົດຈາກຫລາຍພາກສ່ວນເພື່ອໃຫ້ມວນຊົນທີ່ເຂົ້າຮ່ວມມງານໄດ້ທົດລອງຂັບ ພ້ອມທັງແນະນຳເຕັກນິກໃນການຂັບຂີ່ ນອກນັ້ນ ຍັງມີຕະຫຼາດນັດຂາຍລົດມືສອງ ຕະຫຼາດນັດຂາຍເຄື່ອງອຸປະໂພກ-ບໍລິໂພກທົ່ວໄປ ເຄື່ອງຫຼິ້ນເດັກນ້ອຍ ມີບູ໊ດຂອງບໍລິສັດປະກັນໄພລົດ ແລະ ບໍລິສັດສິນເຊື່ອລົດ ລວມໄປເຖິງບໍລິສັດນ້ຳມັນເຄື່ອງ ແລະ ອື່ນໆ.

 

 

ໂດຍ: ສະຫະລັດ ວອນທິວົງໄຊ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.