ເບິ່ງດວງປະຈຳອາທິດ ແຕ່ວັນທີ 9-15 ກັນຍາ 2019

0
94

ຣາສີມັງກອນ (ຄົນເກີດໃນລະຫວ່າງວັນທີ 16 ມັງກອນ – 12 ກຸມພາ)

ການງານ ຍັງຢູ່ໃນເກນທີ່ດີ ທ່ານຈະມີໂອກາດໄດ້ຮັບຜົນປະໂຫຍດຫຼາຍຂຶ້ນ ຫຼື ອາດມີເກນໄດ້ໄປເບິ່ງວຽກຢູ່ຕ່າງປະເທດ ດັ່ງນັ້ນ ທ່ານຄວນກະກຽມໃຫ້ດີ ແຕ່ທ່ານບໍ່ຄວນຄາດຫວັງໄວ້ສູງເກີນໄປ ເພາະອາດມີໂອກາດປ່ຽນແປງເກີດຂຶ້ນໄດ້ທຸກເວລາ

ການເງິນ ການຕິດຕໍ່ສື່ສານກັບເພື່ອນມິດສະຫາຍໃນຊ່ວງນີ້ຈະນຳຜົນປະໂຫຍດມາໃຫ້ທ່ານ ໂດຍສະເພາະແມ່ນຈະເກີດມີການລົງ ທຶນຮ່ວມກັບເພື່ອນ ຫຼື ຄົນຮັກ ທ່ານຈະໄດ້ກຳໄລງາມ

ຄວາມຮັກ ຊ່ວງນີ້ຄົນຮັກຂອງທ່ານຈະມີອາລົມປັ່ນປ່ວນໃຈຮ້າຍງ່າຍ ທ່ານຕ້ອງອົດທົນໃຫ້ຫຼາຍ ສຳລັບຄົນໂສດທ່ານຈະພົບຄົນທີ່ຖືກໃຈໃນສາຍງານ ແຕ່ຂໍໃຫ້ທ່ານລະວັງໄວ້ຫາກທ່ານເຜີໃຈເຜີກາຍໄປ ທ່ານອາດຈະຜິດຫວັງເພາະຄົນທີ່ທ່ານສົນໃຈນັ້ນເຂົາອາດມີເຈົ້າຂອງແລ້ວ

ຣາສີກຸມ (ຄົນເກີດໃນລະຫວ່າງວັນທີ 13 ກຸມພາ – 13 ມີນາ)

ການງານ ຣາສີນີ້ດວງກຳລັງດີແບບສຸດໆຈະມີໂອກາດດີໆເຂົ້າມາຫາ ທ່ານຈະໄດ້ຮັບໂຊກມະຫາສານຈາກການປະສານງານ ຫາກຄົນເຮັດທຸລະກິດຈະໄດ້ກຳໄລງາມ ຫຼື ຫາກທ່ານເປັນພະນັກງານເງິນເດືອນທ່ານຈະໄດ້ຖືກສະເໜີຊື່ໃຫ້ເລື່ອນຊັ້ນຕຳແໜ່ງ ຫຼື ໄດ້ປ່ຽນໄປເຮັດວຽກໃນສາຍງານທີ່ໝັ້ນຄົງຂຶ້ນ

ການເງິນ ໂຊກລາບຂອງທ່ານມາກັບວຽກງານທີ່ທ່ານເຮັດຢູ່ ແຕ່ຂໍໃຫ້ທ່ານລະວັງເພາະມີເກນວ່າທ່ານຈະຖືກເອົາປຽບ ແລະ ເສຍໂອກາດດີໆໄປ

ຄວາມຮັກ ຫາກທ່ານຢາກມີຄວາມຮັກໃນຊ່ວງນີ້ຂໍໃຫ້ທ່ານຮັກຢ່າງມີສະຕິ ເພາະມີເກນເປັນໄປໄດ້ວ່າຄົນທີ່ເຂົ້າມາໃນຊີວິດທ່ານຊ່ວງນີ້ຈະເຮັດໃຫ້ທ່ານຜິດຫວັງ ເພາະເຂົາເຂົ້າມາຫາໃນຮູບແບບຫວັງຜົນປະໂຫຍດພຽງຢ່າງດຽວ

ຣາສີມິນ (ຄົນທີ່ເກີດໃນລະຫວ່າງວັນທີ 14 ມີນາ – 12 ເມສາ)

ການງານ ບໍ່ວ່າທ່ານຈະເຮັດສິ່ງໃດໃນຊ່ວງນີ້ກໍຈະປະສົບຄວາມສຳເລັດຫຼາຍຂຶ້ນຈະມີເກນທີ່ດີ ບາງຄົນອາດໄດ້ທຶນໄປຍົກລະດັບ ບາງຄົນມີເກນໄດ້ໄປວຽກຢູ່ຕ່າງປະເທດ

ການເງິນ ໄລຍະນີ້ທ່ານຕ້ອງທຳໃຈ ລາຍຮັບທີ່ຄິດວ່າຈະໄດ້ແຕ່ກັບຕ້ອງຫຼຸດມືໄປ ຄົນທີ່ບອກວ່າຈະຊ່ວຍເຫຼືອທ່ານເລື່ອງເງິນແຕ່ສຸດ ທ້າຍເຂົາກໍບໍ່ຊ່ວຍ

ຄວາມຮັກ ຫາກທ່ານມີຄູ່ຄອງແລ້ວໃຫ້ທ່ານລະວັງການຕິດຕໍ່ເພດກົງກັນຂ້າມເພາະທ່ານອາດເຜີໃຈໄປຫຼົງ ສ່ວນຄົນໂສດຈະມີຄົນເຂົ້າມາເຮັດໃຫ້ຫົວໃຈທ່ານເປັນສີບົວອີກຄັ້ງ

ຣາສີເມກ (ຄົນທີ່ເກີດໃນລະຫວ່າງວັນທີ 13 ເມສາ – 13 ພຶດສະພາ)

ການງານ ໃນຊ່ວງອາທິດນີ້ຂໍໃຫ້ທ່ານກຽມພ້ອມຮັບມືກັບບັນຫາທີ່ຈະເກີດຂຶ້ນ ຍ້ອນເພື່ອນຮ່ວມງານເປັນຄົນນຳບັນຫາມາໃຫ້ ແລະ ກໍມີແຕ່ວຽກດ່ວນໆເຂົ້າມາເລັ່ງໃຫ້ທ່ານເຮັດ ສຳລັບຄົນທີ່ກຳລັງຊອກວຽກເຮັດງານທຳແມ່ນຕ້ອງຂະຫຍັນຫາງານກວ່ານີ້ ຈຶ່ງຈະມີໂອກາດໄດ້ວຽກເຮັດ

ການເງິນ ທ່ານຕ້ອງພິຈາລະນາຢ່າງຮອບຄອບກ່ອນທຸກຄັ້ງ ໂດຍສະເພາະການປັນຜົນໄດ້ຮັບຈາກກຳໄລເພາະມີທ່າອຽງວ່າທ່ານຈະເສຍປຽບຫຼາຍ ດັ່ງນັ້ນ ທ່ານຕ້ອງຄິດໃຫ້ດີກ່ອນຕັດສິນໃຈ

ຄວາມຮັກ ເລື່ອງຄວາມຮັກບໍ່ມີຫຍັງໜ້າເປັນຫ່ວງ ທ່ານອາດໄດ້ຮັບຂອງຂວັນຈາກຄົນຮັກ ແຕ່ສຳລັບຄົນໂສດອາທິດນີ້ຄວນພິ ຈາລະນາເພດກົງກັນຂ້າມທີ່ເຂົ້າມາພົວພັນທ່ານຢ່າງຮອບຄອບກ່ອນຕັດສິນໃຈຄົບຫາ ເພາະມີເກນວ່າເຂົາຈະເຂົ້າມາຫາທ່ານເພື່ອຫວັງຜົນປະໂຫຍດ

ຣາສີພຶກ (ຄົນເກີດໃນລະຫວ່າງວັນທີ 14 ພຶດສະພາ – 13 ມິຖຸນາ)

ການງານ ຄົນທີ່ເຮັດໜ້າທີ່ປະສານງານ ຫຼື ການຕະຫຼາດແມ່ນຕ້ອງກະກຽມຂໍ້ມູນໃຫ້ລະອຽດວຽກງານຂອງທ່ານຈຶ່ງສຳເລັດໄດ້ ແຕ່ສຳລັບຄົນທີ່ເປັນລະດັບຫົວໜ້າແມ່ນໃຫ້ລະວັງຫາກຈະມອບວຽກສຳຄັນໃຫ້ລູກນ້ອງ

ການເງິນ ທ່ານອາດຈະໄດ້ຮັບໂຊກລາບຫຼາຍຂຶ້ນກວ່າໄລຍະຜ່ານມາ ມີເກນວ່າທ່ານຈະໄດ້ເລີ່ມຕົ້ນເຮັດສິ່ງໃໝ່ກັບຄູ່ຮ່ວມງານໃໝ່ໆ ແລະ ເຮັດໃຫ້ທ່ານສົມປາຖະໜາເລື່ອງເງິນ

ຄວາມຮັກ ຄົນທີ່ມີແຟນແລ້ວກຽມຮັບຂ່າວດີຈາກຄົນຮັກ ອາດເຖິງຂັ້ນຂໍໝັ້ນໝາຍ ຫຼື ແຕ່ງດອງ ແຕ່ສຳລັບຄົນໂສດຊ່ວງນີ້ສະເໜ່ຂອງທ່ານຍັງບໍ່ແຮງພໍທີ່ຈະດຶງດູດເພດກົງກັນຂ້າມໃຫ້ຫັນມາສົນໃຈໃນຕົວທ່ານໄດ້

ຣາສີເມຖຸນ (ຄົນເກີດໃນລະຫວ່າງວັນ 14 ມິຖຸນາ – 14 ກໍລະກົດ)

ການງານ ຄົນທີ່ເຮັດອາຊີບກ່ຽວກັບການຂາຍແມ່ນໃຫ້ທ່ານດຸໝັ່ນໃຫ້ຫຼາຍຂຶ້ນກວ່າເກົ່າ ທ່ານຈຶ່ງຈະປະສົບຄວາມສຳເລັດ ສຳລັບຄົນທີ່ກຳລັງຊອກວຽກໃນເວລາສຳພາດວຽກຂໍໃຫ້ທ່ານຕອບຄຳຖາມ ຫຼື ສະແດງທັດສະນະຄະຕິໃຫ້ຊັດເຈນ ທ່ານຈຶ່ງຈະມີໂອກາດໄດ້ວຽກເຮັດ

ການເງິນ ອາທິດນີ້ມີແຕ່ລາຍຈ່າຍເຂົ້າມາຫຼາຍທາງທ່ານຕ້ອງມີການວາງແຜນໃຊ້ຈ່າຍໃຫ້ຮອບຄອບ ຢ່າໃຊ້ຈ່າຍຟຸມເຟືອຍ ໂດຍສະເພາະຄົນທີ່ສ້າງຄອບຄົວແລ້ວທ່ານຈະໝົດເງິນໄປກັບລູກ-ຫຼານຈົນເຮັດໃຫ້ທ່ານມີໜີ້ສິນ

ຄວາມຮັກ ຫາກຕອນນີ້ທ່ານກຳລັງຄິດຈະຈັບປາສອງມືແມ່ນຂໍໃຫ້ທ່ານເຊົາຄິດ ເພາະນອກຈາກຈະເຮັດໃຫ້ທ່ານປວດຫົວແລ້ວ ທ່ານຍັງຕ້ອງເສຍເງິນເພີ່ມອີກຕ່າງຫາກ ແລະ ທີ່ຮ້າຍແຮງທີ່ສຸດແມ່ນຄົນທີ່ມີຄອບຄົວແລ້ວໃຫ້ລະວັງ ເພາະຄອບຄົວຈະເກີດບັນຫາທ່ານກັບຄົນຮັກຈະຜິດຖຽງກັນຂັ້ນຮຸນແຮງ

ຣາສິກໍລະກົດ (ຄົນເກີດລະຫວ່າງວັນທີ 15 ກໍລະກົດ – 16 ສິງຫາ)

ການງານ ອາທິດນີ້ທ່ານຈະມີໂອກາດໄດ້ວາງແຜນງານ ແລະ ໄດ້ເຮັດໂຄງການຮ່ວມກັບຄົນອື່ນ ແລະ ຈະມີຄົນອິດສາທ່ານ ດັ່ງນັ້ນທ່ານຄວນຫຼຸດຄວາມໂດດເດັ່ນໃນຕົວຂອງທ່ານລົງ ຢ່າສະແດງຄວາມເກັ່ງອອກມາຫຼາຍເພາະອາດຖືກເຈົ້ານາຍ ຫຼື ເພື່ອນຮ່ວມງານເບິ່ງທ່ານເດັ່ນເກີນໜ້າເກີນຕາພວກເຂົາໄດ້

ການເງິນ ອາດໄດ້ເງິນ ໄດ້ຜົນປະໂຫຍດຫຼາຍຂຶ້ນ ແລະ ທ່ານກໍຈະມີແຜນຕົບແຕ່ງເຮືອນ ຫຼື ແປງເຮືອນ ແຕ່ຂໍໃຫ້ທ່ານຄວບຄຸມລາຍຈ່າຍໃຫ້ດີເພາະອາດເກີນງົບທີ່ຕັ້ງໄວ້

ຄວາມຮັກ ຄົນແຕ່ງງານແລ້ວມີໂອກາດໄດ້ລູກ ສຳລັບຄົນໂສດຫາກພາຍໃນອາທິດນີ້ທ່ານໄດ້ເດີນທາງໄປຕ່າງຖິ່ນ ທ່ານຈະໄດ້ພົບກັບເພດກົງກັນຂ້າມ ແລະ ຈະພັດທະນາເປັນຄູ່ແທ້ຈົນເຖິງຂັ້ນໄດ້ແຕ່ງດອງກັນໃນອີກບໍ່ດົນ

ຣາສີສິງ (ຄົນເກີດໃນລະຫວ່າງວັນທີ 17 ສິງຫາ – 16 ກັນຍາ)

ການງານ ຄົນທີ່ມີທຸລະກິດ ຫຼື ຄົນທີ່ເຮັດວຽກປະຈຳຢູ່ໃນເກນທີ່ດີ ມີໂອກາດຂະຫຍາຍງານໃຫ້ຈະເລີນກ້າວໜ້າ ຫຼື ສຳລັບຄົນທີ່ເຮັດວຽກທີ່ຫ້ອງການກິນເງິນເດືອນມີໂອກາດຈະໄດ້ເລື່ອນຕຳແໜ່ງ ແຕ່ອາທິດນີ້ຢ່າຫຼົງເຊື່ອຄຳໃຜງ່າຍໆໂດຍສະເພາະກັບເພື່ອນຮ່ວມ ງານ ເພາະມີເກນວ່າຈະພົບກັບພວກປາກຫວານກົ້ນປ້ຽວເຊື່ອຖືບໍ່ໄດ້ນັ້ນເອງ

ການເງິນ ເລື່ອງເງິນຄຳບໍ່ເຂົ້າໃຜອອກໃຜຈະມີຄົນມາເວົ້າຫວານໃສ່ເພື່ອຫວັງຢືມເງິນ ອາທິດນີ້ລາຍຈ່າຍຄ່ອຍຂ້າງຫຼາຍ ຮັບເຂົ້າມາຈ່າຍອອກໄປ ທ່ານຕ້ອງມີການຈັດການເລື່ອງລະບົບລາຍຈ່າຍຂອງທ່ານໃຫ້ດີ ທ່ານຈຶ່ງຈະມີເງິນໃຊ້ກຸ້ມຮອດໝົດເດືອນ

ຄວາມຮັກ ຄວາມຮັກຂອງຄົນມີຄູ່ຕ້ອງໄດ້ຕື່ມຄວາມຫວານໃຫ້ກັນແນ່ ອາດຈະມີການລົມກັນ ພາກັນໄປທ່ຽວບາງເວລາກໍດີ ເພາະສິ່ງເຫຼົ່ານີ້ຈະເຮັດໃຫ້ຊີວິດຄູ່ຂອງທ່ານມີສີສັນຂຶ້ນ ແລະ ຄົນໂສດທີ່ເຫງົາໃຈມາດົນຈະໄດ້ພົບກັບຄົນທີ່ເຮັດໃຫ້ຫົວໃຈທ່ານຊຸ່ມຊື່ນຂຶ້ນ ແຕ່ກໍຂໍໃຫ້ລະວັງໄວ້ ເພາະຄົນນັ້ນເປັນຄົນຫຼາຍໃຈທ່ານບໍ່ຄວນຫຼົງຮັກເຂົາຫຼາຍຈົນເກີນໄປ

ຣາສິກັນ (ຄົນເກີດລະຫວ່າງວັນທີ 17 ກັນຍາ – 16 ຕຸລາ)

ການງານ ກ່ຽວກັບເລື່ອງວຽກທ່ານຈະໄດ້ຂໍຄວາມຊ່ວຍເຫຼືອຈາກເພື່ອນຮ່ວມງານ ຫຼື ຍາດພີ່ນ້ອງ ມິດສະຫາຍໃຫ້ຊ່ວຍ ຈະມີວຽກທີ່ຕ້ອງໄດ້ເດີນທາງຕະຫຼອດ ແຕ່ມັນກໍເປັນວຽກທີ່ໃຫ້ຜົນຕອບແທນໃນລະດັບດີ

ການເງິນ ທ່ານມີແນວໂນ້ມຈະເສຍເງິນກ້ອນໃຫຍ່ໃຫ້ກັບຄົນບໍ່ຫວັງດີ ດັ່ງນັ້ນ ຫາກມີຄົນມາຂໍຢືມເງິນທ່ານ ຫຼື ຂໍໃຫ້ທ່ານໄປເຊັນຄໍ້າປະກັນເລື່ອງໃດກໍຕາມຂໍໃຫ້ທ່ານຢ່າຍິນຍອມງ່າຍໆທ່ານຕ້ອງຄິດທົບທວນໃຫ້ດີກ່ອນ

ຄວາມຮັກ ຄົນທີ່ມີຄູ່ແລ້ວຄວາມຮັກມີຄວາມສຸກ ມີຄວາມເຂົ້າໃຈຊຶ່ງກັນ ແລະ ກັນ ສຳລັບຄົນໂສດມີໂອກາດໄດ້ພົບເນື້ອຄູ່ ໂດຍຈະມີເພື່ອນ ຫຼື ຄົນຮູ້ຈັກເປັນຄົນຕິດຕໍ່ມາໃຫ້

ຣາສີຕຸນ (ຄົນເກີດໃນລະຫວ່າງວັນທີ 17 ຕຸລາ – 16 ພະຈິກ)

ການງານ ທ່ານຕ້ອງມີສະຕິໃຫ້ຫຼາຍ ຢ່າປ່ອຍໃຫ້ຄວາມຢາກໄດ້ມາຄວບຄຸມຈິດໃຈທ່ານ ງານທີ່ຕ້ອງໃຊ້ເສັ້ນສາຍທີ່ບໍ່ຖືກຕາມລະ ບຽບຫຼັກການແມ່ນຄວນໃຫ້ຫຼີກລ້ຽງ ເພາະມີໂອກາດສູງທີ່ທ່ານຈະຖືກຈັບໄດ້ ແລະ ເສື່ອມເສຍຊື່ສຽງ ແລະ ອາດເປັນການຕັດອະນາຄົດຂອງທ່ານເອງ

ການເງິນ ຮັບເຂົ້າມາຫຼາຍກໍຈ່າຍອອກໄປຫຼາຍ ຫາກທ່ານຕ້ອງການກູ້ຢືມເງິນຈາກທະນາຄານ ທ່ານຈະມີໂອກາດໄດ້ຮັບເງິນກ້ອນຕາມທີ່ຫວັງໄວ້ ແຕ່ທ່ານກໍມີໂອກາດຈະເສຍປຽບໃຫ້ກັບຄົນທີ່ເຂົ້າມາຕົວະທ່ານ

ຄວາມຮັກ ຄູ່ຄອງຂອງທ່ານກຳລັງມີເລື່ອງກຸ້ມໃຈ ຊ່ວງນີ້ຂໍໃຫ້ທ່ານປະພຶດຕົວໃຫ້ດີ ເວົ້າຈາກໍໃຫ້ລະວັງຢ່າໃຫ້ໄປຂັດຫູຂັດໃຈຄົນຮັກຂອງທ່ານບໍ່ດັ່ງນັ້ນຈະເກີດມີປາກສຽງກັນ ສ່ວນຄົນໂສດອາດພົບຮັກໃນບ່ອນເຮັດວຽກ ຫຼື ບໍ່ດັ່ງນັ້ນກໍຢູ່ບ່ອນທີ່ທ່ານໄປຮ່ວມເຮັດກິດຈະກຳ ແຕ່ກໍຢ່າຟ້າວດ່ວນຕັດສິນໃຈລົງເອີຍ ຂໍໃຫ້ທ່ານເບິ່ງເຂົາໄປກ່ອນໃຫ້ແນ່ໃຈວ່າເຂົາເປັນຄົນໂສດແທ້ໆ

ຣາສີພິຈິກ (ຄົນເກີດລະຫວ່າງວັນ 17 ພະຈິກ – 15 ທັນວາ)

ການງານ ໄລຍະນີ້ທ່ານຈະຕ້ອງເຂົ້າໄປພົວພັນກັບວຽກທີ່ຕ້ອງອອກງານສັງຄົມເປັນປະຈຳ ແລະ ຈະໄດ້ພົບເພື່ອນໃໝ່ຫຼາຍຮູບແບບຫຼາຍລະດັບ ມີທັງຄົນຈິງໃຈ ແລະ ຄົນຫວັງເພິ່ງຜົນປະໂຫຍດກັບຕົວທ່ານ

ການເງິນ ວຽກພິເສດ ຫຼື ວຽກຈິດອາສາ ຈະເປັນໂອກາດທີ່ດີໃຫ້ທ່ານເກີດໂຊກລາບເງິນຄຳ ເພາະມີຄົນຈະເຂົ້າມາຊ່ວຍທ່ານເລື່ອງເງິນ ແຕ່ກໍຂໍໃຫ້ທ່ານຢ່າສະແດງຄວາມໂລບອອກໄປໃຫ້ເຂົາເຫັນເພາະໂຊກນັ້ນອາດຫຼຸດມື

ຄວາມຮັກ ທ່ານເປັນຄົນມີສະເໜ ແລະ ຈິດໃຈດີ ຈຶ່ງເຮັດໃຫ້ຄູ່ຄອງຂອງທ່ານຍ້ອງຍໍທ່ານສະເໝີ ແລະ ພ້ອມຈະສະໜັບສະໜູນທ່ານຢູ່ເບື້ອງຫຼັງ ແຕ່ທ່ານຕ້ອງລະວັງກັບການຕິດຕໍ່ກັບເພດກົງກັນຂ້າມ ເພາະຈະເຮັດໃຫ້ຄົນຮັກທ່ານເຂົ້າໃຈຜິດ

ຣາສີທະນູ (ຄົນເກີດໃນລະຫວ່າງວັນທີ 16 ທັນວາ – 15 ມັງກອນ)

ການງານ ອາດມີຄົນຍື່ນໂອກາດດີໆມາໃຫ້ ແຕ່ອາດເປັນວຽກທີ່ໜັກຂຶ້ນ ດັ່ງນັ້ນ ກ່ອນຈະຕອບຮັບຂໍໃຫ້ທ່ານພິຈາລະນາໃຫ້ດີໆກ່ອນ ເພາະມີເກນຈະຜິດພາດສູງ ສຳລັບຄົນທີ່ກຳລັງຫາງານໃໝ່ ແມ່ນໃຫ້ຟ້າວສະໝັກໄວ້ ເພາະມີໂອກາດສູງທີ່ຈະໄດ້ວຽກເຮັດຕາມທີ່ຫວັງ

ການເງິນ ການຫາເງິນໃນຊ່ວງນີ້ຢູ່ໃນເກນທີ່ດີ ໂດຍສະເພາະການເຮັດທຸລະກິດ ຖ້າທ່ານຄິດຈະຮ່ວມຫຸ້ນກັບຄົນອື່ນແມ່ນຕ້ອງສຶກ ສາໃຫ້ດີກ່ອນ ຫາກມີຄົນມາຂໍຢືມເງິນແມ່ນໃຫ້ທ່ານປະຕິເສດເພາະມີເກນຈະບໍ່ໄດ້ເງິນຄືນ ແລະ ອາດເສຍຄວາມສຳພັນຮັກແພງກັບຄົນມາຢືມເງິນທ່ານອີກດ້ວຍ

ຄວາມຮັກ ທ່ານແລະຄົນຮັກຕ່າງມີດວງຊຸກຍູ້ສົ່ງເສີມກັນດີ ຮັກ ດູແລເອົາໃຈໃສ່ຊຶ່ງງກັນ ແລະ ກັນ ສຳລັບຄົນໂສດທີ່ກຳລັງຢາກມີຄວາມຮັກ ເພື່ອນຂອງທ່ານຈະເປັນຄົນຕິດຕໍ່ມາໃຫ້ຊຶ່ງງທ່ານຈະໄດ້ພົບຄູ່ແທ້

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.