ເບິ່ງດວງປະຈຳອາທິດ ເລີ່ມແຕ່ວັນທີ 01-07 ມິຖຸນາ 2019

0
504

ຣາສີມັງກອນ (ຄົນເກີດໃນລະຫວ່າງວັນທີ 16 ມັງກອນ – 12 ກຸມພາ)

ການງານ ການລົງທຶນ ໂດຍສະເພາະການຄ້າຂາຍອາຫານແມ່ນຢູ່ໃນເກນທີ່ດີ ຈະສາມາດສ້າງກຳໄລຢ່າງດີ ແຕ່ສຳລັບຜູ້ທີ່ເຮັດໜ້າທີ່ເປັນຜູ້ບໍລິຫານໄລຍະນີ້ຕ້ອງລະວັງເລື່ອງການສື່ສານທີ່ບໍຊັດເຈນ ຈະເຮັດໃຫ້ພະນັກງານສັບສົນ.

ການເງິນ ຮັບເງິນເຂົ້າມືຊ້າຍຈ່າຍເງິນອອກມືຂວາ ໂດຍສະເພາະຄົນທີ່ມີລູກ-ຫຼານແມ່ນຈະໝົດເງິນໄປກັບລາຍຈ່າຍທີ່ລູກ-ຫຼານ ຫຼື ບໍລິວານເປັນຜູ້ສ້າງຂຶ້ນ.

ຄວາມຮັກ ຄົນໂສດມີໂອກາດພົບຮັກ ພົບກັບຄວາມຮັກທີ່ແສນຫວານ ສຳລັບຄົນທີ່ມີຄູ່-ມີຄອບຄົວແລ້ວຖ້າຄິດຢາກມີບຸດກໍຈະສົມຫວັງດັ່ງໃຈ.

ຣາສີກຸມ (ຄົນເກີດໃນລະຫວ່າງວັນທີ 13 ກຸມພາ – 13 ມີນາ)

ການງານ ສິ່ງທີ່ທ່ານເຮັດຢູ່ບໍ່ວ່າຈະເປັນວຽກປະຈຳ ຫຼື ວຽກພິເສດແມ່ນຢູ່ໃນເກນທີ່ດີຈະໃຫ້ໂຊກລາບແກ່ທ່ານ ແລະ ຜູ້ໃຫຍ່ທີ່ມີອຳນາດຈະໃຫ້ຄວາມເມດຕາ ພ້ອມສະໜັບສະໜູນທ່ານໃຫ້ກ້າວໜ້າ.

ການເງິນ ເປັນໄລຍະທີ່ທ່ານຄວນວາງແຜນການໃຊ້ຈ່າຍໃຫດີໆ ຄົນໃນຄອບຄົວຈະເປັນເຫດເຮັດໃຫ້ທ່ານເສຍເງິນກ້ອນໃຫຍ່ ຊຶ່ງຈະສົ່ງຜົນກະທົບຕໍ່ເງິນໃນບັນຊີຂອງທ່ານ.

ຄວາມຮັກ ຄົນມີຄູ່ແລ້ວຄວາມຮັກມີຄວາມສຸກດີບໍ່ມີບັນຫາ ສ່ວນຄົນໂສດເປັນໄລຍະທີ່ທ່ານຈະໄດ້ພົບກັບເນື້ອຄູ່ຄົນຮັກແທ້ທີ່ທ່ານລໍຄອຍ.

ຣາສີມິນ (ຄົນທີ່ເກີດໃນລະຫວ່າງວັນທີ 14 ມີນາ – 12 ເມສາ)

ການງານ ອາທິດນີ້ຈະເກີດການປ່ຽນແປງ ມີໂອກາດສູງທີ່ທ່ານຈະຖືກຍ້າຍ ແລະ ປ່ຽນໜ້າທີ່ ຫຼື ຕ້ອງໄດ້ອອກຈາກວຽກ ສ່ວນຄົນທີ່ເຮັດທຸລະກິດໃນຄອບຄົວ ຫຼື ວຽກສ່ວນຕົວແມ່ນຢູ່ໃນເກນທີ່ບໍ່ຄວນປະໝາດ ຄວນພິຈາລະນາໃຫ້ຮອບຄອບກ່ອນຄິດຈະຂະຫຍາຍກິດຈະການ.

ການເງິນ ລາຍໄດ້ຂອງທ່ານບໍ່ແນ່ນອນ ທ່ານບໍ່ຄວນປະໝາດຊຶ່ງອາດມີການປ່ຽນແປງຕະຫຼອດເວລາ ຫາກຄິດຈະຕົບແຕ່ງເຮືອນ ຫຼື ຕໍ່ເຕີມເຮືອນແມ່ນໃຫ້ລະວັງເລື່ອງງົບປະມານບານປາຍ.

ຄວາມຮັກ ຄົນທີ່ມີຄອບຄົວຈະມີປາກສຽງກັນເລື່ອງເງິນຄຳ ແລະ ຜົນປະໂຫຍດ ສ່ວນຄົນໂສດແມ່ນໃຫ້ລະວັງຈະໄປຫຼົງຮັກຄົນມີເຈົ້າຂອງ ແລະ ກາຍເປັນມືທີສາມໂດຍບໍ່ຮູ້ຕົວ.

ຣາສີເມກ (ຄົນທີ່ເກີດໃນລະຫວ່າງວັນທີ 13 ເມສາ – 13 ພຶດສະພາ)

ການງານ ການປະສານງານຢູ່ໃນເກນທີ່ດີ ທັງຄູ່ສັນຍາ ຫຸ້ນສ່ວນ ພາລະກິດທີ່ທ່ານເຮັດຢູ່ຈະສຳເລັດດ້ວຍດີ ແຕ່ກໍໃຫ້ລະວັງເລື່ອງເອກະສານຂໍໃຫ້ເຮັດຢ່າງຮອບຄອບ ແລະ ຫຼີກເວັ້ນການສະແດງທັດສະນະຄະຕິໃນແງ່ລົບກັບເພື່ອນຮ່ວມງານ.

ການເງິນ ທ່ານຈະມີໂຊກເລື່ອງເງິນຄຳ ມີໂອກາດຮັບຊັບຈາກຄວາມສະເໜຫາຈາກຄົນຮັກ ແຕ່ບໍ່ຄວນໃຫ້ຄົນຢືມເງິນໃນຊ່ວງນີ້ ເພາະມີໂອກາດສູງທີ່ຈະບໍ່ໄດ້ຄືນ.

ຄວາມຮັກ ຄົນຮັກຕາມໃຈທ່ານທຸກຢ່າງເປັນຄືທະນາຄານໃຫ້ທ່ານເບີກຈ່າຍເງິນຢ່າງສະບາຍມື ແຕ່ໃຫ້ລະວັງຈະມີຄົນມາປັ່ນປ່ວນໃຫ້ທ່ານກັບຄົນຮັກເກີດຄວາມຂັດແຍ່ງກັນ ສ່ວນຄົນໂສດຕ້ອງໃຈປ້ຳຈິ່ງຈະມີຄົນເຂົ້າຫາ.

ຣາສີພຶກສົບ (ຄົນເກີດໃນລະຫວ່າງວັນທີ 14 ພຶດສະພາ – 13 ມິຖຸນາ)

ການງານ ທ່ານມີໂອກາດຈະໄດ້ເລື່ອນຕຳແໜ່ງ ຫຼື ໄດ້ວຽກໃໝ່ຕາມທີ່ຄິດໄວ້ ແຕ່ກໍ່ຂໍໃຫ້ລະວັງເລື່ອງການຂັດແຍ່ງກັບເພື່ອນຮ່ວມງານຊຶ່ງອາດເກີດຈາກການສື່ສານທີ່ຜິດພາດ.

ການເງິນ ຊ່ວງນີ້ການເຈລະຈາເລື່ອງເງິນແມ່ນມັກເກີດບັນຫາຕິດຂັດ ການກູ້ຢືມເງິນຈະໄດ້ຮັບການອະນຸມັດຍາກກວ່າທີ່ຄິດ ການສ່ຽງໂຊກກໍມີແຕ່ເສຍຫຼາຍກວ່າໄດ້.

ຄວາມຮັກ ຄົນໂສດຈະມີເພດກົງກັນຂ້າມເຂົ້າມາພົວພັນ ແລະ ເຮັດໃຫ້ທ່ານເສຍເງິນໂດຍບໍ່ມີປະໂຫຍດ ສຳລັບຄົນມີຄູ່ແລ້ວກໍຄວນລະວັງການຜິດຖຽງກັນຍ້ອນເລື່ອງເງິນ.

ຣາສີເມຖຸນ (ຄົນເກີດໃນລະຫວ່າງວັນ 14 ມິຖຸນາ – 14 ກໍລະກົດ)

ການງານ ໃຫ້ລະວັງເລື່ອງສຸຂະພາບຊຶ່ງເກີດຈາກການທີ່ທ່ານເຮັດວຽກໜັກເກີນໄປ ພັກຜ່ອນບໍ່ພຽງພໍ ແລະ ມັນຈະສົ່ງຜົນທົບກັບວຽກທີ່ທ່ານເຮັດຢູ່ ເພາະຈະເຮັດໃຫ້ສິ່ງທີ່ທ່ານກຳລັງເຮັດບໍ່ສຳເລັດໄປຕາມແຜນທີ່ກຳນົດໄວ້.

ການເງິນ ເງິນທີ່ທ່ານໄດ້ມາແມ່ນມາຈາກເຫື່ອແຮງ ແລະ ມັນສະໝອງຂອງທ່ານເທົ່ານັ້ນ ຢ່າຫວັງເພິ່ງດວງ ຫຼື ລໍຖ້າໃຫ້ຄົນອື່ນຍື່ນມືເຂົ້າມາຊ່ວຍ.

ຄວາມຮັກ ຄົນທີ່ແຕ່ງງານແລ້ວກຳລັງຢູ່ໃນຊ່ວງເວລາຮັກສາຄວາມສຳພັນໃຫ້ແໜ້ນແຟນ ເນື່ອງຈາກວ່າໄລຍະນີ້ມີເລື່ອງຜິດໃຈກັນເປັນປະຈຳ ແລະ ທ່ານຕ້ອງເປັນຝ່າຍອົດທົນ ສຳລັບຄົນໂສດຈະໄດ້ພົບຮັກກັບຄົນທີ່ອາຍຸນ້ອຍກວ່າ.

ຣາສິກໍລະກົດ (ຄົນເກີດລະຫວ່າງວັນທີ 15 ກໍລະກົດ – 16 ສິງຫາ)

ການງານ ທ່ານຄວນຫຼີກເວັ້ນການຂັດແຍ່ງ ຄັດຄ້ານ ຕໍ່ຕ້ານຄວາມຄິດຂອງຄົນອື່ນ ເພາະມີເກນສູງທີ່ທ່ານຈະມີສັດຕູ ດັ່ງນັ້ນ ໃນບາງເລື່ອງທ່ານກໍຄວນເຫັນດີເຫັນພ້ອມກໍຈະດີ.

ການເງິນ ຫາກທ່ານໝັ່ນຫາເງິນໄດ້ເລື່ອຍໆ ຂໍໃຫ້ທ່ານລະວັງການໃຊ້ຈ່າຍແບບຟຸມເຟືອຍ ເພາະທ່ານຈະເດືອດຮ້ອນພາຍຫຼັງ ຫາກທ່ານຄິດຈະປ່ອຍເງິນໃຫ້ຄົນອື່ນຢືມແມ່ນເຊົາຄິດກ່ອນເພາະມີເກນໄດ້ເງິນຄືນຍາກ.

ຄວາມຮັກ ຂໍໃຫ້ທ່ານໃຈເຢັນລົງກວ່ານີ້ ຄວນຫຼີກເວັ້ນການຜິດຖຽງກັນຕໍ່ໜ້າຄົນອື່ນ ສຳລັບຄົນໂສດທ່ານຈະໄດ້ພົບເນື້ອຄູ່ຈາກການເດີນທາງໄກ.

ຣາສີສິງ (ຄົນເກີດໃນລະຫວ່າງວັນທີ 17 ສິງຫາ – 16 ກັນຍາ)

ການງານ ຄົນທີ່ກຳລັງຊອກຫາງານ ຫຼື ສຳພາດອາດຜິດຫວັງ ສ່ວນຄົນທີ່ມີວຽກເຮັດອາດເກີດຄວາມຂັດແຍ່ງດ້ານຄວາມຄິດກັບເພື່ອນຮ່ວມງານ.

ການເງິນ ໂດຍສະເພາະຄົນທີ່ເຮັດກ່ຽວກັບການຄ້າຂາຍຕ້ອງລະວັງໄພເລື່ອງການເດີນທາງ ຫຼື ຍາດພີ່ນ້ອງ ມິດສະຫາຍ ອາດເຮັດໃຫ້ທ່ານເສຍເງິນແບບບໍ່ຄາດຄິດ.

ຄວາມຮັກ ລະວັງຜິດໃຈກັບຄົນຮັກຍ້ອນເລື່ອງເງິນຄຳ ແລະ ເລື່ອງຄຳເວົ້າກໍສຳຄັນເພາະອາດເຮັດໃຫ້ຄົນຮັກບໍ່ໄວ້ວາງໃຈ ສຳລັບຄົນໂສດລະວັງເພດກົງກັນຂ້າມທີ່ເພື່ອນທ່ານແນະນຳໃຫ້ຮູ້ຈັກເພາະມີເກນສູງວ່າຈະກຸ້ມໃຈຫຼາຍກວ່າສຸກໃຈ.

ຣາສິກັນ (ຄົນເກີດລະຫວ່າງວັນທີ 17 ກັນຍາ – 16 ຕຸລາ)

ການງານ ຈະມີອຸປະສັກເຂົ້າມາເລື້ອຍໆເຖິງຈະເປັນເລື່ອງນ້ອຍໆແຕ່ກໍມີເຂົ້າມາຕະຫຼອດເຮັດໃຫ້ທ່ານຮູ້ເບື່ອໜ່ຍ ທ່ານຕ້ອງຕັ້ງໃຈເຮັດວຽກແບບຈິງຈັງຈິ່ງບໍ່ເກີດຜົນເສຍ.

ການເງິນ ຈະມີລາຍຈ່າຍເຂົ້າມາຫຼາຍກວ່າລາຍຮັບ ດັ່ງນັ້ນ ກ່ອນໃຊ້ຈ່າຍເງິນຕ້ອງຄິດໃຫ້ຮອບຄອບກ່ອນຈ່າຍທຸກຄັ້ງ.

ຄວາມຮັກ ຄົນໂສດມີທ່າອຽງວ່າທ່ານຈະໄດ້ພົບຄົນທີ່ໜ້າຮັກ ສ່ວນທ່ານທີ່ມີຄົນຮັກແລ້ວຈະເກີດເລື່ອງກັງວົນໃຈຍ້ອນຄຳເວົ້າຂອງຄົນອ້ອມຂ້າງ.

ຣາສີຕຸນ (ຄົນເກີດໃນລະຫວ່າງວັນທີ 17 ຕຸລາ – 16 ພະຈິກ)

ການງານ ທ່ານຄວນຈັດຄວາມສຳຄັນຂອງວຽກໃຫ້ດີຈິ່ງບໍ່ເກີດຄວາມຜິດພາດ ສຳລັບຄົນທີ່ຫວ່າງງານ ແລະ ລໍຖ້າຄຳຕອບເລື່ອງວຽກຈະໄດ້ຮັບຂ່າວດີພາຍໃນອາທິດນີ້.

ການເງິນ ຢາກໄດ້ເງິນຕ້ອງດຸໝັ່ນຂະຫຍັນເທົ່ານັ້ນ ຢ່າຫວັງຈາກການສ່ຽງໂຊກ ຫຼື ເພິ່ງພາຄົນອື່ນ ການໃຊ້ຈ່າຍຕ້ອງຮອບຄອບຢ່າໃຊ້ເງິນເກີນຕົວ.

ຄວາມຮັກ ຄົນມີຄູ່ແລ້ວຈະໄດ້ຂອງຂວັນຈາກຄົນຮັກ ສ່ວນຄົນໂສດເນື້ອຄູ່ຂອງທ່ານຈະເຂົ້າມາແບບບໍ່ຄາດຄິດ.

ຣາສີພິຈິກ (ຄົນເກີດລະຫວ່າງວັນ 17 ພະຈິກ – 15 ທັນວາ)

ການງານ ທ່ານຕ້ອງລະວັງການຜິດໃຈກັບເພື່ອນຮ່ວມງານ ໂດຍສະເພາະເລື່ອງຄຳເວົ້າ ແລະ ຊ່ວງນີ້ທ່ານຈະຮູ້ສຶກເບື່ອວຽກທີ່ທ່ານເຮັດຢູ່.

ການເງິນ ຈະມີໂຊກທາງດ້ານເງິນ ບາງຄັ້ງເປັນໂຊກແບບບໍ່ຄາດຝັນ ການເງິນຈະມີທ່າອຽງດີຂຶ້ນກວ່າໄລຍະຜ່ານມາ.

ຄວາມຮັກ ທ່ານຍັງບໍ່ຄິດເລື່ອງການມີຄົນຮັກ ເພາະຍັງຢາກຢູ່ແບບເປັນໂສດ ສ່ວນຄົນມີຄູ່ແລ້ວອາດມີເລື່ອງເຮັດໃຫ້ທ່ານກັບຄົນຮັກບໍ່ເຂົ້າໃຈກັນ.

ຣາສີທະນູ (ຄົນເກີດໃນລະຫວ່າງວັນທີ 16 ທັນວາ – 15 ມັງກອນ)

ການງານ ທ່ານຈະໄດ້ຮັບການສະໜັບສະໜູນ ແລະ ໂອກາດດີໆໃນບ່ອນເຮັດວຽກ ຄົນທີ່ເຮັດວຽກກ່ຽວກັບຕົວເລກບັນຊີແມ່ນໃຫ້ເພີ່ມຄວາມຮອບຄອບຂຶ້ນຕື່ມ.

ການເງິນ ມີເຂົ້າມາເລື້ອຍໆ ອາທິດນີ້ທ່ານບໍ່ຄວນໃຈອ່ອນໄປຊ່ວຍໃຜເລື່ອງເງິນ ເພາະທ່ານອາດຖືກຫຼອກລວງ ມີທ່າອຽງຈະເສຍເງິນຈຳນວນຫຼາຍ.

ຄວາມຮັກ ຄວາມຮັກມີຄວາມສຸກ ຄົນຮັກໃຫ້ການຊ່ວຍເຫຼືອທ່ານເປັນຢ່າງດີ ສ່ວນຄົນໂສດຕອນນີ້ກຳລັງເຫງົາໃຈເພາະຢາກມີຄູ່ຄືຄົນອື່ນ.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.