ເບິ່ງດວງປະຈຳອາທິດ ນັບຕັ້ງແຕ່ວັນທີ 01-07 ກໍລະກົດ 2019

0
692

ຣາສີມັງກອນ (ຄົນເກີດໃນລະຫວ່າງວັນທີ 16 ມັງກອນ – 12 ກຸມພາ)

ການງານ ທ່ານບໍ່ຄວນຄາດຫວັງໄວ້ສູງເກີນໄປເພາະມັນມີໂອກາດປ່ຽນແປງໄດ້ທຸກເວລາ ແຕ່ໂດຍລວມຍັງຢູ່ໃນເກນທີ່ດີ ທ່ານຈະມີໂອກາດໄດ້ຮັບຜົນປະໂຫຍດຫຼາຍຂຶ້ນ.

ການເງິນ ໂຊກລາບຂອງທ່ານມາກັບວຽກງານທີ່ທ່ານເຮັດຢູ່ ແຕ່ຂໍໃຫ້ທ່ານລະວັງເພາະມີເກນວ່າທ່ານຈະຖືກເອົາປຽບ ແລະ ເສຍໂອກາດດີໆໄປ.

ຄວາມຮັກ ຫາກທ່ານຢາກມີຄວາມຮັກໃນຊ່ວງນີ້ຂໍໃຫ້ທ່ານຮັກຢ່າງມີສະຕິ ເພາະມີເກນເປັນໄປໄດ້ວ່າຄົນທີ່ເຂົ້າມາໃນຊີວິດທ່ານຊ່ວງນີ້ຈະເຮັດໃຫ້ທ່ານຜິດຫວັງ.

ຣາສີກຸມ (ຄົນເກີດໃນລະຫວ່າງວັນທີ 13 ກຸມພາ – 13 ມີນາ)

ການງານ ມີເກນທີ່ດີ ບາງຄົນອາດໄດ້ທຶນໄປຍົກລະດັບ ບາງຄົນມີເກນໄດ້ໄປວຽກທີ່ຕ່າງປະເທດ  ບໍ່ວ່າທ່ານຈະເຮັດສິ່ງໃດໃນຊ່ວງນີ້ກໍຈະປະສົບຄວາມສຳເລັດ.

ການເງິນ ການຕິດຕໍ່ສື່ສານກັບເພື່ອນມິດສະຫາຍໃນຊ່ວງນີ້ຈະນຳຜົນປະໂຫຍດມາໃຫ້ທ່ານ ໂດຍສະເພາະແມ່ນຈະເກີດມີການລົງທຶນຮ່ວມກັບເພື່ອນ ຫຼື ຄົນຮັກ ທ່ານຈະໄດ້ກຳໄລງາມ.

ຄວາມຮັກ ຫາກທ່ານມີຄູ່ຄອງແລ້ວໃຫ້ທ່ານລະວັງການຕິດຕໍ່ເພດກົງກັນຂ້າມ ເພາະທ່ານອາດເຜີໃຈໄປມັກເຂົາ ສ່ວນຄົນໂສດຈະມີຄົນເຂົ້າມາເຮັດໃຫ້ຫົວໃຈທ່ານສົດໃສຂຶ້ນ.

ຣາສີມິນ (ຄົນທີ່ເກີດໃນລະຫວ່າງວັນທີ 14 ມີນາ – 12 ເມສາ)

ການງານ ດວງກຳລັງດີແບບສຸດໆ ຈະມີໂອກາດດີໆເຂົ້າມາຫາທ່ານ ທ່ານຈະໄດ້ຮັບໂຊກມະຫາສານຈາກການປະສານງານ ຫາກຄົນເຮັດທຸລະກິດຈະໄດ້ກຳໄລງາມ.

ການເງິນ ການຕິດຕໍ່ສື່ສານກັບເພື່ອນມິດສະຫາຍໃນຊ່ວງນີ້ຈະນຳຜົນປະໂຫຍດມາໃຫ້ທ່ານ ໂດຍສະເພາະແມ່ນຈະເກີດມີການລົງທຶນຮ່ວມກັບເພື່ອນ ຫຼື ຄົນຮັກ.

ຄວາມຮັກ ຊ່ວງນີ້ຄົນຮັກຂອງທ່ານຈະມີອາລົມປັ່ນປ່ວນໃຈຮ້າຍງ່າຍທ່ານຕ້ອງອົດທົນໃຫ້ຫຼາຍ ສຳລັບຄົນໂສດທ່ານຈະພົບຄົນທີ່ຖືກໃຈໃນສາຍງານ .

ຣາສີເມກ (ຄົນທີ່ເກີດໃນລະຫວ່າງວັນທີ 13 ເມສາ – 13 ພຶດສະພາ)

ການງານ ຍ້ອນເພື່ອນຮ່ວມງານເປັນຄົນນຳບັນຫາມາໃຫ້ ແລະ ກໍມີແຕ່ວຽກດ່ວນໆເຂົ້າມາເລັ່ງໃຫ້ທ່ານເຮັດ ຂໍໃຫ້ທ່ານກຽມພ້ອມຮັບມືກັບບັນຫາທີ່ຈະເກີດຂຶ້ນ.

ການເງິນ ໄລຍະນີ້ທ່ານຕ້ອງທຳໃຈ ຄົນທີ່ບອກວ່າຈະຊ່ວຍເຫຼືອທ່ານເລື່ອງເງິນແຕ່ສຸດທ້າຍເຂົາກໍບໍ່ຊ່ວຍ ລາຍຮັບທີ່ຄິດວ່າຈະໄດ້ແຕ່ກັບຕ້ອງຫຼຸດມືໄປ.

ຄວາມຮັກ ເລື່ອງຄວາມຮັກບໍ່ມີຫຍັງໜ້າເປັນຫ່ວງ ທ່ານອາດໄດ້ຮັບຂອງຂວັນຈາກຄົນຮັກ ສຳລັບຄົນໂສດອາທິດນີ້ຄວນພິຈາລະນາເພດກົງກັນຂ້າມທີ່ເຂົ້າມາພົວພັນທ່ານຢ່າງຮອບຄອບກ່ອນຕັດສິນໃຈຄົບຫາ.

ຣາສີພຶກສົບ (ຄົນເກີດໃນລະຫວ່າງວັນທີ 14 ພຶດສະພາ – 13 ມິຖຸນາ)

ການງານ ສຳລັບຄົນທີ່ກຳລັງຊອກວຽກໃນເວລາສຳພາດວຽກຂໍໃຫ້ທ່ານຕອບຄຳຖາມ ຫຼື ສະແດງທັດສະນະຄະຕິໃຫ້ຊັດເຈນ ທ່ານຈຶ່ງຈະມີໂອກາດໄດ້ວຽກເຮັດ.

ການເງິນ ທ່ານຕ້ອງພິຈາລະນາຢ່າງຮອບຄອບກ່ອນທຸກຄັ້ງ ໂດຍສະເພາະການປັນຜົນໄດ້ຮັບຈາກກຳໄລ ເພາະມີທ່າອຽງວ່າທ່ານຈະເສຍປຽບຫຼາຍ ດັ່ງນັ້ນ ທ່ານຕ້ອງຄິດໃຫ້ດີກ່ອນຕັດສິນໃຈ.

ຄວາມຮັກ ຫາກຕອນນີ້ທ່ານກຳລັງຄິດຈະຈັບປາສອງມືແມ່ນຂໍໃຫ້ທ່ານເຊົາຄິດເພາະຄອບຄົວຈະເກີດບັນຫາ ທ່ານກັບຄົນຮັກຈະຜິດຖຽງກັນຂັ້ນຮຸນແຮງ.

ຣາສີເມຖຸນ (ຄົນເກີດໃນລະຫວ່າງວັນ 14 ມິຖຸນາ – 14 ກໍລະກົດ)

ການງານ ສຳລັບຄົນທີ່ເປັນລະດັບຫົວໜ້າແມ່ນໃຫ້ລະວັງຫາກຈະມອບວຽກສຳຄັນໃຫ້ລູກນ້ອງ ຄົນທີ່ເຮັດໜ້າທີ່ປະສານງານ ຫຼື ການຕະຫຼາດແມ່ນຕ້ອງກະກຽມຂໍ້ມູນໃຫ້ລະອຽດວຽກງານຂອງທ່ານຈຶ່ງສຳເລັດໄດ້.

ການເງິນ ທ່ານອາດຈະໄດ້ຮັບໂຊກລາບຫຼາຍຂຶ້ນກວ່າໄລຍະຜ່ານມາ ມີເກນວ່າທ່ານຈະໄດ້ເລີ່ມຕົ້ນເຮັດສິ່ງໃໝ່ກັບຄູ່ຮ່ວມງານໃໝ່ໆ.

ຄວາມຮັກ ຄົນໂສດຊ່ວງນີ້ສະເໜຂອງທ່ານຍັງບໍ່ແຮງພໍທີ່ຈະດຶງດູດເພດກົງກັນຂ້າມໃຫ້ຫັນມາສົນໃຈໃນຕົວທ່ານ ຄົນທີ່ມີຄົນຮັກແລ້ວກຽມຮັບຂ່າວດີຈາກຄົນຮັກອາດເຖິງຂັ້ນຂໍໝັ້ນໝາຍ ຫຼື ແຕ່ງດອງ.

ຣາສິກໍລະກົດ (ຄົນເກີດລະຫວ່າງວັນທີ 15 ກໍລະກົດ – 16 ສິງຫາ)

ການງານ ຄົນທີ່ເຮັດອາຊີບກ່ຽວກັບການຂາຍ ແມ່ນໃຫ້ທ່ານດຸໝັ່ນໃຫ້ຫຼາຍຂຶ້ນກວ່າເກົ່າ ທ່ານຈຶ່ງຈະປະສົບຄວາມສຳເລັດໄດ້.

ການເງິນ ມີແຕ່ລາຍຈ່າຍເຂົ້າມາຫຼາຍທາງໂດຍສະເພາະຄົນທີ່ສ້າງຄອບຄົວແລ້ວ ທ່ານຈະໝົດເງິນໄປກັບລູກ-ຫຼານຈົນເຮັດໃຫ້ທ່ານມີໜີ້ສິນ.

ຄວາມຮັກ ຄົນແຕ່ງດອງແລ້ວມີໂອກາດໄດ້ລູກ ສຳລັບຄົນໂສດຫາກພາຍໃນອາທິດນີ້ທ່ານໄດ້ເດີນທາງໄປຕ່າງຖິ່ນ ທ່ານຈະໄດ້ພົບກັບເພດກົງກັນຂ້າມ ແລະ ຈະພັດທະນາເປັນຄູ່ແທ້ຈົນເຖິງຂັ້ນໄດ້ແຕ່ງດອງກັນໃນໄວໆນີ້.

ຣາສີສິງ (ຄົນເກີດໃນລະຫວ່າງວັນທີ 17 ສິງຫາ – 16 ກັນຍາ)

ການງານ ອາທິດນີ້ທ່ານຈະມີໂອກາດໄດ້ວາງແຜນງານ ແລະ ໄດ້ເຮັດໂຄງການຮ່ວມກັບຄົນອື່ນ ແລະ ຈະມີຄົນອິດສາທ່ານ.

ການເງິນ ອາດໄດ້ເງິນໄດ້ຜົນປະໂຫຍດຫຼາຍຂຶ້ນ ແລະ ທ່ານກໍຈະມີແຜນຕົບແຕ່ງເຮືອນ ຫຼື ແປງເຮືອນ ແຕ່ຂໍໃຫ້ທ່ານຄວບຄຸມລາຍຈ່າຍໃຫ້ດີເພາະອາດເກີນງົບທີ່ຕັ້ງໄວ້.

ຄວາມຮັກ ຄົນໂສດທີ່ເຫງົາໃຈມາດົນຈະໄດ້ພົບກັບຄົນທີ່ເຮັດໃຫ້ຫົວໃຈທ່ານຊຸ່ມຊື່ນຂຶ້ນ ແຕ່ກໍຂໍໃຫ້ລະວັງໄວ້ເພາະຄົນນັ້ນເປັນຄົນຫຼາຍໃຈທ່ານບໍ່ຄວນຫຼົງຮັກເຂົາຫຼາຍຈົນເກີນໄປ.

ຣາສິກັນ (ຄົນເກີດລະຫວ່າງວັນທີ 17 ກັນຍາ – 16 ຕຸລາ)

ການງານ ຄົນທີ່ມີທຸລະກິດ ຫຼື ຄົນທີ່ເຮັດວຽກປະຈຳຢູ່ໃນເກນທີ່ດີ ມີໂອກາດຂະຫຍາຍງານໃຫ້ຈະເລີນກ້າວໜ້າ ຫຼື ສຳລັບຄົນທີ່ເຮັດວຽກທີ່ຫ້ອງການກິນເງິນເດືອນມີໂອກາດຈະໄດ້ເລື່ອນຕຳແໜ່ງ.

ການເງິນ ເລື່ອງເງິນຄຳບໍ່ເຂົ້າໃຜອອກໃຜ ຈະມີຄົນມາເວົ້າຫວານໃສ່ເພື່ອຫວັງຢືມເງິນ ອາທິດນີ້ລາຍຈ່າຍເຂົ້າມາຫຼາຍ ຮັບເຂົ້າມາກໍຈ່າຍອອກໄປ.

ຄວາມຮັກ ຄົນມີຄູ່ແລ້ວເວົ້າຈາກໍໃຫ້ລະມັດລະວັງຢ່າໃຫ້ໄປຂັດຫູຂັດໃຈຄົນຮັກຂອງທ່ານ ບໍ່ດັ່ງນັ້ນຈະເກີດມີປາກສຽງກັນ ສ່ວນຄົນໂສດອາດພົບຮັກໃນບ່ອນເຮັດວຽກ.

ຣາສີຕຸນ (ຄົນເກີດໃນລະຫວ່າງວັນທີ 17 ຕຸລາ – 16 ພະຈິກ)

ການງານ ກ່ຽວກັບເລື່ອງວຽກທ່ານຈະໄດ້ຂໍຄວາມຊ່ວຍເຫຼືອຈາກເພື່ອນຮ່ວມງານ ຫຼື ຍາດພີ່ນ້ອງ ມິດສະຫາຍໃຫ້ຊ່ວຍ ຈະມີວຽກທີ່ຕ້ອງໄດ້ເດີນທາງຕະຫຼອດ.

ການເງິນ ທ່ານມີທ່າອຽງຈະເສຍເງິນກ້ອນໃຫຍ່ໃຫ້ກັບຄົນບໍ່ຫວັງດີທີ່ຈະເຂົ້າມາຂໍຢືມເງິນທ່ານ ຫຼື ຂໍໃຫ້ທ່ານໄປເຊັນຄໍ້າປະກັນ.

ຄວາມຮັກ ຄົນທີ່ມີຄູ່ແລ້ວຄວາມຮັກມີຄວາມສຸກ ມີຄວາມເຂົ້າໃຈຊຶ່ງກັນ ແລະ ກັນ ສຳລັບຄົນໂສດມີໂອກາດໄດ້ພົບເນື້ອຄູ່ ໂດຍຈະມີເພື່ອນ ຫຼື ຄົນຮູ້ຈັກເປັນຄົນຕິດຕໍ່ມາໃຫ້.

ຣາສີພິຈິກ (ຄົນເກີດລະຫວ່າງວັນ 17 ພະຈິກ – 15 ທັນວາ)

ການງານ ງານທີ່ຕ້ອງໃຊ້ເສັ້ນສາຍທີ່ບໍ່ຖືກຕາມລະບຽບຫຼັກການແມ່ນຄວນໃຫ້ຫຼີກເວັ້ນ ເພາະມີໂອກາດສູງທີ່ທ່ານຈະຖືກຈັບໄດ້ ແລະ ເສື່ອມເສຍຊື່ສຽງ ແລະ ອາດເປັນການຕັດອານາຄົດຂອງທ່ານເອງ.

ການເງິນ ຮັບເຂົ້າມາຫຼາຍກໍ່ຈ່າຍອອກໄປຫຼາຍ ຫາກທ່ານຕ້ອງການກູ້ຢືມເງິນຈາກທະນາຄານ ທ່ານຈະມີໂອກາດໄດ້ຮັບເງິນກ້ອນຕາມທີ່ຫວັງໄວ້.

ຄວາມຮັກ ທ່ານເປັນຄົນມີສະເໜ່ ແລະ ຈິດໃຈດີ ຈິ່ງເຮັດໃຫ້ຄູ່ຄອງຂອງທ່ານຍ້ອງຍໍທ່ານສະເໝີ ແລະ ພ້ອມຈະສະໜັບສະໜູນທ່ານຢູ່ເບື້ອງຫຼັງ ແຕ່ທ່ານຕ້ອງລະວັງກັບການຕິດຕໍ່ກັບເພດກົງກັນຂ້າມ ເພາະຈະເຮັດໃຫ້ຄົນຮັກທ່ານເຂົ້າໃຈຜິດ.

ຣາສີທະນູ (ຄົນເກີດໃນລະຫວ່າງວັນທີ 16 ທັນວາ – 15 ມັງກອນ)

ການງານ ໄລຍະນີ້ທ່ານຈະຕ້ອງເຂົ້າໄປພົວພັນກັບວຽກທີ່ຕ້ອງອອກງານສັງຄົມເປັນປະຈຳ ແລະ ຈະໄດ້ພົບເພື່ອນໃໝ່ຫຼາຍຮູບແບບຫຼາຍລະດັບ ມີທັງຄົນຈິງໃຈ ແລະ ຄົນຫວັງເພິ່ງຜົນປະໂຫຍດກັບຕົວທ່ານ.

ການເງິນ ວຽກພິເສດ ຫຼື ວຽກຈິດອາສາ ຈະເປັນໂອກາດທີ່ດີໃຫ້ທ່ານເກີດໂຊກລາບເງິນຄຳ ເພາະມີຄົນຈະເຂົ້າມາຊ່ວຍທ່ານເລື່ອງເງິນ.

ຄວາມຮັກ ທ່ານ ແລະ ຄົນຮັກຕ່າງມີດວງຊຸກຍູ້ສົ່ງເສີມກັນດີ ດູແລເອົາໃຈໃສ່ຊຶ່ງກັນ ແລະ ກັນ ສຳລັບຄົນໂສດທີ່ກຳລັງຢາກມີຄວາມຮັກເພື່ອນຂອງທ່ານຈະເປັນຄົນຕິດຕໍ່ມາໃຫ້ ແລະ ທ່ານອາດຈະໄດ້ພົບຄູ່ແທ້.

 

 

ຮຽບຮຽງ: ບຸດສະດີ ສາຍນ້ຳມັດ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.