ເບິ່ງດວງປະຈຳອາທິດ, ນັບຕັ້ງແຕ່ວັນທີ 05 – 10 ມີນາ 2019

0
426

ຣາສີມັງກອນ (ຄົນເກີດໃນລະຫວ່າງວັນທີ 16 ມັງກອນ – 12 ກຸມພາ)

ການງານ ເປັນໄລຍະນໍ້າຂຶ້ນໃຫ້ຟ້າວຕັກ ທຸລະກິດທີ່ກ່ຽວກັບຮ້ານອາຫານ, ບັນເທີງ ແມ່ນຈະເລີນກ້າວໜ້າດີ ສ່ວນພະນັກງານກິນເງິນເດືອນ ເຖິງຈະມີເກນໂຍກຍ້າຍປ່ຽນແປງ ແຕ່ກໍ່ຢູ່ໃນໄລຍະຜູ້ໃຫຍ່ຮັກ ພ້ອມໃຫ້ການສະໜັບສະໜູນທ່ານ.

ການເງິນ ລາຍຮັບ ລາຍຈ່າຍໝູນວຽນໄດ້ຕາມປົກກະຕິແຕ່ອາດຈະໄດ້ເງິນເພີ່ມເຕີມຈາກການລົງຫຸ້ນກັບເພື່ອນສະຫາຍ ກໍ່ຈະມີໂອກາດໄດ້ຜົນກຳໄລຢ່າງຕໍ່ເນື່ອງ.

ຄວາມຮັກ ຊ່ວງນີ້ສະເໜ່ມາແຮງມີຄົນຮັກຄົນຫຼົງ ຄູ່ຄອງພ້ອມຈະຊ່ວຍເຫຼືອທ່ານທຸກຢ່າງ ສຳລັບຄົນໂສດກໍ່ມີເກນສູງທີ່ຈະມີເພດກົງກັນຂ້າມເຂົ້າມາສົນໃຈ.

ຣາສີກຸມ (ຄົນເກີດໃນລະຫວ່າງວັນທີ 13 ກຸມພາ – 13 ມີນາ)

ການງານ ເລື່ອງວຽກງານຫາກທ່ານຕ້ອງການຄວາມຊ່ວຍເຫຼືອແມ່ນໃຫ້ເຂົ້າຫາຜູ້ໃຫຍ່ທ່ານຈະມີໂອກາດສຳເລັດຢ່າງງ່າຍດາຍ ແລະ ທ່ານຈະໄດ້ມິດຕະພາບໃນງານລ້ຽງ.

ການເງິນ ທ່ານຈະມີໂຊກລາບແບບບໍ່ຄາດຝັນ ແຕ່ໃຫ້ລະວັງໄພຈາກການເດີນທາງ ເພາະອາດເຮັດໃຫ້ທ່ານເສຍເງິນໄດ້.

ຄວາມຮັກ ຄົນມີຄູ່ແລ້ວພະຍາຍາມຫຼີກລ່ຽງບັນຫາ ແລະ ການຜິດຖຽງກັນ ສ່ວນຄົນໂສດຈະໄດ້ພົບຮັກໃນງານລ້ຽງ ເພື່ອນຂອງທ່ານຈະແນະນຳມາໃຫ້.

ຣາສີມິນ (ຄົນທີ່ເກີດໃນລະຫວ່າງວັນທີ 14 ມີນາ – 12 ເມສາ)

ການງານ ສຳລັບຜູ້ທີ່ເປັນເຈົ້າຂອງກິດຈະການ ຫຼື ຜູ້ບໍລິຫານຈະມີບັນຫາເຂົ້າມາກວນໃຈທ່ານ ສະນັ້ນທ່ານຕ້ອງອົດທົນ ໜັກແໜ້ນ ແລະ ກຽມພ້ອມຮັບມືກັບສິ່ງທີ່ຈະເກີດຂຶ້ນ.

ການເງິນ ສຳລັບຄົນເຮັດທຸລະກິດໄລຍະນີ້ຈຳເປັນຕ້ອງໃຊ້ເງິນກ້ອນໃຫຍ່ ແນະນຳໃຫ້ໃຊ້ຈ່າຍແບບປະຢັດສຸດໆ ຈ່າຍເງິນໃນສິ່ງທີ່ຈຳເປັນເທົ່ານັ້ນ.

ຄວາມຮັກ ຄົນໂສດຈະໄດ້ຄົນຮັກຍ້ອນການແນະນຳຈາກເພື່ອນ ສ່ວນຄົນມີຄູ່ແມ່ນມີຄວາມສຸກຫຼາຍຍ້ອນຄົນຮັກເອົາໃຈໃສ່ ແລະ ຮັກທ່ານຫຼາຍ.

ຣາສີເມກ (ຄົນທີ່ເກີດໃນລະຫວ່າງວັນທີ 13 ເມສາ – 13 ພຶດສະພາ)

ການງານ ຂໍໃຫ້ທ່ານຂະຫຍັນເຮັດວຽກ ແລະ ໃຫ້ລະວັງເລື່ອງອາລົມເພາະອາດຈະເກີດຄວາມຂັດແຍ້ງກັບເພື່ອນຮ່ວມງານຂຶ້ນໄດ້  ສຳລັບຄົນທີ່ມີອາຊີບການຂາຍແມ່ນຈະມີຄວາມຈະເລີນກ້າວໜ້າ.

ການເງິນ ທ່ານຈະໄດ້ເງິນຈາກການເຮັດວຽກຂອງທ່ານເທົ່ານັ້ນ ຢ່າຫວັງເພິ່ງໂຊກຊະຕາເດັດຂາດ ແລະ ຂໍໃຫ້ທ່ານຢ່າຫຼົງເຊື່ອຄົນອື່ນງ່າຍໆ ເພາະທ່ານອາດຖືກຄົນບໍ່ດີມາຕົ້ມຕຸນໄດ້.

ຄວາມຮັກ ຄົນມີຄູ່ແລ້ວຄວາມສຳພັນຂອງພວກທ່ານຍັງຢູ່ໃນເກນທີ່ດີ ສ່ວນຄົນໂສດກຳລັງຢູ່ໃນຊ່ວງພິຈາລະນາ ແນະນຳໃຫ້ຄ່ອຍສຶກສາເບິ່ງໃຈກັນໄປກ່ອນ.

ຣາສີພຶກສົບ (ຄົນເກີດໃນລະຫວ່າງວັນທີ 14 ພຶດສະພາ – 13 ມິຖຸນາ)

ການງານ ວຽກງານຈະເກີດອຸປະສັກບາງຢ່າງໃຫ້ທ່ານແກ້ໄຂເຫດການສະເພາະໜ້າ ທ່ານຈົ່ງໃຊ້ຄວາມສາມາດໃນການເຈລະຈາວຽກງານຂອງທ່ານຈິ່ງສຳເລັດ.

ການເງິນ ການເງິນດີບໍ່ມີບັນຫາ ແລະ ທ່ານອາດໄດ້ຮັບໂຊກເລັກໆນ້ອຍໆ ແຕ່ຍັງມີລາຍຈ່າຍເຂົ້າມາເລື້ອຍໆ ສະນັ້ນຂໍໃຫ້ທ່ານປະຢັດໄວ້.

ຄວາມຮັກ ຄົນໂສດເພື່ອນຂອງທ່ານຈະແນະນຳຄົນຜິວຂາວໃຫ້ທ່ານຮູ້ຈັກ ສ່ວນຄົນມີຄູ່ຄວາມສຳພັນລະຫວ່າງທ່ານກັບຄົນຮັກແມ່ນເລີ່ມດີຂຶ້ນກວ່າເມື່ອກ່ອນ.

ຣາສີເມຖຸນ (ຄົນເກີດໃນລະຫວ່າງວັນ 14 ມິຖຸນາ – 14 ກໍລະກົດ)

ການງານ ທ່ານມີເກນຈະໄດ້ເດີນທາງໄປຕ່າງປະເທດ ແລະ ມີໂອກາດທີ່ຈະສຳເລັດຫຼາຍຂຶ້ນ ທ່ານຈະໄດ້ຮັບຄວາມຊ່ວຍເຫຼືອຈາກຜູ້ໃຫຍ່ ແຕ່ຂໍໃຫ້ທ່ານຫຼີກລ່ຽງການປະທະກັບເພື່ອນຮ່ວມງານໃນອາທິດນີ້.

ການເງິນ ເລື່ອງເງິນບໍ່ເຂົ້າ-ອອກໃຜ ສະນັ້ນ, ທ່ານບໍ່ຄວນໄວ້ໃຈເລື່ອງເງິນກັບຄົນອື່ນຫຼາຍຈົນເກີນໄປ ເພາະຈະເຮັດໃຫ້ທ່ານເກີດບັນຫາຫຍຸ້ງຍາກໄດ້.

ຄວາມຮັກ ຄົນມີຄູ່ແລ້ວຄວາມຮັກມີຄວາມສຸກດີ ສ່ວນຄົນໂສດບາງຄັ້ງກໍ່ຮູ້ສຶກເຫງົາຢາກມີໃຜຈັກຄົນໜຶ່ງເຂົ້າມາດູແລ ແຕ່ທ່ານກໍ່ຍັງບໍ່ພົບຄົນທີ່ຖືກໃຈທ່ານເທື່ອ.

ຣາສິກໍລະກົດ (ເກີດລະຫວ່າງວັນທີ 15 ກໍລະກົດ – 16 ສິງຫາ)

ການງານ ວຽກງານຂອງທ່ານຈະເຕັມໄປດ້ວຍບັນຫາ ແລະ ອຸປະສັກ, ມີຄູ່ແຂ່ງເຂົ້າມາກວນໃຈຕະຫຼອດ ສະນັ້ນທ່ານຕ້ອງຄວບຄຸມອາລົມຕົວເອງໃຫ້ໄດ້

ການເງິນ ທ່ານຕ້ອງຂະຫຍັນຊອກຫາ ແລະ ຕ້ອງຮູ້ຈັກເກັບທ້ອນ ຢ່າໃຫ້ໃຜຢືມເງິນເດັດຂາດ ເພາະຈະໄດ້ຄືນຍາກ

ຄວາມຮັກ ທ່ານຈະມີໂອກາດໄດ້ພົບຮັກກັບໃຜຈັກຄົນ ແລະ ມີຄວາມສຸກກັບຊີວິດຮັກເປັນຢ່າງດີ ຖ້າເປັນເພດກົງກັນຂ້າມທ່ານຈະໄດ້ພົບຮັກກັບຄົນທີ່ມີອາຍຸຫຼາຍກວ່າ.

ຣາສີສິງ (ຄົນເກີດໃນລະຫວ່າງວັນທີ 17 ສິງຫາ – 16 ກັນຍາ)

ການງານ ທ່ານຈະຮູ້ສຶກອຶດອັດເພາະຄົນອ້ອມຂ້າງຄອຍກົດດັນ ເຮັດໃຫ້ທ່ານບໍ່ສາມາດເຮັດໃນສິ່ງທີ່ທ່ານຕ້ອງການ ໃຫ້ລະວັງທ່ານອາດມີເລື່ອງກັບເພື່ອນຮ່ວມງານ ແຕ່ກໍ່ຍັງມີໂຊກເຂົ້າຂ້າງຢູ່.

ການເງິນ ທ່ານຕ້ອງໃຊ້ຈ່າຍເງິນຢ່າງລະວັງ ແລະ ຕ້ອງຂະຫຍັນຫາເງິນເພີ່ມ ຊ່ວງທ້າຍອາທິດຈະມີລາຍຈ່າຍເຂົ້າມາຫຼາຍໂດຍສະເພາະເປັນລາຍຈ່າຍທີ່ກ່ຽວກັບການສ້ອມແປງພາຫະນະ ຫຼື ໃຊ້ຈ່າຍໃນການເດີນທາງ.

ຄວາມຮັກ ທ່ານບໍ່ຄວນເຊື່ອຄົນອື່ນຫຼາຍກວ່າຄົນຮັກເພາະຈະເຮັດໃຫ້ເກີດມີປາກສຽງກັນ ແລະ ອາດຈົບລົງດ້ວຍການແຍກທາງກັນ.

ຣາສິກັນ (ຄົນເກີດລະຫວ່າງວັນທີ 17 ກັນຍາ – 16 ຕຸລາ)

ການງານ ມີເກນເດີນທາງ ຫຼື ປ່ຽນແປງບ່ອນຢູ່ ເປັນຊ່ວງທີ່ຄ່ອນຂ້າງວຸ້ນວາຍການເຮັດວຽກບໍ່ໝັ້ນຄົງ ມີສັດຕູຄູ່ແຂ່ງຄອຍຍາດຊິງຕຳແໜ່ງໜ້າທີ່ຂອງທ່ານ.

ການເງິນ ມີເຫດໃຫ້ທ່ານຕ້ອງຈ່າຍເງິນອອກໄປເລື້ອຍໆ ທ່ານຈະເກັບເງິນບໍ່ຄ່ອຍຢູ່ ທ່ານຈະມີໂຊກລາບປາກ ຫຼື ສິ່ງຂອງຫຼາຍກວ່າໂຊກເງິນຄຳ.

ຄວາມຮັກ ທ່ານຈະມີຄວາມຮັກຕ່າງໄວ ແລະ ຈະໂຊກດີກັບຄວາມຮັກໃນຄັ້ງນີ້ ຄົນຮັກຈະຮັກທ່ານ ແລະ ຕາມໃຈທ່ານຫຼາຍ.

ຣາສີຕຸນ (ຄົນເກີດໃນລະຫວ່າງວັນທີ 17 ຕຸລາ – 16 ພະຈິກ)

ການງານ ທ່ານຈະເຮັດສິ່ງໃດໃຫ້ເຮັດຢ່າງຮອບຄອບ ທ້າຍອາທິດຂໍໃຫ້ທ່ານກຽມໃຈພົບກັບຄວາມວຸ້ນວາຍ ດວງມີເກນປ່ຽນງານ ຫຼື ໂຍກຍ້າຍ.

ການເງິນ ມີເກນເຮັດໃຫ້ທ່ານເສຍເງິນ ບໍ່ວ່າຈະເສຍເງິນໄປກັບການແປງລົດ, ການປິ່ນປົວສຸຂະພາບ ສ່ວນໂຊກລາບທ່ານບໍ່ຕ້ອງຫວັງເພາະບໍ່ມີດວງເລື່ອງນີ້ ຕ້ອງຫາເງິນດ້ວຍເຫື່ອແຮງເທົ່ານັ້ນ.

ຄວາມຮັກ ທັງຄົນຮັກເກົ່າ ແລະ ຄົນຮັກໃໝ່ຈະກັບເຂົ້າມາເຮັດໃຫ້ທ່ານລັງເລໃຈ ເພາະບາງຄັ້ງທ່ານຍັງຮູ້ສຶກຮັກຄົນເກົ່າຢູ່ ພະຍາຍາມຈັດການຄວາມຮູ້ສຶກຂອງຕົນເອງໃຫ້ຊັດເຈນກວ່ານີ້ ທ່ານຈຶ່ງບໍ່ມີບັນຫາ.

ຣາສີພິຈິກ (ຄົນເກີດລະຫວ່າງວັນ 17 ພະຈິກ – 15 ທັນວາ)

ການງານ ທ່ານຕ້ອງລົງແຮງເຮັດດ້ວຍຕົວເອງຢ່າໄປຫວັງເພິ່ງຄົນອື່ນ ເພາະສ່ວນຫຼາຍມີແຕ່ຄົນມາຫວັງເພິ່ງທ່ານ ການເຮັດວຽກເປັນທີມທ່ານຈະຕ້ອງຮັບຜິດຊອບໜັກຄົນດຽວຂໍໃຫ້ທ່ານອົດທົນໄປຈັກໄລຍະໜຶ່ງກ່ອນ.

ການເງິນ ເງິນຮັບເຂົ້າມືຊ້າຍຈ່າຍອອກມືຂວາ ເກັບເງິນບໍ່ຄ່ອຍໄດ້ດົນ ໃນຊ່ວງທ້າຍອາທິດຈະມີໂຊກເລັກໆນ້ອຍໆເຂົ້າມາພໍໃຫ້ທ່ານດີໃຈ.

ຄວາມຮັກ ຊ່ວງນີ້ສະເໜ່ກຳລັງແຮງມີຄົນເຂົ້າມາໃຫ້ທ່ານເລືອກຫຼາຍທັງຄົນໂສດ ທັງຄົນມີຄູ່ແລ້ວຈະມີຄວາມສຸກກັບການໄດ້ເລືອກຄູ່ຄອງ

ຣາສີທະນູ (ຄົນເກີດໃນລະຫວ່າງວັນທີ 16 ທັນວາ – 15 ມັງກອນ)

ການງານ ກຳລັງມີການປ່ຽນແປງ ແລະ ຈະມີການເລີ່ມຕົ້ນໃໝ່ເກີດຂຶ້ນ ເຊິ່ງບາງຄົນອາດກຳລັງໄປສະໝັກວຽກບ່ອນໃໝ່.

ການເງິນ ທ່ານບໍ່ເໝາະທີ່ຈະໃຫ້ຄົນຢືມເງິນ ເພາະທ່ານເອງຕ້ອງມານັ່ງກຸ້ມໃຈຢ່າງຕໍ່ເນື່ອງ ແລະ ອາທິດນີ້ທ່ານມີຄວາມຢາກນຳເງິນໄປລົງທຶນ.

ຄວາມຮັກ ບາງຄູ່ທີ່ຄົບກັນມາດົນຈະມີຂ່າວດີເລື່ອງການແຕ່ງງານ ສ່ວນຄນໂສດກໍ່ຈະໄດ້ພົບຮັກໄວໆນີ້ຈາກການແນະນຳຂອງເພື່ອນ.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.