ເບິ່ງດວງປະຈຳອາທິດ, ນັບຕັ້ງແຕ່ວັນທີ 22 -27 ມັງກອນ 2019

0
657

ຣາສີມັງກອນ (ຄົນເກີດໃນລະຫວ່າງວັນທີ 16 ມັງກອນ – 12 ກຸມພາ)

ການງານ ໃນຊ່ວງນີ້ທ່ານຈະເກີດແຮງບັນດານໃຈ ເຮັດໃຫ້ທ່ານມີຄວາມຄິດສ້າງສັນວຽກງານໃໝ່ໆ ຫຼື ທ່ານຈະສາມາດສະສາງວຽກເກົ່າທີ່ຄ້າງຄາໄວ້ໄດ້ສຳເລັດ.

ການເງິນ ມີໂອກາດໄດ້ຮັບໂຊກແບບບໍ່ຄາດຄິດ ຄົນໃກ້ຕົວ ເປັນເພດຍິງຈະໃຫ້ໂຊກ ສິ່ງທີ່ລົງທຶນໄວ້ໃນອາດີດຈະຄືນກຳໄລໃຫ້ທ່ານໄວໆນີ້.

ຄວາມຮັກ ຄົນໂສດຍັງບໍ່ມີແນວໂນ້ມຈະພົບຄູ່ແທ້ເທື່ອ ສ່ວນຄົນມີຄູ່ແລ້ວຈະໄດ້ເຮັດບາງຢ່າງທີ່ແປກໃໝ່ຮ່ວມກັນ ເຊິ່ງມັນເປັນເລື່ອງທີ່ເຮັດໃຫ້ທ່ານເສຍເງິນ.

ຣາສີກຸມ (ຄົນເກີດໃນລະຫວ່າງວັນທີ 13 ກຸມພາ – 13 ມີນາ)

ການງານ ທ່ານຈະມີໂອກາດໄດ້ໂຊສີມືການເຮັດວຽກຂອງທ່ານ ຊ່ວງທຳອິດທ່ານຈະຮູ້ສຶກມ່ວນໄປກັບມັນແຕ່ພໍເຮັດໄປດົນໆທ່ານຈະຮູ້ເມື່ອຍ ສຳລັບຄົນທີ່ເຮັດວຽກໂຄງການລະວັງງົບປະມານບານປາຍ ແລະ ຈະເກີດມີການແຂ່ງຂັນໃນສາຍງານທີ່ທ່ານເຮັດຢູ່.

ການເງິນ ເປັນຊ່ວງເວລາທີ່ທ່ານຈະຕ້ອງມີຄວາມຮອບຄອບໃນການໃຊ້ຈ່າຍໃຫ້ຫຼາຍຂຶ້ນກວ່າເກົ່າ ໂຊກລາບເລື່ອງເງິນຈະມີເຂົ້າເລັກໆນ້ອຍໆເທົ່ານັ້ນ ບໍ່ເຖິງຂັ້ນໄດ້ເປັນກ້ອນໃຫຍ່.

ຄວາມຮັກ ທັງຄົນໂສດ ແລະ ຄົນມີຄູ່ຈະສະເໜ່ແຮງຫຼາຍ ຄົນໂສດຈະໄດ້ພົບຄົນທີ່ຖືກໃຈ ສ່ວນຄົນມີແຟນແລ້ວອາດຈະໄດ້ຮັບຂ່າວດີ ເຖິງຂັ້ນໝັ້ນໝາຍ ຫຼື ການແຕ່ງງານ.

ຣາສີມິນ (ຄົນທີ່ເກີດໃນລະຫວ່າງວັນທີ 14 ມີນາ – 12 ເມສາ)

ການງານ ຫາກທ່ານເປັນວິຊາການວຽກງານຂອງທ່ານຈະມີຄວາມໂດດເດັ່ນຫຼາຍ ຊ່ວງນີ້ທ່ານມີໂອກາດພັດທະນາຕົນເອງ ແລະ ໂອກາດໃໝ່ໃນໜ້າທີ່ການງານເພີ່ມຂຶ້ນ.

ການງານ ມີແນວໂນ້ມເສຍເງິນຫຼາຍກວ່າໄດ້ເງິນ ສະນັ້ນທ່ານຕ້ອງຫຼີກລ້ຽງການໄປເຂົ້າຮ່ວມງານສັງສັນເພາະມັນມີແຕ່ລາຍຈ່າຍ

ຄວາມຮັກ ຄົນໂສດຍັງຕ້ອງໂດດດ່ຽວອີກດົນ ສ່ວນຄົນມີຄູ່ຄອງແລ້ວ ຈະບໍ່ຄ່ອຍມີເວລາໃຫ້ກັນຄືແຕ່ກ່ອນ ຍ້ອນທ່ານມີພາລະໜ້າທີ່ຈະຕ້ອງຮັບຜິດຊອບຫຼາຍຂຶ້ນ.

ຣາສີເມກ (ຄົນທີ່ເກີດໃນລະຫວ່າງວັນທີ 13 ເມສາ – 13 ພຶດສະພາ)

ການງານ ຊ່ວງນີ້ຖືໄດ້ວ່າສິ່ງສັກສິດຄຸ້ມຄອງ ບໍ່ວ່າທ່ານຈະເຮັດສິ່ງໃດກໍ່ຈະສຳເລັດໄດ້ງ່າຍ ເຮັດການຄ້າຂາຍກໍ່ຈະໄດ້ເງິນກ້ອນ ຮ່ວມທັງໄດ້ຮັບການອຸປະຖຳຈາກແຫຼ່ງຕ່າງໆ.

ການເງິນ ຖືວ່າເປັນຊ່ວງເວລາທີ່ດີ ທ່ານຈະມີຄວາມສຸກສົມຫວັງ ຄວາມພໍໃຈສົມປາຖະໜາ ທັງດ້ານສື່ສຽງ ກຽດຕິຍົດ ເງິນທອງ ໂຊກລາບ ສິ່ງທີ່ທ່ານໄດ້ລົງແຮງເອົາໄວ້ຈະສ້າງຜົນກຳໄລມາລ້ຽງທ່ານບໍ່ຂາດເຂີນ.

ຄວາມຮັກ ຄົນໂສດຈະມີຄົນອາຍຸນ້ອຍກວ່າເຂົ້າມາສົນໃຈ ເຂົາມັກທ່ານດົນແລ້ວແຕ່ບໍ່ກ້າບອກ ສຳລັບຄົນມີຄູ່ຈະໄດ້ຮັບການດູູແລເປັນຢ່າງດີຈາກຄົນຮັກຊ່ວງນີ້ບໍ່ວ່າທ່ານຈະຂໍສິ່ງໃດຄົນຮັກຈະຕາມໃຈທຸກຢ່າງ.

ຣາສີພຶກສົບ (ຄົນເກີດໃນລະຫວ່າງວັນທີ 14 ພຶດສະພາ – 13 ມິຖຸນາ)

ການງານ ຊ່ວງນີ້ຮຽກໄດ້ວ່າດວງການງານ ການເງິນ ຂອງທ່ານກຳລັງມາແຮງ ໂດຍສະເພາະຄົນທີ່ເຮັດທຸລະກິດ ຫຼື ອາຊີບກ່ຽວກັບທີ່ດິນ ແລະ ອະສັງຫາລິມະຊັບຈະໂດດເດັ່ນເປັນພິເສດ ຄົນທີ່ເປັນຫົວໜ້າ ດວງບໍລິວານຈະຄອຍສະໜັບສະໜູນທ່ານ.

ການເງິນ ຈະມີລາຍຮັບເສີມເຂົ້າມາ ທັງວຽກທີ່ເຮັດປະຈຳ ແລະ ຈາກຄອບຄົວ ຮວມເຖິງຄວາມກ້າວໜ້າທາງທຸລະກິດ ຫຼື ການໄດ້ຮັບສ່ວນແບ່ງຜົນປະໂຫຍດ ຫຼື ມໍລະດົກ ແຕ່ໄດ້ມາແລ້ວທ່ານກໍ່ຈະເສຍໄປຢ່າງໄວວາຄືກັນ.

ຄວາມຮັກ ເລື່ອງຄວາມຮັກຍັງບໍ່ທັນກ້າວໜ້າ ເພາະຊ່ວງນີ້ທ່ານຄິດແຕ່ເລື່ອງງານກັບເລື່ອງເງິນເປັນສ່ວນໃຫຍ່ ຄົນໂສດຈະໄດ້ໂຊກຈາກຄົນທີ່ເຂົ້າມາພົວພັນທ່ານໃນຕອນນີ້ ສ່ວນຄົນມີຄູ່ຄອງແລ້ວຈະມີເວລາໃຫ້ກັບຄອບຄົວໜ້ອຍລົງ.

ຣາສີເມຖຸນ (ຄົນເກີດໃນລະຫວ່າງວັນ 14 ມິຖຸນາ – 14 ກໍລະກົດ)

ການງານ ທ່ານກຳລັງຕົກຢູ່ໃນພາວະມໍລະສຸມຊີວິດ ມີບັນຫາ ແລະ ອຸປະສັກຄ່ອນຂ້າງຫຼາຍ ເຊິ່ງທ່ານອາດຫາທາງອອກດ້ວຍການຫຼີກລ້ຽງຄວາມຮັບຜິດຊອບ ທ່ານກຳລັງຊອກຫາວິທີທາງທຸກຮູບແບບເພື່ອເອົາຕົວລອດ.

ການເງິນ ດວງທ່ານຈະມີຄົນຄອຍສະໜັບສະໜູນ ແຕ່ຕ້ອງລະວັງການຖືກຫຼອກລວງ ການຫັກຫຼັງ ໂດຍສະເພາະແມ່ນເລື່ອງເອກະສານສັນຍາຕ່າງໆ ໃຫ້ທ່ານອ່ານລະອຽດກ່ອນເຊັນ.

ຄວາມຮັກ ຄົນໂສດຍັງມີຄວາມລັງເລໃນການເລີ່ມຕົ້ນຮັກຄັ້ງໃໝ່ ຄົນມີຄອບຄົວແລ້ວອາດມີບັນຫາໃຫຍ່ເຂົ້າມາໃນຊີວິດຫຼາຍກວ່າ ໜຶ່ງເລື່ອງ ເຮັດໃຫ້ເກີດພາວະກົດດັນ ແລະ ບໍ່ມີຄວາມສຸກ.

ຣາສິກໍລະກົດ (ຄົນເກີດລະຫວ່າງວັນທີ 15 ກໍລະກົດ – 16 ສິງຫາ)

ການງານ ເປັນຊ່ວງເວລາທີ່ທ່ານຕ້ອງເລືອກ ແລະ ສັບສົນເພາະບໍ່ຮູ້ວ່າຈະເຮັດສິ່ງໃດດີ ຈະເລືອກເດີນໄປທາງໃດດີ ເພາະສະຖານະການດ້ານວຽກງານ ມີຫຼາຍຊ່ອງທາງເຂົ້າມາໃຫ້ທ່ານເລືອກເຮັດໃນເວລາດຽວກັນ.

ການເງິນ ດວງການເງິນກຳລັງດີ ທ່ານມີເກນໄດ້ຮັບສ່ວນແບ່ງ ມໍລະດົກ ຫຼື ທວງໜີ້ສຳເລັດ ຮວມທັງຈະໄດ້ໂຊກລາບຈາກທາງໄກ ຜູ້ຊາຍຈະເປັນຄົນສົ່ງເສີມດວງການເງິນໃຫ້ທ່ານ.

ຄວາມຮັກ ເລື່ອງຊີວິດຄູ່ອາດເກີດມີຄວາມລັບແກ່ກັນ ຄວາມສຳພັນຂອງບາງຄູ່ອາດເຖິງຂັ້ນຕ້ອງແຍກກັນຢູ່ຊົ່ວຄາວ ຄົນໂສດລະວັງໄປຕົກຫຼຸມຮັກຄົນທີ່ບໍ່ສົມຄວນຮັກ.

ຣາສີສິງ (ຄົນເກີດໃນລະຫວ່າງວັນທີ 17 ສິງຫາ – 16 ກັນຍາ)

ການງານ ອາລົມຂອງທ່ານໃນໄລຍະນີ້ອ່ອນໄຫວງ່າຍ ດຽວດີດຽວຮ້າຍ ເຮັດໃຫ້ວຽກງານຂອງທ່ານໃນຊ່ວງນີ້ມີແຕ່ເລື່ອງກວນໃຈ ທ່ານຈະຮູ້ສຶກບໍ່ພໍໃຈກັບລະບົບການເຮັດວຽກ ບັນຫາຕ່າງໆທ່ານບໍ່ຄວນໃຊ້ອາລົມຕັດສິນເພາະມັນເຮັດໃຫ້ມີແຕ່ເສຍກັບເສຍ.

ການເງິນ ລາຍຮັບອາດເຖິງຂັ້ນຕິດລົບ ຢ່າເອົາເງິນທ້ອນອອກໄປໃຊ້ຖ້າບໍ່ຈຳເປັນແທ້ໆ ລະວັງຊັບສິນເງິນຄຳສູນຫາຍ ລະວັງການຖືກເອົາປຽບ ຖືກໂກງ ແລະ ການຖືກລັກຊັບ.

ຄວາມຮັກ ຄົນໂສດຈະຮູ້ສຶກເມື່ອຍກັບຄວາມຫວັງຊ້ຳຊາກ ຄົນມີຄູ່ແລ້ວອອກແນວມັກນ້ອຍໃຈຄົນຮັກ ທ່ານກັບຄົນຮັກມີເລື່ອງບໍ່ເຂົ້າໃຈກັນເລື້ອຍໆ ສະນັ້ນຂໍໃຫ້ທ່ານໃຊ້ເຫດຜົນລົມກັນ.

ຣາສິກັນ (ຄົນເກີດລະຫວ່າງວັນທີ 17 ກັນຍາ – 16 ຕຸລາ)

ການງານ ບັນຫາຫຼັກໆແມ່ນມາຈາກເລື່ອງຂອງຄວາມຜິດຫວັງ ເສຍໃຈ ຈາກການຄາດຫວັງບາງຢ່າງແລ້ວມັນບໍ່ເປັນໄປຕາມທີ່ທ່ານຫວັງ ການງານໃນໄລຍະນີ້ປຽບດັ່ງມີພາຍຸລົມຝົນ ຈະເກີດເລື່ອງທີ່ເຮັດໃຫ້ທ່ານເສຍຄວາມຮູ້ສຶກ ຈົນເຖິງຂັ້ນຈິດຕົກ ແລະ ຄິດຈະລາອອກຈາກງານ.

ການເງິນ ໂຊກລາບພໍມີເຂົ້າມາເລື້ອຍໆ ເນື່ອງຈາກທ່ານມີຄວາມຮູ້ ຄວາມສາມາດ ຈື່ງເຮັດໃຫ້ທ່ານມີຊ່ອງທາງໃນການຫາເງິນຫຼາຍຂຶ້ນ.

ຄວາມຮັກ ສະຖານະການສຳລັບຊີວິດຄູ່ແມ່ນບໍ່ຄ່ອຍດີປານໃດ ເພາະທ່ານຈະຮູ້ສຶກວ່າມີແຕ່ທ່ານເປັນຝ່າຍເສຍສະຫຼະຢູ່ຝ່າຍດຽວ ແລະ ຄວາມຮັກຂອງທ່ານມີໂອກາດເກີດຮັກສາມເສົ້າ ສ່ວນຄົນໂສດຕ້ອງທຳໃຈ ຄົນທີ່ມີໃຈໃຫ້ທ່ານຕອນນີ້ ເຂົາກໍ່ມີໃຈໃຫ້ຄົນອື່ນຄືກັນ.

ຣາສີຕຸນ (ຄົນເກີດໃນລະຫວ່າງວັນທີ 17 ຕຸລາ – 16 ພະຈິກ)

ການງານ  ເປັນຊ່ວງເວລາທີ່ດີທີ່ສຸດໃນການຈັດການດູແລທັງການຮຽນ ການງານ ເຮັດໃຫ້ທຸກຢ່າງເປັນລະບົບ ທ່ານຈະມີຄວາມສຳເລັດໃນໜ້າທີ່ການງານໂດຍສະເພາະເຈົ້າຂອງທຸລະກິດແມ່ນຈະມີຄວາມຈະເລີນກ້າວໜ້າເປັນພິເສດ.

ການເງິນ ທ່ານຄວນໄປເຮັດບຸນສິນກິນທານ ເພື່ອເສີມດວງໃຫ້ມີໂຊກລາບ ເງິນຄຳ ຜົນປະໂຫຍດ ຮຽກໄດ້ວ່າໄລຍະນີ້ທ່ານຈະອຸດົມສົມບູນໄປດ້ວຍຊັບສິນ.

ຄວາມຮັກ ຄົນໂສດອາດພົບຄົນທີ່ຖືກໃຈແບບບໍ່ຄາດຄິດມາກ່ອນ ແລະ ມີໂອກາດເປັນເນື້ອຄູ່ແທ້ໄດ້ຄືກັນ ພຽງແຕ່ເຂົາກັບທ່ານຈະມີອາຍຸຫ່າງກັນຫຼາຍປີ ສ່ວນຄົນທີ່ມີຄູ່ແລ້ວທ່ານຈະໄດ້ຮັບການສະໜັບສະໜູນຈາກຄົນໃນຄອບຄົວໃຫ້ຊີວິດຈະເລີນຂຶ້ນກວ່າໄລຍະຜ່ານມາ.

ຣາສີພິຈິກ (ຄົນເກີດລະຫວ່າງວັນ 17 ພະຈິກ – 15 ທັນວາ)

ການງານ ສິ່ງຕ່າງໆທີ່ທ່ານໄດ້ເຮັດໄວ້ອາດຈະເກີດເຫດບໍ່ຄາດຝັນຈະສົ່ງຜົນໃຫ້ທ່ານມີທັງຜົນດີ ແລະ ຜົນຮ້າຍ ແຕ່ທ່ານຈະມີຄົນຄອຍຊ່ວຍເຫຼືອສະໜັບສະໜູນ ເປັນຜູ້ໃຫຍ່ເພດຍິງ.

ການເງິນ ເງິນຈະມາກັບວຽກທີ່ທ່ານໄດ້ເຮັດໄວ້ ຮວມທັງທ່ານຈະມີຊ່ອງທາງໃນການຫາເງິນໄດ້ຫຼາຍຊ່ອງທາງ ດວງການເງິນຂອງທ່ານໃນຊ່ວງນີ້ຖືວ່າດີຂຶ້ນ.

ຄວາມຮັກ ຊີວິດຮັກໃນໄລຍະນີ້ເຕັມໄປດ້ວຍຄວາມສຸກສົມຫວັງ ຄົນໂສດຈະພົບຄົນທີ່ແມ່ນຈົນກາຍເປັນເນື້ອຄູ່ ສ່ວນຄົນທີ່ມີແຟນແລ້ວຈະມີຂ່າວດີເລື່ອງການແຕ່ງງານ ການສ້າງຄອບຄົວທີ່ອົບອຸ່ນ.

ຣາສີທະນູ (ຄົນເກີດໃນລະຫວ່າງວັນທີ 16 ທັນວາ – 15 ມັງກອນ)

ການງານ ເລື່ອງວຽກງານການເຮັດທຸລະກິດ, ການລົງທຶນຕ່າງໆແມ່ນຈະໄດ້ກ່ຽວພັນໄປທາງສັນຍາ, ລະບຽບ ແລະ ກົດໝາຍຕ່າງໆ

ການເງິນ ມີໂຊກເງິນເຂົ້າຈາກຫຼາຍທາງ ແຕ່ກໍ່ມີເງິນອອກຫຼາຍທາງຄືກັນ ທ່ານມັກຈະເສຍເງິນໄປກັບການເຂົ້າສັງຄົມເປັນສ່່ວນຫຼາຍ.

ຄວາມຮັກ ສຳລັບຄົນມີຄູ່ແລ້ວແມ່ນຈະຕ້ອງຄິດຫຼາຍໂດຍສະເພາະເລື່ອງເງິນ ສ່ວນຄົນໂສດຍັງບໍ່ມີຄົນຄົບເປັນຕົວເປັນຕົນເພາະຍັງຢູ່ໃນຊ່ວງພິຈາລະນາ.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.