ເບິ່ງດວງປະຈຳອາທິດ, ນັບຕັ້ງແຕ່ວັນທີ 17 – 23 ທັນວາ 2018

0
559

ຣາສີມັງກອນ (ຄົນເກີດໃນລະຫວ່າງວັນທີ 16 ມັງກອນ – 12 ກຸມພາ)

ການງານ ວຽກງານຊັກຊ້າບໍ່ເປັນໄປຕາມທີ່ວາງແຜນໄວ້ເລີຍ ເພື່ອນຮ່ວມງານມັກຂັດຂວາງທ່ານສະເໝີ ຂໍໃຫ້ອົດທົນໄວ້ບໍ່ດັ່ງນັ້ນຈະເກີດເລື່ອງຜິດຖຽງກັນ.

ການເງິນ ທ່ານຕ້ອງລະວັງເລື່ອງລາຍຈ່າຍໃນໄລຍະນີ້ ຢ່າໃຊ້ຈ່າຍເກີນຕົວເພາະຈະບໍ່ມີເງິນຈ່າຍຮອດທ້າຍເດືອນ.

ຄວາມຮັກ ຄົນມີແຟນແລ້ວລະວັງຈະເສຍໃຈເພາະມືທີສາມເຂົ້າມາແຊກ ສ່ວນຄົນໂສດຈະໄດ້ພົບມິດຕະພາບໃໝ່ໆຈາກງານສັງສັນ

ຣາສີກຸມ (ຄົນເກີດໃນລະຫວ່າງວັນທີ 13 ກຸມພາ – 13 ມີນາ)

ການງານ ວຽກງານອາດເກີດຄວາມຜິດພາດຈາກການສື່ສານ ສະນັ້ນ ທ່ານຕ້ອງເຮັດວຽກດ້ວຍຄວາມຮອບຄອບກວ່ານີ້

ການເງິນ ເລື່ອງການສ່ຽງໂຊກທ່ານຈະເສຍຫຼາຍກວ່າໄດ້ ໄລຍະນີ້ເຖິງຈະມີລາຍຮັບເຂົ້າມາແຕ່ກໍ່ຍັງບໍ່ພໍກັບລາຍຈ່າຍ.

ຄວາມຮັກ ຄົນມີຄອບຄົວຈະເກີດມີບັນຫາຜິດຖຽງກັນຍ້ອນເລື່ອງເງິນ  ຄົນໂສດຢ່າຫຼິ້ນຕົວຫຼາຍເກີນໄປ ເພາະຈະເຮັດໃຫ້ຄົນທີ່ເຂົ້າມາສົນໃຈທ່ານໝົດຄວາມອົດທົນ.

ຣາສີມິນ (ຄົນທີ່ເກີດໃນລະຫວ່າງວັນທີ 14 ມີນາ – 12 ເມສາ)

ການງານ ທ່ານຈະໄດ້ປະສານງານກັບຫຼາຍຝ່າຍ ແລະ ຈະໄດ້ຮັບການຍ້ອງຍໍຈາກຄົນອ້ອມຂ້າງ ວຽກຂອງທ່ານຈະປະສົບຜົນສຳເລັດຕາມແຜນທີ່ວາງໄວ້.

ການເງິນ ໂດຍລວມແລ້ວການເງິນຂອງທ່ານກໍ່ບໍ່ໄດ້ເດືອດຮ້ອນຫຼາຍ ລາຍຮັບດີຂຶ້ນ ການຄ້າຂາຍຈະເຮັດໃຫ້ທ່ານມີກຳໄລ.

ຄວາມຮັກ ຄົນໂສດຍ້ອນທ່ານເປັນຄົນເລືອກຫຼາຍ ແລະ ຕັ້ງມາດຕະຖານໄວ້ສູງດັ່ງນັ້ນຈິ່ງບໍ່ທັນມີໃຜຖືກໃຈທ່ານເທື່ອ ສ່ວນຄົນມີຄູ່ຄວາມຮັກສົດໃສມີຄວາມສຸກມີຄວາມອົບອຸ່ນໃຈ.

ຣາສີເມກ (ຄົນທີ່ເກີດໃນລະຫວ່າງວັນທີ 13 ເມສາ – 13 ພຶດສະພາ)

ການງານ ຈະມີບັນຫາເຂົ້າມາກວນໃຈທ່ານ ສະນັ້ນທ່ານຕ້ອງອົດທົນ ໜັກແໜ້ນ ແລະ ກຽມພ້ອມຮັບມືກັບສິ່ງທີ່ຈະເກີດຂຶ້ນ.

ການເງິນ ລາຍຮັບຂອງທ່ານມີເກນດີຂຶ້ນກວ່າເກົ່າ ສະນັ້ນ, ທ່ານເລີ່ມມີຄວາມຄິດຢາກທ້ອນເງິນໄວ້ໃຊ້ໃນອານາຄົດແລ້ວ.

ຄວາມຮັກ ບາງທ່ານອາດມີຄວາມກັງວົນໃຈສັບສົນກັບຄວາມຮູ້ສຶກທັງທີ່ມີຄົນຮັກຢູ່ແລ້ວແຕ່ຍັງຄິດຮອດແຟນເກົ່າ.

ຣາສີພຶກ (ຄົນເກີດໃນລະຫວ່າງວັນທີ 14 ພຶດສະພາ – 13 ມິຖຸນາ)

ການງານ ທ່ານຈະໄດ້ເຮັດແຕ່ວຽກຍາກໆ ຈົນທ່ານຮູ້ສຶກເມື່ອຍທັງກາຍ ແລະ ໃຈ ອີກຢ່າງໜຶ່ງອາດເປັນຍ້ອນສະພາບແວດລ້ອມໃນບ່ອນເຮັດວຽກເຮັດໃຫ້ທ່ານຮູ້ສຶກອຶດອັດຈົນເຖິງຂັ້ນຢາກລາອອກໄປຊອກວຽກໃໝ່.

ການເງິນ ສຳລັບຄົນເຮັດທຸລະກິດໄລຍະນີ້ຈຳເປັນຕ້ອງໃຊ້ເງິນກ້ອນໃຫຍ່ ແນະນຳໃຫ້ໃຊ້ຈ່າຍແບບປະຢັດສຸດໆ ຈ່າຍເງິນໃນສິ່ງທີ່ຈຳເປັນເທົ່ານັ້ນ.

ຄວາມຮັກ ຄົນມີຄູ່ແລ້ວຄວາມສຳພັນຂອງພວກທ່ານຍັງຢູ່ໃນເກນທີ່ດີ ສ່ວນຄົນໂສດກຳລັງຢູ່ໃນຊ່ວງພິຈາລະນາ ແນະນຳໃຫ້ຄ່ອຍສຶກສາເບິ່ງໃຈກັນໄປກ່ອນ.

ຣາສີເມຖຸນ (ຄົນເກີດໃນລະຫວ່າງວັນ 14 ມິຖຸນາ – 14 ກໍລະກົດ)

ການງານ ວຽກທີ່ທ່ານວາງແຜນໄວ້ຈະມີບາງຢ່າງເຂົ້າມາແຊກຈົນເຮັດໃຫ້ບໍ່ສຳເລັດຕາມເປົ້າໝາຍ.

ການເງິນ ມີລາຍຈ່າຍເຂົ້າມາຫຼາຍຈົນໜ້າປວດຫົວ ມີເກນຕ້ອງໃຊ້ຈ່າຍເງິນໄປກັບການຕົບແຕ່ງເຮືອນ.

ຄວາມຮັກ ຄົນໂສດຈະມີຄົນເຂົ້າມາຈີບຫຼາຍ ສ່ວນຄົນມີຄູ່ຄົນຮັກບໍ່ຄ່ອຍມີເວລາໃຫ້ທ່ານຄືເມື່ອກ່ອນ.

ຣາສິກໍລະກົດ (ຄົນເກີດລະຫວ່າງວັນທີ 15 ກໍລະກົດ – 16 ສິງຫາ)

ການງານ ວຽກງານຈະເກີດອຸປະສັກບາງຢ່າງໃຫ້ທ່ານແກ້ໄຂເຫດການສະເພາະໜ້າ ທ່ານຈົ່່ງໃຊ້ຄວາມສາມາດໃນການເຈລະຈາວຽກງານຂອງທ່ານຈິ່ງສຳເລັດ.

ການເງິນ ມີເລື່ອງຕ້ອງຈ່າຍອອກໄປແບບບໍ່ຄາດຝັນສະເໝີ ຊ່ວງນີ້ຂໍໃຫ້ປະຢັດບໍ່ດັ່ງນັ້ນຈະເດືອດຮ້ອນ.

ຄວາມຮັກ ຄົນໂສດຊ່ວງນີ້ໂດດເດັ່ນໃນເລື່ອງຄວາມຮັກ ເພາະທ່ານເປັນຄົນສະເໜ່ແຮງ ສ່ວນຄົນມີຄູ່ຄວາມຮັກບໍ່ມີບັນຫາມີຄວາມສຸກດີ.

ຣາສີສິງ (ຄົນເກີດໃນລະຫວ່າງວັນທີ 17 ສິງຫາ – 16 ກັນຍາ)

ການງານ ເຖິງແມ່ນວ່າຊ່ວງນີ້ທ່ານຈະໂຊກດີເລື່ອງວຽກງານແຕ່ກໍ່ມີເລື່ອງເຮັດໃຫ້ທ່ານຮູ້ສຶກອຶດອັດ ທ່ານຈະໄດ້ເຮັດໃນສິ່ງທີ່ມັກ ແລະ ມີເກນໄດ້ເດີນທາງ.

ການເງິນ ທ່ານຈະສາມາດແກ້ໄຂບັນຫາເລື່ອງການເງິນທີ່ຕິດຂັດໄດ້ ຈະມີຄົນຍື່ນມືເຂົ້າມາຊ່ວຍ.

ຄວາມຮັກ ຄົນໂສດເພື່ອນຂອງທ່ານຈະແນະນຳຄົນຜິວຂາວໃຫ້ທ່ານຮູ້ຈັກ ສ່ວນຄົນມີຄູ່ຄວາມສຳພັນລະຫວ່າງທ່ານກັບຄົນຮັກແມ່ນເລີ່ມດີຂຶ້ນກວ່າເມື່ອກ່ອນ.

ຣາສິກັນ (ຄົນເກີດລະຫວ່າງວັນທີ 17 ກັນຍາ – 16 ຕຸລາ)

ການງານ ລະວັງຄວາມຜິດພາດເລັກໆນ້ອຍໆ ທ່ານຄວນເອົາໃຈໃສ່ລາຍລະອຽດໃຫ້ຫຼາຍ ແລະ ທ່ານຈະໄດ້ຮັບຄວາມຊ່ວຍເຫຼືອຈາກເພື່ອນຮ່ວມງານ.

ການເງິນ ການເງິນດີບໍ່ມີບັນຫາ ແລະ ທ່ານອາດໄດ້ຮັບໂຊກເລັກໆນ້ອຍໆ ແຕ່ຍັງມີລາຍຈ່າຍເຂົ້າມາເລື້ອຍໆ ສະນັ້ນຂໍໃຫ້ທ່ານປະຢັດໄວ້.

ຄວາມຮັກ ຄົນໂສດກຳລັງມີຄົນແອບສົນໃຈທ່ານຢູ່ ສ່ວນຄົນມີຄູ່ຈະໄດ້ຮັບຂອງຂວັນຈາກຄົນຮັກ.

ຣາສີຕຸນ (ຄົນເກີດໃນລະຫວ່າງວັນທີ 17 ຕຸລາ – 16 ພະຈິກ)

ການງານ ເລື່ອງວຽກງານບໍ່ມີບັນຫາ ທ່ານຈະປະສົບຄວາມສຳເລັດເພາະຄວາມສາມາດຂອງທ່ານ ແລະ ທ່ານກໍ່ມີໂອກາດເລື່ອນຊັ້ນເລື່ອນຕຳແໜ່ງ.

ການເງິນ ເລື່ອງເງິນໂຊກດີຈະໄດ້ໂຊກສອງຊັ້ນ ເຖິງຈະມີລາຍຮັບເຂົ້າມາຫຼາຍແຕ່ລາຍຈ່າຍກໍ່ຫຼາຍຄືກັນ.

ຄວາມຮັກ ຄູ່ຮັກໃຫ້ລະວັງຄວາມເຫັນທີ່ບໍ່ຕົງກັນ ຈົນເປັນເຫດໃຫ້ທ່ານໃຊ້ຄຳເວົ້າທີ່ຮຸນແຮງ ສ່ວນຄົນໂສດຈະໄດ້ພົບກັບຮັກເກົ່າ ເພື່ອນເກົ່າ ມິດຕະພາບດີໆຈະກັບມາຫາທ່ານ.

ຣາສີພິຈິກ (ຄົນເກີດລະຫວ່າງວັນ 17 ພະຈິກ – 15 ທັນວາ)

ການງານ ວຽກງານຂອງທ່ານຈະກ້າວໜ້າຂຶ້ນເລື່ອຍໆ ແລະ ທ່ານຈະໄດ້ຮັບຄວາມວາງໃຈຈາກເພື່ອນຮ່ວມງານ ແລະ ເຈົ້ານາຍ.

ການເງິນ ມີເງິນເຂົ້າມາ ແຕ່ໃຫ້ລະວັງຈະມີຄົນມາຢືມເງິນ ແລະ ບໍ່ສົ່ງເງິນຄືນໂດຍສະເພະກັບຄົນໃກ້ຕົວກ່ອນທ່ານໃຫ້ຢືມຕ້ອງພິຈາລະນາໃຫ້ດີກ່ອນ.

ຄວາມຮັກ ລະວັງຈະເກີດການປະທະຮຸນແຮງກັບຄົນຮັກຍ້ອນເລື່ອງບໍ່ເປັນເລື່ອງ ສ່ວນຄົນໂສດທ່ານຈະໄດ້ພົບຄົນທີ່ຖືກໃຈ.

ຣາສີທະນູ (ຄົນເກີດໃນລະຫວ່າງວັນທີ 16 ທັນວາ – 15 ມັງກອນ)

ການງານ ດວງການງານຢູ່ໃນເກນທີ່ດີ ຈະປະສົບຄວາມສຳເລັດ ບໍ່ມີເລື່ອງຫຍັງຕ້ອງຄິດຫຼາຍເພາະບັນຫາຕ່າງໆສະສາງໄປໝົດແລ້ວ.

ການເງິນ ດວງການເງິນມີເຂົ້າມາກໍ່ຕ້ອງຈ່າຍອອກໄປ ແຕ່ສຳລັບຄົນທີ່ກຳລັງຂໍກູ້ຢືມເງິນແມ່ນມີສັນຍານແຫ່ງຄວາມສຳເລັດ.

ຄວາມຮັກ ບາງຄັ້ງທ່ານກັບຄົນຮັກຍັງຜິດໃຈກັນຍ້ອນຄວາມລະແວງ ສ່ວນຄົນໂສດການຢູ່ຄົນດຽວຈະເຮັດໃຫ້ທ່ານມີຄວາມສຸກຫຼາຍກວ່າການມີຄູ່.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.