ເບິ່ງດວງປະຈຳອາທິດແຕ່ວັນທີ 7-14 ຕຸລາ 2019

0
335

ຣາສີມັງກອນ (ຄົນເກີດໃນລະຫວ່າງວັນທີ 16 ມັງກອນ – 12 ກຸມພາ)

ການງານ ໂຄງການ ຫຼື ວຽກໄລຍະສັ້ນຈະຢູ່ໃນເກນທີ່ດີ ໄດ້ຄ່າຕອບແທນສູງ ແຕ່ອາທິດນີ້ເປັນອາທິດທີ່ທ່ານຫຍຸ້ງພໍສົມຄວນ ດັ່ງນັ້ນ ທ່ານຄວນມີການວາງແຜນທີ່ຮອບຄອບທັງເລື່ອງວຽກ ແລະ ເລື່ອງສ່ວນຕົວ.

ການເງິນ  ອາດໄດ້ຮັບຜົນປະໂຫຍດຫຼາຍຂຶ້ນຈາກວຽກງານທີ່ທ່ານເຮັດຢູ່ທັງວຽກສ່ວນຕົວ ແລະ ວຽກກ່ຽວກັບຕົວແທນການຂາຍ ແຕ່ທ່ານກໍຄວນໃຊ້ຈ່າຍຢ່າງລະມັດລະວັງ.

ຄວາມຮັກ ຄົນທີ່ສ້າງຄອບຄົວແລ້ວຈະມີປາກສຽງກັບຄົນຮັກຍ້ອນເລື່ອງເງິນ ເພາະລາຍຈ່າຍໃນຄອບຄົວມີລາຍຈ່າຍເພີ່ມຂຶ້ນ ສ່ວນຄົນໂສດ ຍັງມີເກນໄດ້ພົບກັບຄົນທີ່ຖືກໃຈ ແຕ່ກໍເປັນພຽງຄວາມສຸກໄລຍະສັ້ນເທົ່ານັ້ນ.

ຣາສີກຸມ (ຄົນເກີດໃນລະຫວ່າງວັນທີ 13 ກຸມພາ – 13 ມີນາ)

ການງານ ຕົ້ນອາທິດອາດຈະວຸ້ນວາຍແຕ່ຊ່ວງທ້າຍອາທິດຈະດີຂຶ້ນ ທ່ານອາດຈະໄດ້ພົບກັບການປ່ຽນແປງເລື່ອງຕຳແໜ່ງ ຫຼື ວຽກງານໃໝ່ ຊ່ວງນີ້ບໍ່ວ່າຈະເກີດເລື່ອງຫຍັງຂຶ້ນຂໍໃຫ້ອົດທົນໄວ້ກ່ອນ ສ່ວນຄົນຊອກວຽກເຮັດຈະມີໂອກາດໄດ້ວຽກ.

ການເງິນ ລາຍໄດ້ຢູ່ໃນເກນປົກກະຕິແຕ່ຄວນລະວັງເລື່ອງລາຍຈ່າຍທີ່ມີເກນຈ່າຍອອກເພີ່ມ ໂດຍສະເພາະອາດໝົດເງິນໄປກັບການທ່ອງທ່ຽວຫາຄວາມສຸກສ່ວນຕົວ ຊຶ່ງອາດນຳໄປສູ່ການເປັນໜີ້ສິນ.

ຄວາມຮັກ ຄວາມຮັກຂອງຄົນມີຄູ່ມີຄວາມສຸກດີບໍ່ມີບັນຫາເຂົ້າມາກວນໃຈ ສ່ວນຄົນໂສດກໍມີໂອກາດຈະໄດ້ພົບຄົນຮັກທີ່ຈະໄດ້ພົບຮັກ ພົບຄົນທີ່ຖືກໃຈຈົນເຖິງຂັ້ນໄດ້ແຕ່ງດອງ.

ຣາສີມິນ (ຄົນທີ່ເກີດໃນລະຫວ່າງວັນທີ 14 ມີນາ – 12 ເມສາ)

ການງານ ເປັນອາທິດແຫ່ງການປ່ຽນແປງໄປສູ່ສິ່ງທີ່ດີຂຶ້ນ ໂດຍສະເພາະວຽກທີ່ກ່ຽວກັບການຂຽນ ການເວົ້າ ການເຮັດໂຄສະນາ ອາດມີການປ່ຽນແປງເລື່ອງສາຍງານ ສຳລັບມະນຸດເງິນເດືອນບັນຫາຕ່າງໆຈະຜ່ານພົ້ນໄປດ້ວຍດີ.

ການເງິນ ລະວັງເລື່ອງລາຍຈ່າຍ ທັງລາຍຈ່າຍຈຳເປັນ ແລະ ບໍ່ຈຳເປັນພາຍໃນຄອບຄົວ ຫຼື ການໃຊ້ຈ່າຍຟຸມເຟືອຍຕ່າງໆ ເພາະມັນເປັນສາເຫດທີ່ເຮັດໃຫ້ເງິນຕິດຂັດ.

ຄວາມຮັກ ຄົນໂສດເນື້ອຄູ່ຂອງທ່ານຈະມາຈາກການເດີນທາງ ສຳລັບຄົນມີຄູ່ແລ້ວລະວັງຄວາມຄິດທີ່ແຕກຕ່າງອາດສົ່ງຜົນໃຫ້ເກີດຄວາມຂັດແຍ່ງ.

ຣາສີເມກ (ຄົນທີ່ເກີດໃນລະຫວ່າງວັນທີ 13 ເມສາ – 13 ພຶດສະພາ)

ການງານ ລະວັງເພື່ອນຮ່ວມງານຈະເປັນຄົນຫັກຫຼັງທ່ານ ໂດຍສະເພາະເລື່ອງຜົນປະໂຫຍດ ດັ່ງນັ້ນ ບໍ່ວ່າທ່ານຈະເຮັດສິ່ງໃດກໍຄວນລະວັງ ແລະ ບໍ່ຄວນເຊື່ອໃຈໃຜຫຼາຍຈົນເກີນໄປ.

ການເງິນ ການສະແຫວງຫາລາຍໄດ້ຈະຢູ່ໃນເກນທີ່ດີ ແລະ ມີໂອກາດໄດ້ຮັບໝາກຜົນ ແຕ່ໃຫ້ລະວັງໃນທ້າຍອາທິດນີ້ຈະມີເພດກົງກັນຂ້າມເປັນເຫດເຮັດໃຫ້ທ່ານເສຍເງິນກ້ອນໃຫຍ່.

ຄວາມຮັກ ທ່ານຄວນໃຫ້ເວລາ ແລະ ໃຫ້ຄວາມສຳຄັນກັບຄົນຮັກໃຫ້ຫຼາຍກວ່ານີ້ ຢ່າທຸ່ມເທກັບສິ່ງອື່ນຫຼາຍເກີນໄປຖ້າບໍ່ຢາກເສຍໃຈພາຍຫຼັງ ສຳລັບຄົນໂສດຍັງບໍ່ພົບຄົນທີ່ຖືກໃຈຍັງຕ້ອງການຫາຕໍ່ໄປເລື້ອຍໆ.

ຣາສີພຶກສົບ (ຄົນເກີດໃນລະຫວ່າງວັນທີ 14 ພຶດສະພາ – 13 ມິຖຸນາ)

ການງານ ຄົນທີ່ເຮັດວຽກຢູ່ເບື້ອງຫຼັງຈະເປັນຊ່ວງທີ່ທ່ານຈະໄດ້ຮັບຜົນດີ ໄດ້ໂຊກລາບຫຼາຍກວ່າທີ່ຄິດ ແຕ່ກໍຂໍໃຫ້ທ່ານລະມັດລະວັງເລື່ອງການຕິດຕໍ່ສື່ສານ ຫຼື ການໃຫ້ຄຳສັນຍາກັບຄົນອື່ນ.

ການເງິນ ຮັບເຂົ້າມາຫຼາຍກໍຕ້ອງຈ່າຍອອກໄປຫຼາຍເຊັ່ນກັນ ອາທິດນີ້ອາດມີໂຊກລາບເຂົ້າມາຢ່າງບໍ່ຄາດຝັນ ແຕ່ທ່ານເປັນຄົນໃຈກວ້າງມັກຊ່ວຍເຫຼືອຄົນອື່ນຈິ່ງເຮັດໃຫ້ມີຄົນມັກມາຂໍຢືມເງິນ.

ຄວາມຮັກ ຄູ່ຮັກຈະຜິດກັນເລື່ອງເງິນ ຍ້ອນຕ່າງຝ່າຍກໍຈ່າຍເກັ່ງຈົນເຮັດໃຫ້ເງິນຂາດມື້ ສ່ວນຄົນໂສດຈະໄດ້ພົບຄົນທີ່ຖືກໃຈຍ້ອນໄປເຂົ້າຮ່ວມກິດຈະກຳໃດໜຶ່ງ.

ຣາສີເມຖຸນ (ຄົນເກີດໃນລະຫວ່າງວັນ 14 ມິຖຸນາ – 14 ກໍລະກົດ)

ການງານ ເລື່ອງວຽກງານການເຮັດທຸລະກິດ ການລົງທຶນຕ່າງໆແມ່ນຈະໄດ້ກ່ຽວພັນໄປທາງສັນຍາ ລະບຽບ ແລະ ກົດໝາຍຕ່າງໆ.

ການເງິນ ເປັນຊ່ວງເວລາທີ່ທ່ານຈະຕ້ອງມີຄວາມຮອບຄອບໃນການໃຊ້ຈ່າຍໃຫ້ຫຼາຍຂຶ້ນກວ່າເກົ່າ ໂຊກລາບເລື່ອງເງິນຈະມີເຂົ້າມາເລັກໆນ້ອຍໆບໍ່ເຖິງຂັ້ນໄດ້ເປັນກ້ອນໃຫຍ່.

ຄວາມຮັກ ຄົນໂສດອາດພົບຄົນທີ່ຖືກໃຈແບບບໍ່ຄາດຄິດມາກ່ອນ ແລະ ມີໂອກາດເປັນເນື້ອຄູ່ແທ້ໄດ້ຄືກັນ ພຽງແຕ່ເຂົາກັບທ່ານຈະມີອາຍຸຫ່າງກັນຫຼາຍປີ ສ່ວນຄົນທີ່ມີຄູ່ແລ້ວອາດມີຂ່າວດີເລື່ອງຈະມີສະມາຊິກໃໝ່ເພີ່ມເຂົ້າມາໃນຄອບຄົວ.

ຣາສິກໍລະກົດ (ຄົນເກີດລະຫວ່າງວັນທີ 15 ກໍລະກົດ – 16 ສິງຫາ)

ການງານ ທ່ານຈະມີຄວາມສຳເລັດໃນໜ້າທີ່ການງານ ໂດຍສະເພາະເຈົ້າຂອງທຸລະກິດແມ່ນຈະມີຄວາມຈະເລີນກ້າວໜ້າເປັນພິ ເສດ ເປັນຊ່ວງເວລາທີ່ດີທີ່ສຸດໃນການຈັດການດູແລທັງການຮຽນ ການງານ ເຮັດໃຫ້ທຸກຢ່າງເປັນລະບົບ.

ການເງິນ ສິ່ງທີ່ທ່ານໄດ້ລົງແຮງເອົາໄວ້ຈະສ້າງຜົນກຳໄລມາລ້ຽງທ່ານບໍ່ຂາດເຂີນຖືວ່າເປັນຊ່ວງເວລາທີ່ດີ ທ່ານຈະມີຄວາມສຸກສົມຫວັງ.

ຄວາມຮັກ ຊີວິດຮັກໃນໄລຍະນີ້ເຕັມໄປດ້ວຍຄວາມສຸກສົມຫວັງ ຄົນໂສດຈະພົບຄົນທີ່ຖືກໃຈຈົນກາຍເປັນເນື້ອຄູ່ ສ່ວນຄົນທີ່ມີຄົນຮັກແລ້ວກໍຈະມີຂ່າວດີເລື່ອງການແຕ່ງດອງ ການສ້າງຄອບຄົວທີ່ອົບອຸ່ນ.

ຣາສີສິງ (ຄົນເກີດໃນລະຫວ່າງວັນທີ 17 ສິງຫາ – 16 ກັນຍາ)

ການງານ ບັນຫາຫຼັກໆແມ່ນມາຈາກເລື່ອງຂອງຄວາມຜິດຫວັງ ແລະ ເສຍໃຈຈາກການຄາດຫວັງບາງຢ່າງແລ້ວມັນບໍ່ເປັນໄປຕາມທີ່ທ່ານຫວັງ ທ່ານຄວນໃຈເຢັນກວ່ານີ້ ແລະ ເຮັດວຽກໃຫ້ຮອບຄອບ.

ການເງິນ ມີທ່າອຽງທີ່ທ່ານຈະເສຍເງິນຫຼາຍກວ່າໄດ້ເງິນ ດັ່ງນັ້ນ ທ່ານຕ້ອງຫຼີກລ້ຍ=ການເຂົ້າຮ່ວມງານສັງສັນເພາະມັນມີແຕ່ລາຍຈ່າຍ.

ຄວາມຮັກ ສະຖານະການສຳລັບຊີວິດຄູ່ແມ່ນບໍ່ຄ່ອຍດີປານໃດ ເພາະທ່ານຈະຮູ້ສຶກວ່າມີແຕ່ທ່ານເປັນຝ່າຍເສຍສະຫຼະ ແລະ ຄວາມຮັກຂອງທ່ານມີໂອກາດເກີດຮັກສາມເສົ້າ ສ່ວນຄົນໂສດຕ້ອງທຳໃຈ ຄົນທີ່ມີໃຈໃຫ້ທ່ານຕອນນີ້ເຂົາກໍມີໃຈໃຫ້ຄົນອື່ນເຊັ່ນກັນ.

ຣາສິກັນ (ຄົນເກີດລະຫວ່າງວັນທີ 17 ກັນຍາ – 16 ຕຸລາ)

ການງານ ທ່ານຈະຮູ້ສຶກບໍ່ພໍໃຈກັບລະບົບການເຮັດວຽກ ບັນຫາຕ່າງໆທ່ານບໍ່ຄວນໃຊ້ອາລົມຕັດສິນ ເພາະມັນເຮັດໃຫ້ມີແຕ່ເສຍກັບເສຍ.

ການເງິນ ດວງທ່ານຈະມີຄົນຄອຍສະໜັບສະໜູນ ແຕ່ຕ້ອງລະວັງການຖືກຫຼອກລວງ ການຫັກຫຼັງ ໂດຍສະເພາະແມ່ນເລື່ອງເອກະສານສັນຍາຕ່າງໆກ່ອນຈະເຊັນ ຫຼື ຕົກລົງຄວນທຳຄວາມເຂົ້າໃຈ ແລະ ອ່ານໃຫ້ລະອຽດ.

ຄວາມຮັກ ຄົນໂສດຈະຮູ້ສຶກເມື່ອຍກັບຄວາມຫວັງຊ້ຳຊາກ ຄົນມີຄູ່ແລ້ວອອກແນວມັກນ້ອຍໃຈຄົນຮັກ ທ່ານກັບຄົນຮັກມີເລື່ອງບໍ່ເຂົ້າໃຈກັນເລື້ອຍໆ ດັ່ງນັ້ນ ຂໍໃຫ້ທ່ານໃຊ້ເຫດຜົນລົມກັນ.

ຣາສີຕຸນ (ຄົນເກີດໃນລະຫວ່າງວັນທີ 17 ຕຸລາ – 16 ພະຈິກ)

ການງານ ເປັນຊ່ວງເວລາທີ່ທ່ານຕ້ອງຕັດສິນໃຈເລືອກຈິ່ງເກີດຄວາມສັບສົນ ເພາະບໍ່ຮູ້ວ່າຈະເຮັດສິ່ງໃດດີ ຈະເລືອກເດີນໄປທາງໃດດີ ເພະສະຖານະການດ້ານວຽກງານມີຫຼາຍຊ່ອງທາງເຂົ້າມາໃຫ້ທ່ານເລືອກເຮັດໃນເວລາດຽວກັນ.

ການເງິນ ຈະມີລາຍຮັບເສີມເຂົ້າມາ ທັງວຽກທີ່ເຮັດປະຈຳ ແລະ ຈາກຄອບຄົວ ລວມເຖິງຄວາມກ້າວໜ້າທາງທຸລະກິດ ຫຼື ການໄດ້ຮັບສ່ວນແບ່ງຜົນກຳໄລ ຫຼື ມໍລະດົກ  ແຕ່ຖ້າຫາກໄດ້ມາກໍຈະເສຍໄປ.

ຄວາມຮັກ ຄົນໂສດຍັງມີຄວາມລັງເລໃນການເລີ່ມຕົ້ນຮັກຄັ້ງໃໝ່ ຄົນມີຄອບຄົວແລ້ວອາດມີບັນຫາໃຫຍ່ເຂົ້າມາໃນຊີວິດຫຼາຍ ເຮັດໃຫ້ເກີດພາວະກົດດັນ ແລະ ບໍ່ມີຄວາມສຸກ.

ຣາສີພິຈິກ (ຄົນເກີດລະຫວ່າງວັນ 17 ພະຈິກ – 15 ທັນວາ)

ການງານ ທ່ານກຳລັງຕົກຢູ່ໃນພາວະມໍລະສຸມຊີວິດ ມີບັນຫາ ແລະ ອຸປະສັກຜ່ານເຂົ້າມາ ຊຶ່ງທ່ານອາດຫາທາງອອກດ້ວຍການຫຼີກເວັ້ນຄວາມຮັບຜິດຊອບ ແລະ ຊອກຫາວິທີທາງເພື່ອເອົາຕົວລອດ.

ການເງິນ ລາຍຮັບອາດເຖິງຂັ້ນຕິດລົບ ຢ່າເອົາເງິນທ້ອນອອກໄປໃຊ້ຖ້າບໍ່ຈຳເປັນແທ້ໆ ລະວັງຊັບສິນເງິນຄຳສູນຫາຍ ລະວັງການຖືກເອົາປຽບ ຖືກໂກງ ແລະ ການຖືກລັກຊັບ.

ຄວາມຮັກ ເລື່ອງຊີວິດຄູ່ອາດເກີດມີຄວາມລັບຊຶ່ງກັນ ແລະ ກັນ ຄວາມສຳພັນຂອງບາງຄູ່ອາດເຖິງຂັ້ນຕ້ອງແຍກກັນຢູ່ຊົ່ວຄາວ ສ່ວນຄົນໂສດກໍໃຫ້ລະວັງທ່ານອາດຈະຕົກຫຼຸມຮັກຄົນທີ່ບໍ່ສົມຄວນຮັກ.

ຣາສີທະນູ (ຄົນເກີດໃນລະຫວ່າງວັນທີ 16 ທັນວາ – 15 ມັງກອນ)

ການງານ ຊ່ວງນີ້ດວງການງານ ແລະ ການເງິນຂອງທ່ານກຳລັງມາແຮງ ໂດຍສະເພາະຄົນທີ່ເຮັດທຸລະກິດ  ອາຊີບກ່ຽວກັບທີ່ດິນ ແລະ ອະສັງຫາລິມະຊັບ ຈະໂດດເດັ່ນເປັນພິເສດ ຄົນທີ່ເປັນຫົວໜ້າບໍລິວານຈະຄອຍໃຫ້ການສະໜັບສະໜູນເປັນຢ່າງດີ.

ການເງິນ ດວງການເງິນກຳລັງດີ ທ່ານມີເກນໄດ້ຮັບສ່ວນແບ່ງ ມໍລະດົກ ຫຼື ທວງໜີ້ໄດ້ສຳເລັດ ລວມທັງຈະໄດ້ໂຊກລາບຈາກທາງໄກ ຜູ້ຊາຍຈະເປັນຄົນສົ່ງເສີມດວງການເງິນໃຫ້ທ່ານ.

ຄວາມຮັກ ຄົນໂສດ ຈະມີຄົນອາຍຸນ້ອຍກວ່າເຂົ້າມາສົນໃຈ ເຂົາມັກທ່ານດົນແລ້ວແຕ່ບໍ່ກ້າບອກ ສຳລັບຄົນມີຄູ່ຈະໄດ້ຮັບການດູູແລເປັນຢ່າງດີຈາກຄົນຮັກໃນຊ່ວງນີ້ ບໍ່ວ່າທ່ານຈະຂໍສິ່ງໃດຄົນຮັກຈະຕາມໃຈທຸກຢ່າງ.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.