ເບິ່ງດວງປະຈຳອາທິດຕັ້ງແຕ່ວັນທີ 16-22 ກັນຍາ 2019

0
106

ຣາສີມັງກອນ (ຄົນເກີດໃນລະຫວ່າງວັນທີ 16 ມັງກອນ – 12 ກຸມພາ)

ການງານ ອາທິດນີ້ວຽກງານຂອງທ່ານຈະເຕັມໄປດ້ວຍບັນຫາ ແລະ ອຸປະສັກ ມີຄູ່ແຂ່ງເຂົ້າມາກວນໃຈຕະຫຼອດ ດັ່ງນັ້ນ ທ່ານຕ້ອງຄວບຄຸມອາລົມຕົວເອງໃຫ້ດີ ບໍ່ເຊັ່ນນັ້ນອາດເກີດບັນຫາທີ່ບໍ່ຄາດຄິດເກີດຂຶ້ນກໍເປັນໄດ້

ການເງິນ ທ່ານຕ້ອງໃຊ້ຈ່າຍເງິນຢ່າງລະວັງ ແລະ ຕ້ອງຂະຫຍັນຫາເງິນເພີ່ມ ຊ່ວງທ້າຍອາທິດຈະມີລາຍຈ່າຍເຂົ້າມາຫຼາຍໂດຍສະ ເພາະເປັນລາຍຈ່າຍທີ່ກ່ຽວກັບການສ້ອມແປງພາຫະນະ ຫຼື ໃຊ້ຈ່າຍໃນການເດີນທາງ

ຄວາມຮັກ ຄວາມຮັກຂອງທ່ານຂຶ້ນໆລົງໆຕາມອາລົມ ທ່ານຈະເກີດຄວາມນ້ອຍໃຈຄົນຮັກງ່າຍກວ່າໄລຍະຜ່ານມາ

ຣາສີກຸມ (ຄົນເກີດໃນລະຫວ່າງວັນທີ 13 ກຸມພາ – 13 ມີນາ)

ການງານ ທ່ານຈະຮູ້ສຶກອຶດອັດເພາະຄົນອ້ອມຂ້າງຄອຍກົດດັນ ເຮັດໃຫ້ທ່ານບໍ່ສາມາດເຮັດໃນສິ່ງທີ່ທ່ານຕ້ອງການ ໃຫ້ລະວັງທ່ານອາດມີເລື່ອງກັບເພື່ອນຮ່ວມງານ ແຕ່ກໍຍັງມີໂຊກເຂົ້າຂ້າງຢູ່ເພາະຈະໄດ້ເຮັດໃນສິ່ງໃໝ່ໆ

ການເງິນ ຈະມີເງິນເຂົ້າມາເຖິງແມ່ນຈະບໍ່ແມ່ນເງິນກ້ອນໃຫຍ່ແຕ່ກໍເຮັດໃຫ້ທ່ານພໍຍິ້ມໄດ້ ຊ່ວງກາງອາທິດທີ່ຈະມີລາບປາກຈະໄດ້ຈາກຄົນແປກໜ້າ

ຄວາມຮັກ ຄວາມຮັກຂອງທ່ານມາແບບຕື່ນເຕັ້ນມາພ້ອມກັນຫຼາຍໆຄົນ ໃຫ້ລະວັງຄວາມເຈົ້າຊູ້ຂອງຕົວທ່ານເອງບໍ່ດັ່ງນັ້ນທ່ານອາດຈະເປັນຄົນຜິດຫວັງ

ຣາສີມິນ (ຄົນທີ່ເກີດໃນລະຫວ່າງວັນທີ 14 ມີນາ – 12 ເມສາ)

ການງານ ມີເກນເດີນທາງ ຫຼື ປ່ຽນແປງບ່ອນຢູ່ ເປັນຊ່ວງທີ່ສັງສົນວຸ້ນວາຍ ວຽກງານບໍ່ໝັ້ນຄົງ ມີສັດຕູຄູ່ແຂ່ງຄອຍຍາດຊິງຕຳແໜ່ງໜ້າທີ່ຂອງທ່ານ ດັ່ງນັ້ນ ບໍ່ວ່າທ່ານຈະເຮັດສິ່ງໃດກໍໃຫ້ເຮັດຢ່າງຮອບຄອບ ທ້າຍອາທິດຂໍໃຫ້ທ່ານກຽມໃຈພົບກັບຄວາມວຸ້ນວາຍ ດວງມີເກນປ່ຽນງານ ຫຼື ໂຍກຍ້າຍ

ການເງິນ ທ້າຍອາທິດທ່ານຈະມີລາຍຈ່າຍຈຸກຈິກເຂົ້າມາເລື້ອຍໆ ທັງເລື່ອງລົດ ເລື່ອງຄ່າຮັກສາສຸຂະພາບ ແລະ ອື່ນໆ

ຄວາມຮັກ ຄວາມຮັກຂອງທ່ານມີຄວາມສຸກດີ ຊ່ວງນີ້ທ່ານສະເໜແຮງ ໄດ້ຮູ້ຈັກຄົນໃໝ່ໆຫຼາຍຂຶ້ນ ຄົນໂສດມີໂອກາດເລືອກຄູ່ທີ່ຖືກໃຈ ສ່ວນຄົນມີຄອບຄົວແລ້ວມີເກນໄດ້ປທ່ຽວນຳກັນ

ຣາສີເມກ (ຄົນທີ່ເກີດໃນລະຫວ່າງວັນທີ 13 ເມສາ – 13 ພຶດສະພາ)

ການງານ ທ່ານຕ້ອງລົງແຮງເຮັດດ້ວຍຕົວເອງຢ່າໄປຫວັງເພິ່ງຄົນອື່ນ ເພາະສ່ວນຫຼາຍມີແຕ່ຄົນມາຫວັງເພິ່ງທ່ານ ການເຮັດວຽກເປັນທີມທ່ານຈະຕ້ອງຮັບຜິດຊອບໜັກຄົນດຽວຂໍໃຫ້ທ່ານອົດທົນໄປຈັກໄລຍະໜຶ່ງກ່ອນ

ການເງິນ ມັກມີລາຍຈ່າຍສຸກເສີນເຂົ້າມາໂດຍທີ່ທ່ານບໍ່ທັນໄດ້ຕັ້ງຕົວ ການສ່ຽງໂຊກແມ່ນຢ່າຫວັງເພະທ່ານຈະເສຍເງິນໂດຍບໍ່ມີເຫດຜົນ

ຄວາມຮັກ ບໍ່ສົດໃສຄືທີ່ຜ່ານມາ ມີຄວາມອຶດອັດທຸກຄັ້ງທີ່ເຫັນໜ້າກັນ ສຳລັບຄົນໂສດເປັນແຕ່ທີ່ປຶກສາໃຫ້ຄົນອື່ນແຕ່ເມື່ອຮອດທີຕົນບໍ່ມີໃຜຊ່ວຍທ່ານໄດ້ເລີຍ

ຣາສີພຶກ (ຄົນເກີດໃນລະຫວ່າງວັນທີ 14 ພຶດສະພາ – 13 ມິຖຸນາ)

ການງານ ກຳລັງມີການປ່ຽນແປງ ແລະ ຈະມີການເລີ່ມຕົ້ນໃໝ່ເກີດຂຶ້ນ ຊຶ່ງບາງຄົນອາດກຳລັງໄປສະໝັກວຽກບ່ອນໃໝ່ ຊ່ວງນີ້ສົດໃສເຮັດສິ່ງໃດກໍດີ ແຕ່ຕ້ອງອາໄສໝູ່ເພື່ອນ ຄົນອ້ອມຂ້າງ ແລະ ຍາດພີ່ນ້ອງຊ່ວຍປະຄັບປະຄອງຈຶ່ງຈະໄປລອດ

ການເງິນ ທ່ານຕ້ອງຂະຫຍັນຊອກຫາ ແລະ ຕ້ອງຮູ້ຈັກເກັບທ້ອນ ຢ່າໃຫ້ໃຜຢືມເງິນເດັດຂາດ ເພາະຈະໄດ້ຄືນຍາກ

ຄວາມຮັກ ທ່ານບໍ່ຄວນຈິງຈັງກັບມັນຫຼາຍ ຊ່ວງທ້າຍອາທິດທ່ານຈະມີສະເໜແຮງຕໍ່ເພດກົງກັນຂ້າມ ຈະມີຄົນເຂົ້າມາທຳຄວາມຮູ້ຈັກກັບທ່ານ

ຣາສີເມຖຸນ (ຄົນເກີດໃນລະຫວ່າງວັນ 14 ມິຖຸນາ – 14 ກໍລະກົດ)

ການງານ ຊ່ວງນີ້ທ່ານມີອາລົມອ່ອນໄຫວງ່າຍ ຕ້ອງໃຊ້ປັນຍາໃນການແກ້ໄຂບັນຫາ ພະຍາຍາມຢູ່ຫ່າງຄວາມຂັດແຍ້ງໄວ້ດີທີ່ສຸດ ການເຮັດວຽກເປັນທີມເຕັມດ້ວຍຄວາມຂັດແຍ່ງກັນ ເຮັດໃຫ້ຜົນງານບໍ່ອອກມາດີ ຫາກມີບັນຫາທ່ານຄວນປຶກສາຜູ້ໃຫຍ່

ການເງິນ ທ່ານບໍ່ເໝາະທີ່ຈະໃຫ້ຄົນຢືມເງິນ ເພາະທ່ານເອງຕ້ອງມານັ່ງກຸ້ມໃຈ ແລະ ອາທິດນີ້ທ່ານມີຄວາມຢາກນຳເງິນໄປລົງທຶນ

ຄວາມຮັກ ດຽວດີດຽວຮ້າຍ ທ່ານກັບຄົນຮັກມັກຫາເລື່ອງມາຜິດໃຈກັນເຖິງຈະເປັນເລື່ອງເລັກໆນ້ອຍກໍຕາມ ສ່ວນຄົນໂສດມັກຈະມີຄົນເຂົ້າມາຜູກໄມຕີ ຫຼື ເຂົ້າມາຢອດຄຳຫວານໆ

ຣາສິກໍລະກົດ (ຄົນເກີດລະຫວ່າງວັນທີ 15 ກໍລະກົດ – 16 ສິງຫາ)

ການງານ ມີເລື່ອງໃຫ້ຄິດຫຼາຍເລື່ອງ ທ່ານຈະບໍ່ມີສະມາທິຢູ່ກັບວຽກ ລະວັງຈະເກີດຄວາມຜິດພາດຈົນເຖິງຂັ້ນຖືກຕຳນິໄດ້ ໃນເພື່ອນຮ່ວມງານອາດເກີດມີການເວົ້າ ຫຼື ເຮັດປະຊົດໃສ່ກັນ

ການເງິນ ເງິນຮັບເຂົ້າມືຊ້າຍຈ່າຍອອກມືຂວາ ເກັບເງິນບໍ່ຄ່ອຍໄດ້ດົນ ໃນຊ່ວງທ້າຍອາທິດຈະມີໂຊກເລັກໆນ້ອຍໆເຂົ້າມາພໍໃຫ້ທ່ານດີໃຈ

ຄວາມຮັກ ທ່ານເປັນຄົນອາລົມຮ້ອນ ແລະ ມັກສະຫຼຸບເອົາເອງ ສຸດທ້າຍກໍຕ້ອງເສຍໃຈພາຍຫຼັງ ສ່ວນຄົນໂສດຈະມີຄົນເຂົ້າມາພົວພັນແຕ່ທ່ານຍັງບໍ່ຖືກໃຈເທື່ອ

ຣາສີສິງ (ຄົນເກີດໃນລະຫວ່າງວັນທີ 17 ສິງຫາ – 16 ກັນຍາ)

ການງານ ທ່ານເປັນຄົນມີຄວາມໝັ້ນໃຈໃນຕົວເອງສູງ ຢາກເຮັດຫຍັງກໍເຮັດຕາມໃຈ ແລະ ກໍເປັນຄົນເຮັດວຽກເກັ່ງອາດເຮັດໃຫ້ມີຄົນອິດສາ ລະວັງຈະເກີດບັນຫາກັບຜູ້ໃຫຍ່ ແລະ ເພື່ອນຮ່ວມງານ

ການເງິນ ຫາເງິນມາໄດ້ດ້ວຍເຫື່ອແຮງ ແລະ ສະຕິປັນຍາລ້ວນໆບໍ່ໄດ້ຫວັງເພິ່ງດວງ ຫຼື ລໍຖ້າຄົນຍື່ນມືເຂົ້າມາຊ່ວຍ

ຄວາມຮັກ ຊ່ວງນີ້ທ່ານເຈົ້າຊູ້ສຸດໆ ມັກຫວ່ານຄາລົມໄປທົ່ວ ລະວັງແຟນຕົວຈິງຈັບໄດ້ແລ້ວທ່ານຈະເສຍໃຈ

ຣາສິກັນ (ຄົນເກີດລະຫວ່າງວັນທີ 17 ກັນຍາ – 16 ຕຸລາ)

ການງານ ມັກມີເລື່ອງເຂົ້າມາເຮັດໃຫ້ທ່ານຫງຸດງິດລຳຄານໃຈ ດັ່ງນັ້ນ ຈົ່ງພະຍາຍາມຢູ່ເສີຍໆໄວ້ດີທີ່ສຸດ ໃຊ້ປັນຍາໃນການແກ້ໄຂບັນຫາຢ່າໃຊ້ອາລົມ ເພາະມີແຕ່ເຮັດໃຫ້ເສຍກັບເສຍເທົ່ານັ້ນ ການງານໃນທິດນີ້ຈະພົບແຕ່ງານຍາກ ດັ່ງນັ້ນ ຢ່າຂໍໃຫ້ໃຜຊ່ວຍເຮັດແທນ ທ່ານຈົ່ງເຮັດເອງແມ່ນດີທີ່ສຸດ

ການເງິນ ມີເກນເຮັດໃຫ້ທ່ານເສຍເງິນ ບໍ່ວ່າຈະເສຍເງິນໄປກັບການແປງລົດ ການປິ່ນປົວສຸຂະພາບ ສ່ວນໂຊກລາບທ່ານບໍ່ຕ້ອງຫວັງເພາະບໍ່ມີດວງເລື່ອງນີ້ ຕ້ອງຫາເງິນດ້ວຍເຫື່ອແຮງເທົ່ານັ້ນ

ຄວາມຮັກ ເຖິງທ່ານຈະມີຄົນຮັກແລ້ວແຕ່ທ່ານກໍຍັງຮູ້ສຶກເຫງົາໃຈຢູ່ດີ ເພາະຄົນຮັກຂອງທ່ານບໍ່ເຂົ້າໃຈໃນຕົວທ່ານເລີຍ ສ່ວນຄົນໂສດ ເລີ່ມມີການພັດທະນາຄວາມສຳພັນກັບໃຜບາງຄົນແລ້ວ

ຣາສີຕຸນ (ຄົນເກີດໃນລະຫວ່າງວັນທີ 17 ຕຸລາ – 16 ພະຈິກ)

ການງານ ທ່ານເປັນຄົນເຈົ້າຄວາມຄິດ ເປັນນັກວາງແຜນ ມັກເຮັດນັ້ນຈັບນີ້ຈົນວຸ້ນວາຍໄປໝົດ ທັງວຽກປະຈຳ ແລະ ທັງວຽກເສີມທ່ານຈະເຮັດມັນອອກມາໄດ້ດີທັງຄູ່ ແຕ່ລະວັງຊ່ວງທ້າຍອາທິດອາດມີເລື່ອງໃຫ້ຜິດຖຽງກັນກັບເພື່ອນຮ່ວມງານ

ການເງິນ ທ່ານເປັນນັກຊື້ຕົວແມ່ ໃຊ້ເງິນເກັ່ງແຕ່ກໍ່ຫາເງິນເກັ່ງຄືກັນ ສຳລັບໂຊກເລື່ອງເງິນກໍ່ພໍມີເຂົ້າມາໃຫ້ຊື່ນໃຈເລັກນ້ອຍ

ຄວາມຮັກ ທ່ານກັບຄົນຮັກມີເລື່ອງໃຫ້ງອນງໍ້ກັນຢູ່ເລື້ອຍໆ ຊ່ວງນີ້ທ່ານຈະເປັນຄົນມັກຈູ້ຈີ້ຈຸກຈິກແນຈົນບາງຄັ້ງເຮັດໃຫ້ແຟນທ່ານລຳຄານ ສ່ວນຄົນໂສດແມ່ນຕ້ອງເຖິງຂັ້ນອາໄສໝູ່ເປັນຄົນຊ່ວຍຊອກ ຫຼື ແນະນຳໃຫ້

ຣາສີພິຈິກ (ຄົນເກີດລະຫວ່າງວັນ 17 ພະຈິກ – 15 ທັນວາ)

ການງານ ທ່ານເປັນຄົນມີໂລກສ່ວນຕົວສູງ ຈົນເຮັດໃຫ້ເຂົ້າກັບຄົນອື່ນຍາກ ຜົນງານທ່ານກໍບໍ່ເດັ່ນ ເພາະທ່ານມັກຂັດໃຈເຈົ້ານາຍ ຊ່ວງທ້າຍອາທິດດວງຈະມີການປ່ຽນແປງ ຫຼື ໂຍກຍ້າຍ ທ່ານເອງກໍຈະຮູ້ສຶກເບື່ອກັບວຽກທີ່ເຮັດຢູ່ຈົນເຖິງຂັ້ນຫາທາງໄປສະໝັກບ່ອນໃໝ່

ການເງິນ ມີຮັບມີຈ່າຍປະປົນກັນໄປ ແຕ່ຊ່ວງກາງອາທິດຈະມີໂຊກດີ ອາດເປັນໂຊກເງິນກ້ອນໃຫຍ່

ຄວາມຮັກ ທ່ານຕ້ອງເປີດໃຈໃຫ້ຄົນທີ່ທ່ານຮັກຫຼາຍກວ່ານີ້ ສຳລັບຄົນໂສດຫາກທ່ານບໍ່ເປັນຄົນເລືອກຫຼາຍ ທ່ານກໍມີແວວສະຫຼະໂສດແລ້ວ

ຣາສີທະນູ (ຄົນເກີດໃນລະຫວ່າງວັນທີ 16 ທັນວາ – 15 ມັງກອນ)

ການງານ ຍ້ອນທ່ານມີຄວາມສາມາດຫຼາຍຈິ່ງມີຄົນມາຂໍໃຫ້ທ່ານຊ່ວຍເຫຼືອ (ໜ້າທີ່ເພີ່ມແຕ່ເງິນບໍ່ເພີ່ມ) ຈຶ່ງເຮັດໃຫ້ຮູ້ສຶກບໍ່ພໍໃຈ ແລະ ໃນທ້າຍອາທິດຈະມີການປ່ຽນແປງສິ່ງໃໝ່ເກີດຂຶ້ນ

ການເງິນ ມີເຫດໃຫ້ທ່ານຕ້ອງຈ່າຍເງິນອອກໄປເລື່ອຍໆ ທ່ານຈະເກັບເງິນບໍ່ຄ່ອຍຢູ່ ທ່ານຈະມີໂຊກລາບປາກ ຫຼື ສິ່ງຂອງຫຼາຍກວ່າໂຊກເງິນຄຳ

ຄວາມຮັກ ຄົນໂສດສະເໜແຮງຈະມີຄົນເຂົ້າມາຈີບຫຼາຍ ສ່ວນຄົນມີແຟນແລ້ວຈະເກີດຄວາມຂັດແຍ້ງກັນເລື່ອຍໆເພາະມີມືທີສາມເຂົ້າມາແຊກ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.