ເທເລີ ສະວິຟ ຂຶ້ນເປັນສິລະປິນລາຍໄດ້ສູງສຸດປະຈຳປີ 2019

0
85

ເທເລີ ສະວິຟ ນັກຮ້ອງສາວຊາວອາເມຣິກາ ໄວ 29 ປີ ຖືກຈັດໃຫ້ເປັນສິລະປິນ (ນັກຮ້ອງ) ທີ່ມີລາຍໄດ້ສູງສຸດຕາມການລາຍງານຂອງວາລະສາຟອຣບ ຊຶ່ງໄດ້ຈັດອັນດັບ 100 ຄົນດັງປະຈຳປີ 2019.

ສຳນັກຂ່າວຕ່າງປະເທດລາຍງານເມື່ອວັນທີ 10 ກໍລະກົດຜ່ານມາວ່າ ວາລະສານຟອຣບໄດ້ຈັດອັນດັບ 100 ບຸກຄົນທີ່ມີລາຍໄດ້ສູງສຸດປະຈຳປີ ຊຶ່ງປາກົດວ່າ ສາວປາກແດງ (ສາຍາ) ເທເລີ ສະວິຟ ຊາວອາເມຣິກາຂຶ້ນມາຄອງແຊ໋ມໃນຖານະສິລະປິນ-ນັກສະ ແດງທີ່ໄດ້ຮັບຄ່າໂຕສູງສຸດດ້ວຍມູນຄ່າ 185 ລ້ານໂດລາ (ທັງເປັນແຊ໋ມເກົ່າເມື່ອປີ 2016).

                                                        (ອັນດັບທີ 2)

ສ່ວນອັນດັບທີ 2 ຕົກເປັນຂອງ ໄຄລີ ເຈນເນີ ຊາວອາເມຣິກາ ມີລາຍໄດ້ 170 ລ້ານໂດລາ ຊຶ່ງລາຍໄດ້ຂອງນາງມາຈາກທຸລະກິດເຄື່ອງສຳອາງ ແລະ ເມື່ອຕົ້ນປີຜ່ານມານາງກໍຖືກຍົກຍ້ອງໃຫ້ເປັນມະຫາເສດຖີພັນລ້ານທີ່ອາຍຸນ້ອຍທີ່ສຸດໃນໂລກອີກດ້ວຍ ຂະນະທີ່ອັນດັບທີ 3 ແມ່ນສິລະປິນແຣັບເປີ້ຊາວອາເມຣິກາຄື ຄານເຢ ເວສ (ສາມີຂອງ ຄິມ ຄາຣດາຊຽນ) ຊຶ່ງກັບມາສູ່ທຳນຽບສິລະປິນທີ່ມີລາຍໄດ້ສູງສຸດອີກຄັ້ງພາຍຫຼັງທີ່ຫ່າງຫາຍໄປກວ່າ 4 ປີ ກັບມາຄັ້ງນີ້ດ້ວຍລາຍໄດ້ 150 ລ້ານໂດລາຊຶ່ງມາຈາກການຂາຍເກີບທີ່ອອກແບບເອງໃນຊື່ Yeezy.

                                                          (ອັນດັບທີ 3)

ທັງນີ້ ຟອຣບ ໄດ້ຈັດອັນດັບສິລະປິນລາຍໄດ້ສູງສຸດປະຈຳປີ 2019 ໂດຍການປະເມີນລາຍໄດ້ກ່ອນເສຍພາສີ (ລະຫວ່າງເດືອນມິຖຸ ນາ 2018 ຫາມິຖຸນາ 2019) ກ່ອນຫັກຄ່າທຳນຽມຂອງຜູ້ຈັດການສ່ວນຕົວ ທັງນີ້ ລາຍໄດ້ລວມກັນທັງໝົດຂອງສິລະປິນໃນ 100 ອັນດັບລວມກັນຢູ່ທີ່ 6.300 ລ້ານໂດລາ (ໃນໄລຍະ 12 ເດືອນຜ່ານມາ).

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.