ເດັກຍິງພິການຂາຊາວອັງກິດໄດ້ຮັບຄຳເຊີນເດີນແບບໃນ “ນິວຢອກ ແຟເຊິນ ວີກ”

0
59

ເດຊີ ເມ ເດມີທຣີ ເດັກຍິງຊາວອັງກິດໃນໄວ 9 ປີ ຈາກເມືອງເບີມິງແຮມ ກຳລັງຈະກາຍເປັນສາວນ້ອຍພິການຂາທັງສອງຂ້າງຄົນທຳອິດທີ່ຈະໄດ້ເດີນແບບເທິງເວທີແຟເຊິນລະດັບໂລກນັ້ນກໍຄື “ນິວຢອກ ແຟເຊິນ ວີກ” ເພື່ອສະແດງໃຫ້ໂລກເຫັນວ່າ ຄວາມສວຍ ງາມບໍ່ຈຳເປັນຕ້ອງສົມບູນແບບສະເໝີໄປ.

ເດຊີ ເມ ເສຍຂາທັງສອງຂ້າງເນື່ອງຈາກພະຍາດຟິບູລາຣ ເຮມິເມເລຍ (ເປັນໂດຍກຳເນີດ) ຊຶ່ງສົ່ງຜົນໃຫ້ກະດູກສົ້ນໜ່ອງບໍ່ສົມ ບູນ ໂດຍແພດຈຳເປັນຕ້ອງຕັດຂາທັງ 2 ຂ້າງຂອງນາງເມື່ອນາງອາຍຸໄດ້ພຽງ 18 ເດືອນເທົ່ານັ້ນ ຈາກນັ້ນມາ ເດຊີ ເມ ຕ້ອງໄດ້ສວມໃສ່ຂາທຽມໃນການໃຊ້ຊີວິດປະຈຳວັນ.

ທັງນີ້ ສາວນ້ອຍຄົນນີ້ເຄີຍເດີນແບບໃຫ້ກັບຫ້ອງເສື້ອຊັ້ນສູງ ລູລູ ເອ ຈິຈິ ທີ່ນະຄອນລອນດອນ ແຟເຊິນ ວີກ ຊຶ່ງເປັນຫ້ອງເສື້ອຜ້າສຳລັບເດັກທີ່ກໍ່ຕັ້ງໂດຍນັກອອກແບບຊາວຝຣັ່ງ (ອີນີ ເອເຈດັສ ບຸຍຣອງ) ເມື່ອ 5 ປີກ່ອນ ຊຶ່ງໄດ້ແຮງບັນດານໃຈວ່າ “ຄວາມສວຍງາມທີ່ອອກມາຈາກພາຍໃນ ສ່ວນເສື້ອຜ້າຈະຊ່ວຍໃຫ້ເດັກໆມີເອກະລັກ ຫຼື ມີຄວາມຫຼາກຫຼາຍ”.

ກ່ອນໜ້າຂຶ້ນເວທີໃຫຍ່ ເດຊີ ເມ ກ່າວວ່າ ຕົນເອງບໍ່ໄດ້ວິຕົກກັງວົນເລີຍເນື່ອງຈາກຄຸ້ນເຄີຍກັບເວທີຢູ່ແລ້ວ (ປະສົບການເດີນແບບຫຼາຍກວ່າ 18 ເດືອນ) ທີ່ຜ່ານມາກໍເຄີຍຮ່ວມງານກັບນັກອອກແບບຊື່ດັງຫຼາຍຄົນ ລວມທັງແບຣນເສື້ອຜ້າແນວອິນດີ້ໃນອັງກິດຈົນຖືກຍົກຍ້ອງວ່າ “ເປັນເດັກຍິງທີ່ສ້າງກຳລັງໃຈຈາກລາງວັນໄພຣ ອອຟ ເບີມິງແຮມ” ອີກດ້ວຍ.

 

 

ຮຽບຮຽງ: ພ.ສະຫວັນ

ຮູບພາບ: khaosod

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.