ເຈົ້າໜ້າທີ່ອິນໂດ… ຈັບແກ້ງຄ້າສັດ-ຂ້າໂຫດເສືອສຸມາດຕຣາ

0
483

ສຳນັກຂ່າວຕ່າງປະເທດລາຍງານເມື່ອວັນທີ 9 ທັນວາຜ່ານມາວ່າ: ເຈົ້າໜ້າທີ່ປ່າໄມ້ ແລະ ຕຳຫຼວດຂອງອິນໂດເນເຊຍຮ່ວມປະຕິ ບັດການກັກຕົວຜູ້ຕ້ອງສົງໃສຄ້າສັດປ່າ 5 ຄົນທີ່ໝູ່ບ້ານ 2 ແຫ່ງໃນເຂດປາລາລາວັນ ແຂວງຫວັດຣີເຢົາ, ໃນນັ້ນ ເປັນເພດຊາຍ 4 ຄົນ, ຍິງ 1 ຄົນ ພ້ອມຂອງກາງລູກອ່ອນເສືອ 4 ໂຕທີ່ປາດອອກຈາກທ້ອງແມ່ເສືອ 2 ໂຕແລ້ວນຳໄປດອງໃນຂວດ ລວມທັງໜັງເສືອອີກ 1 ໂຕ.

ຂະນະທີ່ຜູ້ອຳນວຍການສຳນັກງານສິ່ງແວດລ້ອມ ແລະ ປ່າໄມ້ແຂວງຣີເຢົາໄດ້ເປີດເຜີຍວ່າ: ໄດ້ຮັບແຈ້ງຈາກຊາວບ້ານກ່ຽວກັບແກ້ງຄ້າສັດປ່າ, ຂະນະທີ່ເຈົ້າໜ້າທີ່ຕຳຫຼວດຍັງເລັ່ງສືບສວນ-ສອບສວນວ່າຜູ້ຕ້ອງສົງໄສເຊື່ອມໂຍງກັບຂະບວນການຄ້າສັດປ່າແທ້ ຫຼື ບໍ່?.

ທັງນີ້ ເສືອສຸມາດຕຣາເປັນສາຍພັນເສືອຫາຍາກທີ່ໃກ້ສູນພັນ ແລະ ຢູ່ໃນບັນຊີແດງຂອງສະຫະພາບລະຫວ່າງປະເທດເພື່ອການອະນຸຮັກທຳມະຊາດ (IUCN) ກັບປະຊາກອນໃນທຳມະຊາດທີ່ເຫຼືອຢູ່ບໍ່ຮອດ 400 ໂຕ.

 

 

ຮຽບຮຽງ: ເພັງສະຫວັນ

ຮູບພາບ: khaosod

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.