ເຈົ້າໜ້າທີ່ອາວຸໂສອາຊຽນຫາລືບັນຫາທີ່ຕິດພັນກັບວຽກງານສະຫວັດດີການສັງຄົມ ແລະ ການພັດທະນາ

0
60

ໃນວັນທີ 19 ພະຈິກ 2019 ທີ່ໂຮງແຮມດອນຈັນພາເລດ ນະຄອນຫຼງວງວຽງຈັນ, ກະຊວງແຮງງານ ແລະ ສະຫວັດດີການສັງຄົມ ໃນນາມຮັບຜິດຊອບວຽກງານສະຫວັດດີການສັງຄົມ ແລະ ການພັດທະນາອາຊຽນໄດ້ເປັນເຈົ້າພາບຈັດກອງປະຊຸມເຈົ້າໜ້າທີ່ອາວຸ ໂສສະຫວັດດີການສັງຄົມ ແລະ ການພັດທະນາອາຊຽນ ຄັ້ງທີ 15 ເພື່ອກະກຽມໃຫ້ແກ່ກອງປະຊຸມລັດຖະມົນຕີສະຫວັດດີການສັງ ຄົມ ແລະ ການພັດທະນາອາຊຽນຄັ້ງທີ 10 ທີ່ ສປປ ລາວ ເປັນເຈົ້າພາບ, ພາຍໃຕ້ການເປັນປະທານຂອງ ທ່ານ ທິບພະສອນ ສຸຂະທໍາມະວົງ ຮອງຫົວໜ້າກົມແຜນການ ແລະ ການຮ່ວມມືສາກົນ, ຫົວໜ້າເຈົ້າໜ້າທີ່ອາວຸໂສສະຫວັດດີການສັງຄົມ ແລະ ການພັດ ທະນາອາຊຽນແຫ່ງ ສປປ ລາວ, ມີບັນດາຫົວໜ້າເຈົ້າໜ້າທີ່ອາວຸໂສຈາກປະເທດສະມາຊິກອາຊຽນ ແລະ ຜູ້ຕາງໜ້າກອງເລຂາອາຊຽນເຂົ້າຮ່ວມ .

ກອງປະຊຸມຄັ້ງນີ້, ສປປ ລາວ ໄດ້ຮັບມອບວາລະການເປັນປະທານເຈົ້າໜ້າທີ່ອາວຸໂສສະຫວັດດີການສັງຄົມ ແລະ ການພັດທະນາອາຊຽນຄັ້ງທີ 15 ຕໍ່ຈາກປະເທດສິງກະໂປ, ຊຶ່ງກອງປະຊຸມໄດ້ດໍາເນີນໄປເປັນເວລາມື້ເຄີ່ງພາຍໃຕ້ຫົວຂໍ້ ການສ້າງຄວາມເຂັ້ມແຂງວຽກປົກປ້ອງສັງຄົມສໍາລັບເດັກດ້ອຍໂອກາດໃນອາຊຽນ”, ກອງປະຊຸມລະດັບເຈົ້າໜ້າທີ່ອາວຸໂສອາຊຽນແມ່ນໝູນວຽນກັນເປັນເຈົ້າພາບ 1 ປີຕໍ່ຄັ້ງ ແລະ ທີ່ຜ່ານມາ ສປປ ລາວ ໄດ້ເປັນເຈົ້າພາບມາແລ້ວ 2 ຄັ້ງຄື: ເມື່ອປີ 2003 ແລະ 2014.

ຈຸດປະສົງຂອງກອງປະຊຸມຄັ້ງນີ້ແມ່ນເພື່ອປຶກສາຫາລືບັນຫາທີ່ຕິດພັນກັບການຮ່ວມມືເພື່ອຈັດຕັ້ງປະຕິບັດກິດຈະກໍາຕ່າງໆກ່ຽວ ກັບວຽກສະຫວັດດີການສັງຄົມ ແລະ ການພັດທະນາອາຊຽນ ໂດຍສະເພາະແມ່ນການສ້າງຄວາມເຂັ້ມແຂງວຽກປົກປ້ອງສັງຄົມສໍາລັບເດັກດ້ອຍໂອກາດ, ຄວາມຄືບໜ້າໃນການຈັດຕັ້ງປະຕິບັດແຜນຍຸດທະສາດສະຫວັດດີການສັງຄົມ ແລະ ການພັດທະນາອາຊຽນ (2016-2020) ແລະ ແຜນໃນຕໍ່ໜ້າ. ພ້ອມດຽວກັນນີ້, ຄະນະຜູ້ແທນເຂົ້າຮ່ວມກອງປະຊຸມຍັງໄດ້ແລກປ່ຽນບົດຮຽນກ່ຽວກັບຜົນສໍາເລັດໃນການຈັດຕັ້ງປະຕິບັດກິດຈະກໍາທີ່ເປັນແບບຢ່າງ ການສ້າງຄວາມອາດສາມາດ ແລະ ບົດຮຽນທີ່ຖອດຖອນໄດ້ພາຍ ໃຕ້ຂອບການຮ່ວມມືວຽກສະຫວັດດີການສັງຄົມ ແລະ ການພັດທະນາອາຊຽນ, ອາຊຽນກັບບັນດາອົງການຈັດຕັ້ງສາກົນ ແລະ ອົງ ການຈັດຕັ້ງບໍ່ສັງກັດລັດຖະບານ.

ກອງປະຊຸມຄັ້ງນີ້, ບັນດາຄະນະຜູ້ແທນຈາກແຕ່ລະປະເທດສະມາຊິກອາຊຽນສາມາດສັງລວມເອົາບັນຫາສໍາຄັນຕ່າງໆທີ່ກ່ຽວພັນກັບວຽກງານສະຫວັດດີການສັງຄົມ ແລະ ການພັດທະນາອາຊຽນເພື່ອນໍາສະເໜີໃນກອງປະຊຸມລັດຖະມົນຕີສະຫວັດດີການສັງຄົມ ແລະ ການພັດທະນາອາຊຽນຄັ້ງທີ 10 ທີ່ຈະຈັດຂຶ້ນໃນວັນທີ 21 ພະຈິກ 2019 ນີ້.

 

ໂດຍ: ດອກຕາເວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.