ເຈົ້າແຂວງວຽງຈັນແຈ້ງໂຈະ! ໂຄງການພັດທະນາແຫຼ່ງທ່ອງທ່ຽວ ຢູ່ເມືອງວັງວຽງແລ້ວ

0
650

ອີງຕາມຂໍ້ຕົກລົງຂອງ ທ່ານເຈົ້າແຂວງໆວຽງຈັນ ສະບັບເລກທີ 074/ຈຂ.ວຈ ລົງວັນທີ 1 ກຸມພາ 2019 ວ່າດ້ວຍການລົບລ້າງການຈັດຕັ້ງປະຕິບັດ ໂຄງການສຶກສາສໍາຫຼວດ ຄວາມເປັນໄປໄດ້ ໃນການພັດທະນາແຫຼ່ງທ່ອງທ່ຽວຢູ່ບ້ານ ຫ້ວຍສະເຫງົ້າ, ບ້ານ ພູດິນແດງ ແລະ ບ້ານປາກເປາະ, ເມືອງ ວັງວຽງ ແຂວງ ວຽງຈັນ.

ເຊິ່ງຂໍ້ຕົກລົງສະບັບນີ້ ແມ່ນເຫັນດີໃຫ້ລົບລ້າງການຈັດຕັ້ງປະຕິບັດ ໂຄງການສຶກສາສຳຫຼວດ ຄວາມເປັນໄປໄດ້ ໃນການພັດທະນາແຫຼ່ງທ່ອງທ່ຽວ ຢູ່ບ້ານ ຫ້ວຍສະເຫງົ້າ, ບ້ານ ພູດິນແດງ ແລະ ບ້ານ ປາກເປາະ, ເມືອງ ວັງວຽງ, ແຂວງ ວຽງຈັນ ຂອງກຸ່ມບໍລິສັດ ພັດທະນາເຂດເສດຖະກິດສະເພາະບໍ່ເຕັນລາວ ຈຳກັດ ທີ່ໄດ້ເຊັນບົດບັນທຶກຄວາມເຂົ້າໃຈ (MOU) ສະບັບລົງວັນທີ 19 ສິງຫາ 2018.

ເຫັນດີລົບລ້າງຂໍ້ຕົກລົງຂອງ ທ່ານເຈົ້າແຂວງໆວຽງຈັນ ວ່າດ້ວຍ ການອະນຸຍາດໃຫ້ ກຸ່ມບໍລິສັດ ພັດທະນາເຂດເສດຖະກິດສະເພາະບໍ່ເຕັນລາວ ຈຳກັດ ລົງທຶນສຶກສາ-ສຳຫຼວດແຫຼ່ງທ່ອງທ່ຽວຢູ່ເມືອງວັງວຽງ, ແຂວງ ວຽງຈັນ ສະບັບເລກທີ 506/ຈຂ.ວຈ ລົງວັນທີ 4 ມິຖຸນາ 2018 ແລະ ຂໍ້ຕົກລົງສະບັບເລກທີ 1001/ຈຂ.ວຈ ລົງວັນທີ 10 ຕຸລາ 2018 ວ່າດ້ວຍການແຕ່ງຕັ້ງຄະນະຊີ້ນຳ ແລະ ຄະນະວິຊາການຮັບຜິດຊອບ ໂຄງການສຶກສາ-ສຳຫຼວດຄວາມເປັນໄປໄດ້ ໃນການພັດທະນາແຫຼ່ງທ່ອງທ່ຽວຢູ່ບ້ານຫ້ວຍສະເຫງົ້າ, ບ້ານ ພູດິນແດງ ແລະ ບ້ານ ປາກເປາະ, ເມືອງ ວັງວຽງ, ແຂວງວຽງຈັນ.

ມອບໃຫ້ຫ້ອງວ່າການແຂວງ ວຽງຈັນ, ພະແນກແຜນການ ແລະ ການລົງທຶນແຂວງ, ພະແນກຖະແຫຼງຂ່າວ, ວັດທະນະທຳ ແລະ ທ່ງທ່ຽວເມືອງວັງວຽງ, ກຸ່ມບໍລິສັດ ພັດທະເສດຖະກິດສະເພາະບໍ່ແຕນລາວ ຈຳກັດ, ບັນດາພາກສ່ວນທີ່ກ່ຽວຂ້ອງຮັບຮູ້ ແລະ ພ້ອມກັນຈັດຕັ້ງປະຕິບັດ.

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ເອກະສານຂໍ້ຕົກລົງເຈົ້າແຂວງວຽງຈັນ, ສະບັບເລກທີ 074/ຈຂ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.