ເຈົ້າເມືອງສາມັກຄີໄຊລົງຢ້ຽມຢາມ-ມອບເຄື່ອງຊ່ວຍເຫຼືອໃຫ້ຄອບຄົວທຸກຍາກ ແລະ ອານາຖາ

0
20

ເມື່ອວັນທີ 15-16 ສິງຫາທີ່ຜ່ານມາ ທ່ານ ບຸນທະມາລີ ໝັ້ນອານົງ ເຈົ້າເມືອງສາມັກຄີໄຊ ແຂວງອັດຕະປື ພ້ອມຄະນະ ໄດ້ລົງຢ້ຽມ ຢາມ ແລະ ນຳເອົາເຄື່ອງຊ່ວຍເຫຼືອຊຶ່ງປະກອບມີ ເຄື່ອງນຸ່ງຫົ່ມ ແລະ ເຂົ້າສານ ລົງມອບ ແລະ ແຈກຢາຍໃຫ້ພໍ່ແມ່ປະຊາຊົນທີ່ຍັງມີຄວາມທຸກຍາກຂາດເຂີນ ແລະ ອານາຖາຢູ່ພາຍໃນເມືອງສາມັກຄີໄຊ ໃນນັ້ນ ໄດ້ລົງມອບເປັນ 6 ຈຸດຄື ກຸ່ມບ້ານເທສະບານ ກຸ່ມບ້ານສອກ ບ້ານໃຫຍ່ໝື່ນຫົວເມືອງ ກຸ່ມບ້ານລະຍາວ ກຸ່ມບ້ານຮົມ ແລະ ບ້ານໃຫຍ່ເຊກະໝານ.

ໂອກາດດັ່ງກ່າວ ທ່ານ ບຸນທະມາລີ ໄດ້ກ່າວວ່າ ການນຳເອົາເຄື່ອງນຸ່ງຫົ່ມ ແລະ ເຂົ້າສານມາມອບໃຫ້ພໍ່ແມ່ປະຊາຊົນຜູ້ທີ່ທຸກຍາກ ອານາຖາພາຍໃນເມືອງສາມັກຄີໄຊຄັ້ງນີ້ກໍເພື່ອເປັນການຊ່ວຍເຫຼືອ ແລະ ບັນເທົາທຸກສ່ວນໃດສ່ວນໜຶ່ງໃຫ້ແກ່ບັນດາຄອບຄົວທີ່ທຸກຍາກຂາດເຂີນ ຄອບຄົວອານາຖາ ອັນສຳຄັນແມ່ນຍ້ອນຄວາມເປັນຫ່ວງເປັນໃຍຂອງການນຳພັກ-ລັດກໍຄືອຳນາດການປົກ ຄອງເມືອງທີ່ມີຕໍ່ປະຊາຊົນລາວບັນດາເຜົ່າ ​ຊຶ່ງຍາມໃດກໍໄດ້ເປັນຫ່ວງຕໍ່ຄວາມສຸກທຸກຂອງປະຊາຊົນຕະຫຼອດມາ ໂດຍເຄື່ອງນຸ່ງຫົ່ມ ແລະ ເຂົ້າທີ່ນຳມາແຈກຢາຍໃນຄັ້ງນີ້ແມ່ນໄດ້ຮັບການບໍລິຈາກຊ່ວຍເຫຼືອຈາກບັນດາອົງການຈັດຕັ້ງທັງພາຍໃນ ແລະ ຕ່າງປະເທດລວມມູນຄ່າຫຼາຍກວ່າ 10 ລ້ານກີບ.

ສຳລັບເມືອງສາມັກຄີໄຊ ແຂວງອັດຕະປື ມາຮອດປັດຈຸບັນຍັງເຫຼືອຄອບຄົວທຸກຍາກ 245 ຄອບຄົວ ມີ 1,087 ຄົນ ເທົ່າກັບ 2,71% ຂອງພົນລະເມືອງທັງໝົດໃນທົ່ວເມືອງ ຄອບຄົວອານາຖາ 50 ຄອບຄົວ ມີ 75 ຄົນ ເທົ່າກັບ 0,18% ຂອງພົນລະ ເມືອງທັງໝົດໃນທົ່ວເມືອງ ຊຶ່ງຄະນະອຳນາດການປົກຄອງເມືອງສາມັກຄີໄຊຈະໄດ້ເອົາໃຈໃສ່ແກ້ໄຂໃຫ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ.

 

ໂດຍ: ສຸຫັດ ນຽມທີສອນ ນັກຂ່າວຫ້ອງການ ຖວທ ເມືອງສາມັກຄີໄຊ ແຂວງອັດຕະປື (020) 9866 5409

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.