ເຈົ້າພາບຟິລິບປິນຂຶ້ນນຳເຈົ້າຫຼຽນຄຳ, ສ່ວນລາວໄດ້ເພິ່ມອີກ 2 ຫຼຽນທອງ

0
4581

ເກາະຕິດຊີເກມ 2019 ກັບລາວໂພສໃນວັນນີ້ ສະຫຼຸບຕາຕະລາງຫຼຽນປະຈຳວັນທີ 5 ທັນວາ 2019 ເຈົ້າພາບຟີລິບປິນຄົງຄອງຕຳແໜ່ງເຈົ້າຫຼຽນຄຳຂອງຕາຕະລາງດ້ວຍຈຳນວນ 56 ຫຼຽນຄຳ, 41 ຫຼຽນເງິນ ແລະ 22 ຫຼຽນທອງ ສ່ວນອັນດັບສອງ ແລະ ອັນ ດັບສາມເປັນຂອງຫວຽດນາມ ແລະ ມາເລເຊຍ ສຳລັບປະເທດລາວແມ່ນຢູ່ອັນດັບທີ 10 ຂອງຕາຕະລາງ ມີ 2 ຫຼຽນເງິນ 6 ຫຼຽນທອງ.

ຫຼຽນລາງວັນຂອງທັບນັກກີລາລາວທີ່ໄດ້ໃນປັດຈຸບັນ:

1. ກີລາຢູໂດ ໃນປະເພດຟ້ອນກະຕະຄູ່ຊາຍ ແລະ ຍິງ ຍາດໄດ້ 2 ຫຼຽນເງິນ
2. ກີລາວູຊູຍາດໄດ້ 3 ຫຼຽນທອງ
3. ກີລາປັນຈັກສີລັດ ຈາກປະເພດຟ້ອນຄູ່ຊາຍ Guda ຍາດໄດ້ 1 ຫຼຽນທອງ
4. ກີລາກະຕໍ້ລອດບ້ວງລາວຍາດມາໄດ້ 2 ຫຼຽນທອງ

ສຳລັບກີລາປັນຈັກສີລັດ ໃນປະເພດຕໍ່ສູ້ ມື້ວານນີ້ (4 ພະຈິກ 2019) ນັກກີລາລາວລົງແຂ່ງ 3 ຄົນ ເປັນຍິງ 1 ຄົນ ປາກົດວ່າໄດ້ເພີ່ມອີກ 2 ຫຼຽນທອງ ຈາກປະເພດຕໍ່ສູ້ ແຕ່ເນື່ອງຈາກຍັງບໍ່ທັນມີພິທີມອບຫຼຽນ ຕາຕະລາງຫຼຽນຈຶ່ງຍັງບໍ່ອັບເດດຢ່າງເປັນທາງ ການ.

ສ່ວນປະເພດອື່ນທີ່ລົງແຂ່ງຫຼາຍລາຍການເຊັ່ນ: ກະຕໍ້ທີມຄູ່ຊາຍປະເພດຊຸດ ກໍສິ້ນສຸດການແຂ່ງຂັນໝົດແລ້ວ ໂດຍຕົກຮອບທຳ ອິດເປັນທີ່ແນ່ນອນແລ້ວຫຼັງຈາກເສຍໃຫ້ຫວຽດນາມ 1-2 ຄູ່ ແລະ ເສຍໃຫ້ມຽນມາ 1-2 ຄູ່.

ສ່ວນປະເພດອື່ນໆເຊັ່ນ: ມວຍສາກົນ ລົງແຂ່ງສາມຄົນ ປາກົດວ່າເສຍທັງໝົດ, ສະນຸກເກີ້ ຊະນະມືໜຶ່ງໄທ ມາໄດ້ແຕ່ມາເສຍໃຫ້ມືສອງ ມາເລເຊຍໃນຮອບຕັດເຊືອກຢ່າງໜ້າເສຍດາຍ ຈຶ່ງບໍ່ມີຫຼຽນຕິດມື. ສຳລັບໝາກບູນຄວາມຫວັງຂອງທັບກີລາລາວ ທີ່ແຂ່ງຂັນໄປແລ້ວແມ່ນຖືກຍັງໂຈະການແຂ່ງຂັນອີກ 1 ວັນ ຍ້ອນຜົນກະທົບຂອງພາຍຸ ແຕ່ຈະສືບຕໍ່ແຂ່ງຂັນໃນມື້ນີ້.

ຮຽບຮຽງຂ່າວ: ພຸດສະດີ
ແຫຼ່ງຂໍ້ມູນ ແລະ ຮູບປະກອບຂ່າວ: ເກາະຕິດ Sea Games 30

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.