ເຈົ້າຊາຍເພງປ໋ອບແຫ່ງຫວຽດນາມ ເປີດໂຕຊິງເກິລໃໝ່ຟິດເຈີຣິງກັບ Snoop Dogg

0
1158

ນັກຮ້ອງ ແລະ ນັກສະແດງຊື່ດັງຊາວຫວຽດນາມ (Son Tung M-TP) ປ່ອຍຊິງເກິລໃໝ່ໃນຊື່ “Hãy Trao Cho Anh” ຊຶ່ງມີຊື່ເປັນພາສາອັງກິດວ່າ Give It To Me ໂດຍໄດ້ຟິດເຈີຣິງກັບສິລະປິນຊື່ດັງຊາວອາເມຣິການັ້ນກໍຄື Snoop Dogg ຂະນະທີ່ປ່ອຍ MV ເພງດັ່ງກ່າວໄດ້ພຽງ 48 ຊົ່ວໂມງກໍມີຄົນເຂົ້າໄປເບິ່ງຫຼາຍກວ່າ 40 ລ້ານວິວ.

ທັງນີ້ ສິລະປິນຫວຽດນາມຄົນນີ້ຖືວ່າບໍ່ທຳມະດາ ເພາະມີລາງວັນກາລັນຕີຄວາມສາມາດຢ່າງຫຼວງຫຼາຍ ບໍ່ວ່າຈະເປັນລາງວັນ MTV Europe Music Award Dedication Music Award Mnet Asian Music Award ລວມເຖິງລາງວັນ Green Wave Awards ເຖິງ 7 ລາງວັນ ແລະ ອື່ນໆ.

ສຳລັບຊິງເກິລ “Give It To Me”  ແມ່ນປະພັນໂດຍສິລະປິນຊາວຫວຽດນາມນັ້ນກໍຄື Nguyễn Thanh T Onng ແລະ ດ້ວຍກະແສຕອບຮັບທີ່ຮ້ອນແຮງ ແລະ ໄດ້ຮັບຄວາມສົນໃຈຢ່າງໄວວາຈຶ່ງເຮັດໃຫ້ “Give It To Me”  ກາຍເປັນເພງທີ່ໄດ້ຮັບຄວາມນິຍົມໃນ 20 ອັນດັບທຳອິດຂອງ YouTube ນັບແຕ່ໄດ້ເຜີຍແຜ່.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: nextshark

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.