ເງິນປອມຫຼາຍກວ່າ 40 ລ້ານກີບຖືກທຳລາຍ

0
433

ໜັງສືພິມເສດຖະກິດ-ການຄ້າລາຍງນຂ່າວເມື່ອວັນທີ 22 ພະຈິກ 2019 ວ່າ: ກອງບັນຊາການປ້ອງກັນຄວາມສະຫງົບເມືອງພູຄູນ ໄດ້ຈັດພິທີທຳລາຍພັນທະບັດ (ເງິນປອມ)  ໂດຍການເຂົ້າຮ່ວມຂອງ ທ່ານ ເພັດສະໝອນ ວົງສີປະເສີດ ຮອງເຈົ້າເມືອງພູຄູນ,​ ມີຫົວໜ້າພ້ອມດ້ວຍຄະນະ ແລະ ຫ້ອງການທີ່ກ່ຽວຂອງເມືອງຕະຫຼອດຮອດເຈົ້າໜ້າທີ່ພາຍໃນກອງບັນຊາການຂອງເມືອງເຂົ້າ ຮ່ວມ.

ທ່ານ ພັຕ ແກ້ວວິໄລ ວິທະຍາ ເຈົ້າໜ້າທີ່ສັນຕິບານ ກອງບັນຊາການປ້ອງກັນຄວາມສະຫງົບເມືອງໄດ້ລາຍງານໃຫ້ຮູ້ວ່າ: ເງິນປອມທີ່ເຈົ້າໜ້າທີ່ຢຶດ ແລະ ນຳມາທຳລາຍໃນຄັ້ງນີ້ແມ່ນໄດ້ມາຈາກການລົງເຄື່ອງໄຫວຕິດຕາມກວດກາພົບເຫັນເງິນທີ່ກຸ່ມຄົນບໍດີນຳມາຫວ່ານຕໍ່ໜ້າຕະຫຼາດບ້ານສາມແຍກພູຄູນ ໃນວັນສະເຫຼີມສະຫຼອງວັນສຳຄັນຂອງພັກ-ຂອງຊາດ ເພື່ອສ້າງສະຖານະການຄວາມບໍ່ສະຫງົບໃນປີຫຼາຍປີຜ່ານມາ.

ໃນນັ້ນມີເງິນປອມສະກຸນເງິນກີບປະເພດໃບ 50.000 ກີບ ຈຳນວນ 32 ລ້ານກີບ, ປະເພດໃບ 20.000 ຈຳນວນ 8 ລ້ານກີບ,​ປະເພດໃບ 10.000 ຈຳນວນ 1 ລ້ານກີບ ແລະ ສະກຸນເງິນໂດລາໃບລະ 100 ໂດລາ ຈຳນວນ 9.000 ໂດລາ ລວມເປັນເງິນ 42.900.000 ກີບ.

ຕາມປະມວນກົດໝາຍອາຍາມາດຕາ 129 ວ່າດ້ວຍການປອມແປງເງິນ ຫຼື ການໃຊ້ເງິນປອມໄດ້ລລະບຸວ່າ: ບຸກຄົນໃດຫາກໃຊ້ເຄື່ອງພິມ ຫຼື ໃຊ້ວິທີການອື່ນປອມແປງເງິນກີບ, ເງິນຕາຕ່າງປະເທດ ຫຼື ນຳເງິນປອຈາກຕ່າງປະເທດເຂົ້າມາຈຳໜ່າຍ, ຈໍລະຈອນຢູ່ສາທາລະນະລັດປະຊາທິປະໄຕ ປະຊາຊົນລາວ ຈະຖືກລົງໂທດຕັດອິດສາລະພາບແຕ່ 5-15 ປີ ແລະ ຈະຖືກປັບໄໝແຕ່ 50-500 ລ້ານກີບ.

ຮຽບຮຽງຂ່າວ:​ພຸດສະດີ
ແຫຼ່ງຂໍ້ມູນ: laoedaily.com.la

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.