ເຄ-ປ໊ອບ ສ.ເກົາຫຼີ ກຳລັງຂາຍດີ 2 ວົງດັງຕິດອັນດັບຄົນເຂົ້າເບິ່ງຫຼາຍສຸດໃນຢູທູບ

0
38

ມິວສິກວິດິໂອເພງ Kill This Love ຂອງວົງເກີລກຣຸບຈາກ ສ.ເກົາຫຼີ ນັ້ນກໍຄືວົງ Blackpink ຂຶ້ນມາຕິດຢູ່ອັນດັບທີ 6 ຂອງມິວສິກວິດິໂອທີ່ມີຍອດການເຂົ້າເບິ່ງສູງສຸດທາງຢູທູບໃນຊ່ວງ 6 ເດືອນຕົ້ນປີ ຂະນະທີ່ມິວສິກວິດິໂອຂອງວົງບອຍແບນຄື BTS ຈາກ ສ.ເກົາຫຼີ ກໍຂຶ້ນມາຕິດຢູ່ທີ່ອັນດັບທີ 8.

ຢູທູບມີຜູ້ເຂົ້າເຖິງຫຼາຍກວ່າ 1,9 ພັນລ້ານຄົນຕໍ່ເດືອນ ຊຶ່ງເປັນໂຕເລກທີ່ສູງກວ່າຜູ້ໃຫ້ບໍລິການເພງອອນລາຍ (music streaming) ແລະ ອື່ນໆ ດັ່ງນັ້ນ ຈຶ່ງອາດເວົ້າໄດ້ວ່າ ບໍ່ມີຫຍັງທີ່ໃຊ້ວັດແທກຄວາມນິຍົມໃນການຟັງເພງຂອງມະນຸດໂລກໃນຍຸກນີ້ໄດ້ດີໄປກວ່າຢູ່ໃນ “ຢູທູບ” ອີກແລ້ວ ຊຶ່ງສິ່ງດັ່ງກ່າວສ່ອງແສງໃຫ້ເຫັນເຖິງຄວາມຫຼາກຫຼາຍທີ່ເພີ່ມຂຶ້ນໃນໂລກຂອງດົນຕີປ໊ອບ ຊຶ່ງພາສາບໍ່ແມ່ນອຸປະສັກອີກຕໍ່ໄປ ລວມເຖິງຈັງຫວະດົນຕີຕ່າງໆໃນໂລກລ້ວນປະສົມປະສານ ແລະ ຫຼໍ່ຫຼອມເຂົ້າກັນໄດ້ຢ່າງກົມກືນ.

ປາກົດການທີ່ເກີດຂຶ້ນກໍຄື ເພງຈາກຝັ່ງ ສ.ເກົາຫຼີ ກຳລັງຂະຫຍາຍອິດທິພົນເພີ່ມຂຶ້ນເລື້ອຍໆໃນແວດວົງຂອງດົນຕີປ໊ອບ ແລະ ທີ່ໂດດເດັ່ນທີ່ສຸດໃນຂະນະນີ້ກໍຄືວົງ Blackpink ຊຶ່ງມິວສິກວິດິໂອເພງ “Kill This Love” ຕິດອັນດັບທີ 6 ທີ່ມີຍອດການເຂົ້າເບິ່ງເຖິງ 468 ລ້ານເທື່ອ (ຊຶ່ງມີພຽງຊື່ເພງເທົ່ານັ້ນທີ່ເປັນພາສາອັງກິດ) ຂະນະທີ່ ກຸ່ມບອຍແບນກໍດັງບໍ່ແພ້ກັນ ໂດຍມິວສິກວິດິໂອເພງ “Boy With Luv” ຂອງວົງ BTS ກໍທະຍານຂຶ້ນມາຕິດຢູ່ອັນດັບທີ 8 ດ້ວຍຍອດຜູ້ເຂົ້າເບິ່ງເຖິງ 439 ລ້ານເທື່ອ.

 

 

 

ຮຽບຮຽງ: ສະຫະລັດ ວອນທິວົງໄຊ 

ຮູບພາບ: bbc.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.