ຮ່ວມບໍລິຈາກເລືອດສະຫຼອງວັນຄ້າຍວັນເກີດປະທານສຸພານຸວົງ ຄົບຮອບ 110 ປີ

0
181

ສູນ​ກາງ​ແນວ​ລາວ​ສ້າງ​ຊາດຮວ່ມກັບອົງການ ວີເລິບຢູ ​( International WeloveU Foundation) ແລະ ສູນເລືອດແຫ່ງຊາດຈັດກິດຈະກຳບໍລິຈາກເລືອດເພື່ອລະນືກເຖີງ​ວັນ​ຄ້າຍ​ວັນ​ເກີດ​ທ່ານປະທານ ສຸພາ​ນຸວົງ ຄົບຮອບ 110 ປີ

ກິດຈະກຳບໍລິຈາກເລືອດໄດ້ຈັດຂຶ້ນ​ໃນ​ວັນ​ທີ 10 ກໍລະ​ກົດ 2019 ທີ່​ນະຄອນຫຼວງ​ວຽງຈັນ ​ໂດຍການເຂົ້າຮວ່ມຂອງ ທ່ານ ​ດຣ ສົມອົກ ກິ່ງສະດາ ຮອງປະທານ​ສູນ​ກາງ​ແນວ​ລາວ​ສ້າງ​ຊາດ ທ່ານ ດຣ ຈັນທະລາ ສຸກສາຄອນ ຫົວຫນ້າສູນເລືອດແຫ່ງຊາດ ທ່ານ ນາງ ຄິມອົກຄີ ຫົວຫນ້າອົງການວີເລິບຢູ ມີຫົວໜ້າກົມ ຮອງ​ກົມ ພ້ອມ​ດ້ວຍ​ສະມາຊິກ​ພັກ ພະນັກ​ງານ-​ລັດຖະກອນ ​ເຂົ້າ​ຮ່ວມ​ຢ່າງ​ຫຼວງຫຼາຍ.

ໂດຍຈຸດປະສົງກໍເພື່ອເປັນການຫວນ​ຄືນ​ເຖິງຊີວິດ ​ແລະ ການ​ເຄື່ອນ​ໄຫວ​ປະຕິວັດ​ ຜົນງານ ​ແລະ ຄຸນ​ງານ​ຄວາມ​ດີ​ຂອງ​ປະທານ ສຸພາ​ນຸວົງ ຊຶ່ງທ່ານໄດ້ດຳລົງຕຳແໜ່ງປະທານປະເທດຄົນທຳອິດແຫ່ງ ສປປ ລາວ ​​ເປັນ​ຜູ້ນຳ​ທີ່ມີ​ຄວາມ​ຈົງ​ຮັກ​ພັກດີຕໍ່​ອຸດົມ​ການ​ປະ ຕິວັດ​ຢ່າງ​ເດັດຂາດ ຕໍ່​ສູ່​ຢ່າງອົງ​ອາດ​ກ້າ​ແກ່ນ ​ແລະ ພິ​ລະອາ​ດຫານ ມີ​ຄວາມສາມັກຄີຮັກ​ແພງ​ເພື່ອນ​ມິດ​ສະຫາຍດ້ວຍ​ຄວາມ​ຈິງ​ຈັງ ເປັນ​ເຊື້ອ​ເຈົ້າ​ຜູ້​ໜຶ່ງທີ່​ມີ​ນ້ຳໃຈ​ຮັກ​ຊາດ ມີ​ຈິດ​ໃຈ​ຕໍ່​​ສູ້ຢ່າງພິລາດ​ອາດ​ຫານ ມີ​ທັດສະນະ​ຫຼັກ​ໝັ້ນ ​ແລະ ມີ​ນ້ຳ​ໃຈ​ເສຍ​ສະຫຼະ​ອັນ​ສູງ​ສົ່ງ ​ເພື່ອ​ປະ​ເທ​ດຊາດ ​ແລະ ປວງຊົນ.

ທັງນີ້ ທາງມູນລະນິທິ ວີເລີບຢູນາໆຊາດກໍຫວັງວ່າ  ການເຂົ້າຮ່ວມຈັດກິດຈະກຳບໍລິຈາກເລືອດໃນຄັ້ງນີ້ຈະເປັນສ່ວນໜື່ງເພື່ອຊ່ວຍ ເຫຼືອພໍ່ແມ່ພີ່ນ້ອງບັນດາເຜົ່າກໍຄືຜູ້ທີ່ມີຄວາມຕ້ອງການເລືອດ ແລະ ຫວັງວ່າທາງມູນລະນິທິວີເລີບຢູນາໆຊາດຈະໄດ້ຕັ້ງຂຶ້ນທີ່ປະ ເທດລາວເພື່ອມີສ່ວນຮ່ວມໃນການຊ່ວຍເຫຼືອສັງຄົມຕໍ່​ໄປ.

ມູນນິທິ ວີເລີບຢູນາໆຊາດ ຊຶ່ງມີສຳນັກງານໃຫຍ່ຢູ່ປະເທດ ສ.ເກົາຫຼື  ແລະ ມີສາຂາກວ່າ 170 ປະເທດໃນທັງທົ່ວໂລກ ​ວຽກງານ​ສຳ ຄັນ​ຂອງ​ມູນ​ນິທິ ແມ່ນການດຳເນີນໂຄງການຕ່າງໆ  ແລະ ການລົງມືທຸ່ມເທ​ເຫື່ອ​ແຮງຈິດໃຈເພື່ອເປັນປະໂຫຍດແກ່ສັງຄົມເຊັ່ນ ການປົກປັກຮັກສາສິ່ງແວດລ້ອມ ການບໍລິຈາກເລືອດ  ການບັນເທົາທຸກແກ່ຜູ້ປະສົບໄພ  ໂຄງການເຈາະນໍ້າບາດານ  ການສະໜັບ ສະໜູນແກ່ຊຸມຊົນ ແລະ ອື່ນໆ.

 

 

ໂດຍ: ສະຫະລັດ ວອນທິວົງໄຊ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.