ຮົວເຫວີຍເປີດໂຕລະບົບປະຕິບັດການ “ຮາໂມນີໂອເອສ” ແຂ່ງກັບແອນດຣອຍ

0
1464

ບໍລິສັດຮົວເຫວີຍຂອງ ສປ ຈີນ ເປີດໂຕລະບົບປະຕິບັດການຮາໂມນີໂອເອສ (HamonyOS) ຊຶ່ງພັດທະນາໂດຍຮົວເຫວີຍເອງເພື່ອກຽມໃຊ້ທົດແທນລະບົບປະຕິບັດການແອນດຣອຍທີ່ຖືກຍົກເລີກໃຊ້ຊຶ່ງເປັນຜົນມາຈາກສົງຄາມການຄ້າລະຫວ່າງຈີນ-ອາ   ເມຣິກາ.

ທັງນີ້ ຜູ້ບໍລິຫານຝ່າຍທຸລະກິດເພື່ອຜູ້ບໍລິໂພກຂອງຮົວເຫວີຍໄດ້ເປີດໂຕລະບົບປະຕບັດການຮາໂມນີໂອເອສ ຫຼື ຫົງເມິ້ງຂອງຮົວເຫວີຍທີ່ເມືອງຕົງກວນ ມົນທົນກວາງຕຸ້ງ ເມື່ອວັນທີ 9 ສິງຫາທີ່ຜ່ານມາ ພ້ອມລະບຸວ່າ ລະບົບປະຕິບັດການໃໝ່ນີ້ຈະເຮັດໃຫ້ໂລກມີຄວາມສາມັກຄີກົມກຽວ ແລະ ສະດວກສະບາຍຍິ່ງຂຶ້ນ.

ຂະນະທີ່ຮົວເຫວີຍເລີ່ມພັດທະນາລະບົບປະຕິບັດການຂອງຕົນເອງມາແຕ່ປີ  2012 ໂດຍຜູ້ບໍລິຫານຂອງຮົວເຫວີຍກ່າວວ່າ ເປັນການພັດທະນາແຜນສອງເພື່ອກຽມຄວາມພ້ອມ ແຕ່ສົງຄາມການຄ້າລະຫວ່າງຈີນ-ອາເມຣິກາເຮັດໃຫ້ຮົວເຫວີຍຕົກເປັນເປົ້າ ໝາຍຂອງອາເມຣິກາຊຶ່ງຂຶ້ນບັນຊີດຳຮົວເຫວີຍເມື່ອເດືອນພຶດສະພາຜ່ານມາ ເຮັດໃຫ້ຮົວເຫວີຍບໍ່ສາມາດໃຊ້ເຕັກໂນໂລຊີຂອງບໍລິ ສັດໃນອາເມຣິກາໄດ້ ລວມເຖິງການໃຊ້ລະບົບປະຕິບັດການແອນດຣອຍຂອງກູເກິລ ຂະນະທີ່ການຜ່ອນຜັນໃນໄລຍະ 3 ເດືອນຈະຄົບກຳນົດໃນອາທິດໜ້ານີ້.

ຮາໂມນີໂອເອສ ແມ່ນລະບົບປະຕິບັດການເພື່ອອະນາຄົດຊຶ່ງຈະມີຄວາມລື່ນໄຫຼ ແລະ ສະຖຽນຂຶ້ນກວ່າເກົ່າ ແລະ ຈະແຕກຕ່າງຈາກແອນດຣອຍ ແລະ ລະບົບປະຕິບັດການໄອໂອເອສຂອງແອັບເປິລ ຢ່າງໃດກໍຕາມ ຮົວເຫວີຍພ້ອມນຳໃຊ້ຮາໂມນີໂອເອສກັບສະມາດໂຟນແລ້ວ ແຕ່ວ່າປັດຈຸບັນຍັງໃຊ້ລະບົບປະຕິບັດການແອນດຣອຍຕໍ່ໄປ ແລະ ສາມາດນຳໃຊ້ລະບົບຄວບຄູ່ກັນໄປໄດ້ອີກດ້ວຍ ແຕ່ ວ່າສະມາດສະກຣີນ “ອໍເນີ” ທີ່ບໍລິສັດຈະເປີດໂຕໃນໄວໆນີ້ຈະເປັນຜະລິດຕະພັນຊະນິດທຳອິດຂອງຮົວເຫວີຍທີ່ໃຊ້ລະບົບຮາໂມນີໂອເອສ ໂດຍບໍລິສັດມີແຜນຈະຂະຫຍາຍການໃຊ້ລະບົບປະຕິບັດການດັ່ງກ່າວກັບອຸປະກອນອື່ນໆເຊັ່ນ ເຕັກໂນໂລຊີທີ່ສາມາດສວມໃສ່ກັບຮ່າງກາຍພາຍໃນເວລາ 3 ປີຂ້າງໜ້າ.

 

 

 

ຮຽບຮຽງ: ພ.ສະຫວັນ

ຮູບພາບ: thaipost

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.