ຮູ້ ຫຼື ບໍ່? ການດື່ມກາເຟກໍມີຜົນດີຕໍ່ສຸຂະພາບ!!

0
344

ການດື່ມກາເຟກໍມີທັງໂທດ ແລະ ປະໂຫຍດຕໍ່ຮ່າງກາຍຖ້າຫາກດື່ມໃນປະລິມານທີ່ພໍດີ ແລະ ເໝາະສົມ. ດັ່ງນັ້ນ ມື້ນີ້ຈະພາທ່ານມາຮູ້ຈັກອີກດ້ານໜຶ່ງຂອງການດື່ມກາເຟວ່າຈະສົ່ງຜົນດີຕໍ່ສຸຂະພາບແນວໃດ?

  1. ຫຼຸດຄວາມສ່ຽງເປັນພະຍາດໝາກໄຂ່ຫຼັງ ຜົນການວິໄຈຈາກມະຫາວິທະຍາໄລຮາຣວາດເມື່ອປີ 2002 ໃຫ້ຮູ້ວ່າ: ແມ່ຍິງທີ່ດື່ມກາເຟ 4 ຈອກຕໍ່ມື້ຈະມີໂອກາດສ່ຽງເປັນພະຍາດໝາກໄຂ່ຫຼັງໃນຖົງນໍ້າດີຫຼຸດລົງປະມານ 25% ເຊັ່ນດຽວກັບຜົນການວິໄຈກ່ອນໜ້ານີ້ທີ່ລະບຸວ່າ: ຜູ້ຊາຍທີ່ດື່ມກາເຟເປັນປະຈຳຈະຊ່ວຍຫຼຸດຄວາມສ່ຽງເກີດພະຍາດໝາກໄຂ່ຫຼັງໃນຖົງນໍ້າດີໄດ້.
  2. ຊ່ວຍຫຼຸດຄວາມຄຽດ ເຊື່ອວ່າຫຼາຍໆທ່ານຄົງເຫັນດີກັບເລື່ອງນີ້ ເພາະເມື່ອຮູ້ສຶກຄຽດ, ເມື່ອຍ ແລະ ອ່ອນເພຍ ຖ້າຫາກໄດ້ດື່ມກາເຟພຽງເລັກນ້ອຍກໍຈະຮູ້ສຶກສົດຊື່ນ ດັ່ງຜົນວິໄຈທີ່ລະບຸວ່າ: ຄົນທີ່ດື່ມກາເຟປະມານ 2-3 ຈອກຕໍ່ມື້ຈະຊ່ວຍຫຼຸດຄວາມຄຽດໄດ້ປະມານ 15% ແຕ່ຖ້າຫາກດື່ມກາເຟ 4 ຈອກຕໍ່ມື້ຈະສາມາດຫຼຸດຄວາມຄຽດໄດ້ເຖິງ 20%.
  3. ຊ່ວຍກະຕຸ້ນຄວາມຈຳ ຈາກຜົນການວິໄຈຈາກປະເທດອາເມຣິກາພົບວ່າ: ຫາກດື່ມກາເຟ 2 ຈອກຕໍ່ມື້ຈະສາມາດພັດທະນາຄວາມຈຳ ແລະ ປະຕິກິລິຍາຕອບໂຕ້ໄດ້ດີຂຶ້ນ ຊຶ່ງສອດຄ່ອງກັບການວິໄຈຂອງສະຖາບັນຊື່ດັງທີ່ລະບຸວ່າ: ແມ່ຍິງອາຍຸ 65 ປີຂຶ້ນໄປຫາກດື່ມກາເຟຫຼາຍກວ່າ 3 ຈອກຕໍ່ມື້ຈະມີຄວາມຈື່ຈຳທີ່ດີຂຶ້ນກວ່າຄົນທີ່ບໍ່ດື່ມກາເຟ ຫຼື ດື່ມໜ້ອຍກວ່ານັ້ນ. ຂະນະທີ່ມະຫາວິທະຍາໄລເຊົາຟໍລິດາກໍເປີດເຜີຍວ່າ: ຄົນອາຍຸໃນໄວກາງຄົນຄວນດື່ມກາເຟປະມານ 4-5 ຈອກຕໍ່ມື້ເພື່ອເພີ່ມລະດັບຮໍໂມນ G-CSF ຊຶ່ງເປັນສານທີ່ຊ່ວຍຫຼຸດຄວາມສ່ຽງເປັນອັລໄຊເມີ (ຄວາມຈຳເສື່ອມ) ໄດ້.
  4. ຫຼຸດຄວາມສ່ຽງຈາກພະຍາດເບົາຫວານໄດ້ເຖິງ 50% ເນື່ອງຈາກຄາເຟອິນມີຄຸນສົມບັດຊ່ວຍຢັບຢັ້ງhIAPP ແລະ ໂພລີເປັບໄທຊຶ່ງເປັນສານທີ່ກໍ່ໃຫ້ກີດໂປຣຕີນຜິດປົກກະຕິອັນເປັນສາເຫດຂອງພະຍາດເບົາຫວານ.
  5. ຫຼຸດຄວາມສ່ຽງພະຍາດມະເຮັງ ມີຜົນການວິໄຈຫຼາຍສະຖາບັນທີ່ຢືນຢັນວ່າ: ການດື່ມກາເຟມື້ລະ 2-5 ຈອກຈະຊ່ວຍຫຼຸດຄວາມສ່ຽງເກີດເຊລມະເຮັງເຕົ້ານົມ, ມະເຮັງຕ່ອມລູກໝາກ, ມະເຮັງປາກມົດລູກ ແລະ ມະເຮັງຕັບ ເນື່ອງຈາກປະສິດທິພາບາຂອງຄາເຟອິນຈະຊ່ວຍຢັບຢັ້ງການເກີດເຊລຜິດປົກກະຕິ ແລະ ກຳຈັດສານພິດທີ່ເຂົ້າສູ່ຮ່າງກາຍໄດ້ໃນລະດັບໜຶ່ງ.
  6. ຊ່ວຍກະຕຸ້ນການເຮັດວຽກຂອງລະບົບເຜົາຜານ ເນື່ອງຈາກຄາເຟອິນຈະຊ່ວຍກະຕຸ້ນການເຮັດວຽກຂອງລະບົບຕາບໍລິຊຶມ ແລະ ອາເຈະເຮັດໃຫ້ນໍ້າໜັກຫຼຸດລົງໄດ້ອີກດ້ວຍ, ແຕ່ຫຼ້າສຸດຜົນການວິໄຈເມື່ອປີ 2006 ທີ່ໄດ້ຂໍ້ສະຫຼຸບວ່າ: ຄາເຟອິນໃນແກ່ນກາເຟສົດຂົ້ວບົດມີຜົນກັບການຫຼຸດນໍ້າໜັກໃນແມ່ຍິງໄດ້ແທ້ ແລະ ສາມາດຫຼຸດນໍ້າໜັກສະເລ່ຍໄດ້ 7,7 ກີໂລກຣາມພາຍໃນ 22 ອາທິດ.
  7. ຊ່ວຍຫຼຸດຄວາມສ່ຽງພະຍາດຄວາມຈຳເສື່ອມ ໂດຍສະຖາບັນການແພດໃນອາເມຣິກາໄດ້ເຮັດການວິໄຈ ແລະ ພົບວ່າ: ຄາເຟອິນໃນກາເຟມີສ່ວນກ່ຽວຂ້ອງກັບການຫຼຸດຄວາມສ່ຽງເປັນພະຍາດຄວາມຈຳເສື່ອມ, ໂດຍຜູ້ທີ່ດື່ມກາເຟມື້ລະ 2-3 ຈອກເປັນປະຈຳທຸກມື້ຈະຊ່ວຍຫຼຸດໂອກາດເກີດພະຍາດດັ່ງກ່າວໄດ້ເຖິງ 25%.
  8. ຊ່ວຍໃຫ້ສົດຊື່ນ-ຕື່ນຕົວ ຄາເຟອິນມີຄຸນສົມບັດບໍ່ຕ່າງຈາກສານກະຕຸ້ນທີ່ສາມາດປຸກຄວາມຕື່ນຕົວໃຫ້ກັບຮ່າງກາຍໃນຂະນະທີ່ອ່ອນເພຍ ຫຼື ອິດເມື່ອຍ (ໃນໄລຍະສັ້ນໆ) ໂດຍການທົດລອງກັບນັກກີລາກຸ່ມໜຶ່ງຊຶ່ງໄດ້ດື່ມກາເຟລະຫວ່າງທີ່ຝຶກຊ້ອມ ແລະ ພົບວ່າ: ນັກກີລາກຸ່ມທີ່ດື່ມກາເຟຈະສາມາດຝຶກຊ້ອມກີລາໄດ້ດົນຂຶ້ນກວ່າປົກກະຕິໃນໄລຍະ 1 ຊົ່ວໂມງ.

ຢ່າງໃດກໍຕາມ ເພື່ອສຸຂະພາບທີ່ດີກໍຄວນດື່ມກາເຟທີ່ມີສ່ວນຜະສົມຂອງນໍ້າຕານ, ນົມ ແລະ ຄຣີມທຽມໃນປະລິມານໜ້ອຍເພື່ອຫຼຸດຄວາມສ່ຽງທີ່ອາດກໍ່ໃຫ້ເກີດບັນຫາດ້ານສຸຂະພາບ ແລະ ທີ່ສຳຄັນຢ່າລືມອອກກຳລັງກາຍຢ່າງສະໝໍ່າສະເໝີ ລວມທັງຮັບປະທານອາຫານຕາມຫຼັກໂພຊະນາການ ແລະ ນອນຫຼັບພັກຜ່ອນໃຫ້ພຽງພໍ.

 

 

ຮຽບຮຽງ: ເພັງສະຫວັນ

ຮູບພາບ: kapook

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.