ຮູ້ຈັກກັບຄວາມສ່ຽງຂອງຜູ້ປ່ວຍເບົາຫວານ ແລະ ຄວາມດັນເລືອດສູງ

0
94

ພະຍາດຄວາມດັນເລືອດສູງເປັນປັດໄຈສ່ຽງຕໍ່ພະຍາດຫຼອດເລືອດຫົວໃຈຕີບ ລວມເຖິງພະຍາດຫຼອດເລືອດແດງຫົວໃຈແຂງ ພະ ຍາດຫຼອດເລືອດຫົວໃຈ ກ້າມຊີ້ຫົວໃຈຕາຍ ພະຍາດຫຼອດເລືອດສະໝອງ ຊຶ່ງເມື່ອບໍ່ດົນມານີ້ມະຫາວິທະຍາໄລຊື່ດັງໃນອາເມຣິກາໄດ້ອອກມາເປີດເຜີຍວ່າ ຄົນທີ່ເປັນພະຍາດເບົາຫວານ ແລະ ມີຄວາມດັນເລືອດສູງມີທ່າອຽງທີ່ຈະເກີດອາການຫົວໃຈວາຍ ແລະ ເປັນພະຍາດຫຼອດເລືອດສະໝອງ.

ຈາກຂໍ້ມູນຜູ້ປ່ວຍພະຍາດເບົາຫວານ 43.986 ຄົນທີ່ເລີ່ມປິ່ນປົວພະຍາດຄວາມດັນເລືອດ ສູງເມື່ອລະຫວ່າງປີ 2002-2007 ພົບວ່າ ຜູ້ປ່ວຍກຸ່ມນີ້ມີທ່າອຽງທີ່ຈະເກີດພະຍາດຫົວໃຈ ແລະ ພະຍາດຫຼອດເລືອດສະໝອງເຖິງ 10% ໂດຍສະມາຄົມພະຍາດຫົວ ໃຈ ແລະ ວິທະຍາໄລພະຍາດຫົວໃຈໃນອາເມຣິກາໄດ້ແນະນຳໃຫ້ຜູ້ປ່ວຍເບົາຫວານເລີ່ມຮັບການປິ່ນປົວຄວາມດັນເລືອດສູງເມື່ອຄ່າສູງສຸດຂອງແຮງດັນເລືອດ ຫຼື ຄວາມດັນຊ່ວງເທິງສູງກວ່າ 130 ມິລິແມັດບາຫຼອດເຂົາເຈົ້າຕ້ອງຫຼຸດຄວາມດັນຊ່ວງເທິງໃຫ້ລົງຕໍ່າກວ່າ 130.

ຂະນະທີ່ໃນກຸ່ມຄົນທີ່ມີຄວາມດັນຊ່ວງເທິງເກີນ 140 ມິລິແມັດບາຫຼອດ ເມື່ອເລີ່ມການປິ່ນປົວແລ້ວເຖິງແມ່ນວ່າຈະຫຼຸດຄວາມດັນຕໍ່າກວ່າ 130 ແລ້ວກໍຕາມຄົນກຸ່ມນີ້ກໍຍັງມີອາການຮຸນແຮງກວ່າຜູ້ປ່ວຍທີ່ເລີ່ມມີຄວາມດັນຊ່ວງເທິງຕໍ່າກວ່າ 130 ແຕ່ນັກວິໄຈກໍຢືນຢັນວ່າ ການຫຼຸດຄວາມດັນເລືອດໃນຜູ້ປ່ວຍພະຍາດເບົາຫວານທີ່ມີຄວາມດັນເລືອດສູງຈະສາມາດຫຼຸດຄວາມສ່ຽງຂອງພະຍາດຫຼອດເລືອດຫົວໃຈຕີບຕັນໄດ້ ຢ່າງໃດກໍຕາມ ການສຶກສາດັ່ງກ່າວບໍ່ແມ່ນການທົດລອງຄວບຄຸມທີ່ອອກແບບມາເພື່ອພິສູດວ່າ ເວ ລາຂອງການປິ່ນປົວຄວາມດັນເລືອດມີຜົນໂດຍກົງຕໍ່ຄວາມສ່ຽງການເກີດ ຫຼື ເສຍຊີວິດຈາກພະຍາດຫົວໃຈ ແລະ ພະຍາດຫຼອດເລືອດສະໝອງ ຫຼື ບໍ່?.

 

 

 

 

ຮຽບຮຽງ: ພ.ສະຫວັນ

ຮູບພາບ: thairath

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.