ອີຣ່ານປະທ້ວງຂັບໄລ່ຜູ້ນຳ “ທຣັມ” ພ້ອມສະໜັບສະໜູນກຸ່ມປະທ້ວງ

0
5296

ໜັງສືພິມຂອງອີຣ່ານຫຼາຍສະບັບພາດຫົວຂ່າວໃນວັນທີ 12 ມັງກອນຜ່ານມາທີ່ສະແດງເຖິງຄວາມບໍພໍໃຈກັບເຫດການເຮືອບິນຢູເຄຣນຕົກ, ໂດຍຮຽກຮ້ອງໃຫ້ຜູ້ນຳອີຣ່ານຂໍໂທດແລ້ວຮັບຜິດຊອບດ້ວຍການລາອອກຈາກຕຳແໜ່ງ ຫຼື ໃຫ້ຂັບໄລ່ຜູ້ທີ່ຮັບຜິດຊອບກັບການສູນເສຍໃນຄັ້ງນີ້.

ການຖະແຫຼງຂ່າວຂອງກອງທັບ ແລະ ບັນດາຜູ້ນຳຂອງອີຣ່ານໃຫ້ຮູ້ວ່າ: ເຮືອບິນໂດຍສານໂບອິ້ງ 737 ຂອງສາຍການບິນຢູເຄຣນ ແອຣລາຍ ຖືກຂີປະນາວຸດຂອງອີຣ່ານຍິງຕົກເມື່ອອາທິດທີ່ຜ່ານມາ, ເຮັດໃຫ້ມີຜູ້ເສຍຊີວິດທັງໝົດ 176 ລາຍ, ສົ່ງຜົນກະທົບຕໍ່ຈິດໃຈຂອງປະຊາຊົນ ແລະ ສື່ຂອງອີຣ່ານຕ່າງກໍຄຽດແຄ້ນ ແລະ ຮຽກຮ້ອງໃຫ້ບັນດາຜູ້ນຳຮັບຜິດຊອບດ້ວຍການລາອອກ.

ການປະທ້ວງໄດ້ເກີດຂຶ້ນໃນວັນເສົາທີ່ນະຄອນເຕຫະຣ່ານ ແລະ ອີກຫຼາຍເມືອງຂອງປະເທດເຊັ່ນ: ຊີ່ຮາຊ, ອິຊຟາຮັນ ແລະ ຮາເມດັນ ຜູ້ຄົນຈຳນວນຫຼາຍພາກັນໂຫ່ຮ້ອງສາບແຊ່ງ ໂດຍມຸ່ງເປົ້າໂຈມຕີຜູ້ນຳສູງສຸດຂອງປະເທດ, ຂະນະທີ່ເຈົ້າໜ້າທີ່ຕຳຫຼວດໄດ້ເພີ່ມກຳລັງຮັກສາການໃນເມືອງຫຼວງຢ່າງເຂັ້ມງວດ ໂດຍຕຳຫຼວດໄດ້ປາບປາມຈາລະຈອນດ້ວຍການຍິງແກ໊ສນໍ້າຕາຂັບໄລ່ຜູ້ປະທ້ວງ.

ສື່ໃນອີຣ່ານຫຼາຍສຳນັກເຜີຍແຜ່ຄລິບວິດີໂອທີ່ສະແດງໃຫ້ເຫັນວ່າ: ແມ່ຍິງຄົນໜຶ່ງມີເລືອດໄຫຼອອກມາຈາກບາດແຜທີ່ເຊື່ອກັນວ່າເກີດຈາກການຖືກຍິງ, ຂະນະທີ່ຫຼາຍຮູບສະແດງໃຫ້ເຫັນຊາຍຖືປືນລູກຊອງແລ່ນໜີອອກຈາກທີ່ເກີດເຫດ ໂດຍມີຝູງຊົນມາຫຸ້ມເບິ່ງອາການຂອງແມ່ຍິງລາຍນີ້ ແລະ ສຸດທ້າຍນາງກໍເສຍຊີວິດໃນເວລາຕໍ່ມາ.

ຂະນະທີ່ປະທານາທິບໍດີ ໂດນັລ ທຣັມ ຂອງອາເມຣິກາກໍບໍ່ພາດທີ່ຈະອອກມາກ່າວສະໜັບສະໜູນກຸ່ມປະທ້ວງ ແລະ ທະວິດຂໍ້ຄວາມເຕືອນລັດຖະບານອີຣ່ານ. ຊຶ່ງມີຂໍ້ຄວາມວ່າ: ທ່ານ ໂດນັລ ທຣັມ ພ້ອມທີ່ຈະຫັນໜ້າເຈລະຈາກັບບັນດາຜູ້ນຳອີຣ່ານ, ເພື່ອໃຫ້ອີ ຣ່ານຄ່ອຍໆຫັນປ່ຽນມາເປັນປະເທດທີ່ມີຄວາມປົກກະຕິຫຼາຍຂຶ້ນ.

 

ຮຽບຮຽງຂ່າວ:​ພຸດສະດີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.