ອີຣ່ານຍິງຂີປະນາວຸດ, ອາດເປັນເຫດເຮັດໃຫ້ເຮືອບິນຂອງສາຍການບິນຢູເຄຣນຕົກ

0
8744

ສຳນັກຂ່າວ CNN ເຜີຍແຜ່ພາບເຫດການເຮືອບິນຂອງຢູເຄຣນຕົກເມື່ອວັນພະຫັດທີ່ຜ່ານມາຊຶ່ງໃນພາບປາກົດມີຂີປະນາວຸດຍິງຂຶ້ນສູ່ທ້ອງຟ້າຂອງເຕຫະຣານ ແລະ ຕຳເຂົ້າກັບວັດຖຸປິດສະໜາຈົນເກີດລະເບີດໄຟລຸກໄໝ້ກາງອາກາດ, ໃນເວລາດຽວກັນກັບເວລາທີ່ເຮືອບິນຢູເຄຣນ PS752 ຕົກຫຼັງຈາກທີ່ອອກຈາກສະໜາມບິນຂອງເມືອງໄດ້ບໍ່ດົນ ແລະ ເຮັດໃຫ້ມີຜູ້ເສຍຊີວິດ 176 ຄົນ.

ຂະນະທີ່ການເຜີຍແຜ່ພາບດັ່ງກ່າວມີຂຶ້ນບໍ່ພໍເທົ່າໃດຊົ່ວໂມງຫຼັງຈາກຜູ້ນຳຂອງການາດາ ແລະ ອັງກິດອອກມາກ່າວວ່າ: ເຂົາເຈົ້າຄິດວ່າສາຍການບິນຢູເຄຣນຖືກຍິງດ້ວຍຂີປະນາວຸດຈາກພື້ນດິນຂຶ້ນສູ່ທ້ອງຟ້າຂອງອິຣ່ານ.

 

ການາດາເປັນປະເທດທີ່ສູນເສຍພົນລະເມືອງ 63 ຄົນຈາກເຫດການເຮືອບິນຢູເຄຣນຕົກໃນຄັ້ງນີ້, ທ່ານ ຈັສຕິນ ທູຣໂດ ນາຍົກລັດຖະມົນຕີການາດາໄດ້ຮຽກຮ້ອງໃຫ້ມີການສອບສວນຢ່າງລະອຽດກ່ຽວກັບສາເຫດທີ່ເຮັດໃຫ້ເກີດອຸບັດເຫດແຕ່ຈະບໍ່ໃຫ້ລາຍລະ ອຽດເພີ່ມເຕີມກ່ຽວກັບຫຼັກຖານ ແລະ ຄວາມສະຫຼາດທີ່ເຂົາເຈົ້າໄດ້ກ່າວອ້າງ.

ຫຼັງຈາກມີການຖະແຫຼງການຂອງ ທ່ານ ຈັສຕິນ ທູໂດ ຈົບລົງບໍ່ດົນ, ທ່ານ ບໍຣິສ ຈອນສັນ ນາຍົກລັດຖະມົນຕີຂອງອັງກິດກໍໄດ້ອອກຖະແຫຼງການໃນລັກສະນະດຽວກັນວ່າ: ອັງກິດກຳລັງຮ່ວມມືຢ່າງໃກ້ຊິດກັບການາດາ ແລະ ພັນທະມິດ ລວມທັງຮຽກຮ້ອງໃຫ້ມີການສອບສວນເລື່ອງນີ້ຢ່າງໂປ່ງໃສ.

ກ່ອນໜ້ານີ້, ສື່ຂອງອາເມຣິກາໄດ້ລາຍງານໂດຍອ້າງການເປີດເຜີຍຈາກແຫຼ່ງຂ່າວໃນໜ່ວຍຂ່າວກອງສະຫະລັດກັບອິຣັກວ່າ: ໂບອິ້ງ 737 ລຳນີ້ຖືກຍິງດ້ວຍຈະຫຼວດ Tor ທີ່ຜະລິດໂດຍຣັດເຊຍ, ໂດຍດາວທຽມສາມາດຈັບສັນຍານຂອງມິດຊາຍ 2 ລູກໄດ້ກ່ອນທີ່ຈະຈັບສັນຍານຂອງການລະເບີດໄດ້.

ຊຶ່ງຂະນະນີ້ກຳລັງຢູ່ໃນຂັ້ນຕອນການສອບສວນຫາສາເຫດແທ້ຈິງຂອງເຮືອບິນຕົກ, ຫົວໜ້າອົງການການບິນພົນລະເຮືອນຂອງອິຣ່ານກ່າວວ່າ: ຈະບໍ່ສົ່ງມອບເຄື່ອງບັນທຶກຂໍ້ມູນການບິນໃຫ້ກັບອາເມຣິກາ. ຢ່າງໃດກໍຕາມ ໂຄສົກຂອງກະຊວງການຕ່າງປະເທດອິຣ່ານກ່າວເມື່ອວັນພະຫັດວ່າ: ຢູເຄຣນ ແລະ ໂບອິ້ງທີ່ໄດ້ຖືກເຊີນເຂົ້າຮ່ວມການສືບສວນ-ສອບສວນກ່ຽວກັບສາເຫດທີ່ເຮັດໃຫ້ເກີດຄວາມຜິດພາດດັ່ງກ່າວ, ກະຊວງຄົມມະນາຄົມການາດາໄດ້ກ່າວວ່າ: ບໍລິສັດໄດ້ຕອບຮັບຄຳເຊີນໃນການເຂົ້າການສືບສວນຄັ້ງນີ້.

ອ່ານຂ່າວຍ້ອນຫຼັງທີ່ລິ້ງ: ດ່ວນ… ເຮືອບິນໂບອິ້ງ 737 ຂອງຢູເຄຣນ ແອຣລາຍຕົກໃນອີຣ່ານ!!

 

ຮຽບຮຽງຂ່າວ: ​ພຸດສະດີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.