ອີຢູ ສະເໜີຊື່ ອົວຊູລາ ແລະ ຄຣິສຕິນ ຮັບຕຳແໜ່ງສຳຄັນໃນອົງກອນ

0
46

ສຳນັກຂ່າວຕ່າງປະເທດລາຍງານໃນວັນທີ 3 ກໍລະກົດວ່າ ພາຍຫຼັງປະຊຸມຢ່າງຕໍ່ເນື່ອງ ແລະ ເຄັ່ງຕຶງເຖິງ 3 ວັນ ໃນທີ່ສຸດທີ່ປະຊຸມຜູ້ນຳ 28 ປະເທດສະມາຊິກສະພາເອີຣົບ ຫຼື EU ກໍສາມາດສະຫຼຸບຊື່ຜູ້ທີ່ຈະມາດຳລົງຕຳແໜ່ງສຳຄັນຄົນໃໝ່ 3 ຕຳແໜ່ງໃນໂຄງສ້າງບໍລິຫານຂອງອົງກອນເປັນທີ່ຮຽບຮ້ອຍແລ້ວ.

(ທ່ານ ນາງ ອົວຊູລາ ຟອນ ແດຣ ເລເຢນ)

ໂດຍທ່ານ ນາງ ອົວຊູລາ ຟອນ ແດຣ ເລເຢນ ລັດຖະມົນຕີກະຊວງປ້ອງກັນປະເທດຂອງ ເຢຍລະມັນໄດ້ຮັບການສະເໜີຊື່ໃຫ້ດຳລົງຕຳແໜ່ງປະທານຄະນະກຳມາທິການເອີຣົບ (EC) ແທນ ທ່ານ ຊອງ-ໂຄລົດ ຢຸງເກີຣ ຂະນະທີ່ ທ່ານ ນາງ ຄຣິສຕິນ ລາກາຣດ ກຳມະການຜູ້ຈັດການໃຫຍ່ກອງທຶນການເງິນລະຫວ່າງປະເທດ (IMF) ຄົນປັດຈຸບັນຊາວຝຣັ່ງ ໄດ້ຮັບການສະເໜີຊື່ໃຫ້ດຳລົງຕຳແໜ່ງປະທານທະນາຄານກາງເອີຣົບ (ECB) ຕໍ່ຈາກທ່ານ ມາຣິໂອ ດຣາກີ ຊາວອີຕາລີ.

ພ້ອມນີ້ ບອດບໍລິຫານຂອງ IMF ກໍໄດ້ແຕ່ງຕັ້ງ ທ່ານ ເດວິດ ລິປຕັນ ນັກເສດຖະສາດຊາວອາເມຣິກາຊຶ່ງປັດຈຸບັນດຳລົງຕຳແໜ່ງຮອງກຳມະການຜູ້ຈັດການໃຫຍ່ IMF ທີ 1 ໃຫ້ຮັກສາການໃນຕຳແໜ່ງຂອງ ລາກາຣາດ ຈົນກວ່າຈະມີການເລືອກຕັ້ງກຳມະການຄົນໃໝ່ ທັງນີ້ ຟອນ ແດຣ ແລະ ລາກາຣດ ຖືເປັນແມ່ຍິງ 2 ຄົນທຳອິດທີ່ໄດ້ຮັບການສະເໜີຊື່ໃຫ້ດຳລົງຕຳແໜ່ງສຳຄັນຂອງ EU.

(ທ່ານ ນາງ ຄຣິສຕິນ ລາກາຣດ)

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.