ອີຢູປັບໄໝ ຊານຣິໂອ 6,2 ລ້ານເອີຣົບໂທດຖານຜູກຂາດການຄ້າໃນເອີຣົບ

0
39

ສະຫະພາບເອີຣົບສັ່ງປັບໄໝບໍລິສັດ ຊານຣິໂອຂອງຍີ່ປຸ່ນເປັນເງິນມູນຄ່າ 6,2 ລ້ານເອີໂຣ ກໍລະນີຜູກຂາດການຄ້າໃນພູມີພາກ ດ້ວຍການລະເມີດກົດດ້ານການອອກໃບອະນຸຍາດຈຳໜ່າຍສິນຄ້າ.

ສຳນັກຂ່າວຕ່າງປະເທດລາຍງານເມື່ອວັນທີ 10 ກໍລະກົດຜ່ານມາວ່າ ໂຄສົກກຳມາທິການດ້ານການແຂ່ງຂັນທາງການຄ້າຂອງຄະ ນະກຳມາທິການເອີຣົບ ຫຼື EC ຊຶ່ງເປັນຝ່າຍບໍລິຫານຂອງສະຫະພາບເອີຣົບ (EU) ໄດ້ອອກມາຖະແຫຼງການກ່ຽວກັບເລື່ອງການເກັບຄ່າທຳນຽມຈາກບໍລິສັດ ຊານຣິໂອຂອງຍີ່ປຸ່ນຜູ້ອອກແບບ ແລະ ຈຳໜ່າຍຜະລິດຕະພັນປະເພດກ່ຽວກັບໂຕກາຕູນທີ່ທີມງານຂອງຊານຣິໂອຄິດຄົ້ນຂຶ້ນເອງໃນຂໍ້ຫາຜູກຂາດຂາຍສິນຄ້າອອນລາຍຂ້າມພົມແດນບໍ່ວ່າຈະເປັນຂອງຫຼິ້ນ ແລະ ສິນຄ້າທຸກປະເພດຊຶ່ງກ່ຽວຂ້ອງກັບ “ເຮໂລ ຄິດຕີ້” ເດັກນ້ອຍຍິງທີ່ມີຮູບຮ່າງໜ້າຕາຄ້າຍຄືກັບແມວ ຊຶ່ງເປັນໜຶ່ງໃນໂຕກາຕູນທີ່ຖືເປັນເຄື່ອງໝາຍການຄ້າຂອງຊານຣິໂອ.

ຊານຣິໂອລະເມີດລະບຽບເລື່ອງການແຂ່ງຂັນທາງການຄ້າຂອງ EU ກ່ຽວກັບຂໍ້ຕົກລົງເລື່ອງການອອກໃບອະນຸຍາດກ່ຽວກັບລິຂະສິດການຈຳໜ່າຍສິນຄ້າຊຶ່ງສ້າງຄວາມຍາກລຳບາກໃຫ້ແກ່ບໍລິສັດ ແລະ ຜູ້ປະກອບການລາຍຍ່ອຍຊຶ່ງຈຳໜ່າຍຂອງຫຼິ້ນ ແລະ ຜະລິດ ຕະພັນທີ່ກ່ຽວຂ້ອງໃນ EU ຂະນະທີ່ການກວດສອບພຶດຕິກຳດັ່ງກ່າວຂອງຊານຣິໂອເລີ່ມຂຶ້ນເມື່ອປີ 2017 ລວມເຖິງການສືບສວນຍ້ອນຫຼັງກັບໄປ 11 ປີ ສ່ວນຊານຣິໂອຊຶ່ງມີສຳນັກງານໃຫຍ່ຢູ່ທີ່ນະຄອນໂຕກຽວກໍໄດ້ອອກຖະແຫຼງການວ່າ “ຍອມຮັບຄຳຕັດສິນຂອງຄະນະກຳມາທິການເອີຣົບ”.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: Getty Images 

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.