ອິນໂດເນເຊຍ “ຍົກເລີກເຈົ້າສາວອາຍຸນ້ອຍ”

0
232

ສຳນັກຂ່າວຣອຍເຕີລາຍງານຈາກນະຄອນຫຼວງຈາກາຕາ ປະເທດອິນໂດເນເຊຍເມື່ອວັນທີ 17 ກັນຍາຜ່ານມາວ່າ ທຸກຝ່າຍການເມືອງໃນລັດສະພານະຄອນຈາກາຕາເຫັນດີໃຫ້ແກ້ໄຂກົດໝາຍໃນລະຫວ່າງການປະຊຸມເຕັມອົງຄະນະ ເມື່ອວັນທີ 16 ກັນຍາ 2019 ທີ່ຜ່ານມາ ອິນໂດເນເຊຍຖືເປັນ 1 ໃນ 10 ປະເທດທີ່ມີຈຳນວນເຈົ້າສາວທີ່ອາຍຸນ້ອຍທີ່ສຸດ ອີງຈາກຂໍ້ມູນຂອງກົມປຸກລະ ດົມຕໍ່ຕ້ານເຈົ້າສາວອາຍຸນ້ອຍ ເກຣີສ ນັອດ ໄບຣ (Girls not brides) ສ່ວນລາຍງານຂອງສຳນັກງານສະຖິຕິແຫ່ງຊາດອິນ ໂດເນເຊຍ ແລະ ອົງການທຶນເພື່ອເດັກແຫ່ງສະຫະປະຊາຊາດໄດ້ລະບຸວ່າ 1 ໃນ 4 ຂອງເດັກຍິງອິນໂດເນເຊຍແຕ່ງດອງກ່ອນອາຍຸຈະຄົບ 18 ປີ.

ກ່ອນໜ້ານີ້​ ອິນໂດເນເຊຍອະນຸຍາດໃຫ້ເດັກຍິງອາຍຸ 16 ປີ ຫຼື ອາຍຸຕໍ່າກວ່ານີ້ແຕ່ງດອງໄດ້ ແລະ ບໍ່ມີເກນອາຍຸຂັ້ນຕໍ່າຫາກພໍ່ແມ່ຂອງເດັກອະນຸຍາດ ໂດຍສານລັດຖະທຳມະນູນອິນໂດເນເຊຍລະບຸເມື່ອເດືອນທັນວາ 2018 ຜ່ານມາວ່າ ກົດໝາຍເລືອກປະຕິບັດສຳລັບແມ່ຍິງຊຶ່ງໃຫ້ແມ່ຍິງແຕ່ງດອງໄດ້ໃນຂະນະທີ່ມີອາຍຸນ້ອຍກວ່າຜູ້ຊາຍ ແຕ່ໃນກົດໝາຍຜັດລະບຸໃຫ້ຜູ້ຊາຍຕ້ອງມີອາຍຸ 19 ປີ ຈຶ່ງສາມາດແຕ່ງດອງໄດ້.

ຢ່າງໃດກໍຕາມ ສັງຄົມອິນໂດເນເຊຍຍັງຄົງປຸກລະດົມໃຫ້ເດັກຍິງແຕ່ງດອງເພື່ອບໍ່ໃຫ້ຖືກເຍາະເຍີຍວ່າເປັນສາວເຖົ້າ (ຂຶ້ນຄານ) ແຕ່ໃນສ່ວນຂອງຄະນະກຳມະການແຫ່ງຊາດຕໍ່ຕ້ານຄວາມຮຸນແຮງຕໍ່ແມ່ຍິງກໍຕ້ອງການໃຫ້ມີການແກ້ໄຂກົດໝາຍ ກຳນົດອາຍຸຂັ້ນຕໍ່າສຳລັບການແຕ່ງດອງຢ່າງໜ້ອຍອາຍຸ 21ປີ ທັງຍິງ ແລະ ຊາຍ ເນື່ອງຈາກຮ່າງກາຍມີຄວາມເຕີບໂຕພຽງພໍດ້ານການຈະເລີນພັນ ແລະ ຄວາມໝັ້ນຄົງທາງເສດຖະກິດ.

ຂະນະທີ່ ທ່ານ ນາງ ໂຍຮານາ ເຍມບິເຊ ລັດຖະມົນຕີກະຊວງສົ່ງເສີມສ້າງອຳນາດແມ່ຍິງ ແລະ ຄຸ້ມຄອງເດັກອິນໂດເນເຊຍກ່າວວ່າ ການແຕ່ງດອງໃນອິນໂດເນເຊຍຄືສາເຫດຂອງບັນຫາການເສຍຊີວິດຂອງແມ່ ແລະ ລູກ ລວມທັງບັນຫາແຮງງານເດັກ ຊຶ່ງໃນທີ່ ສຸດການຕໍ່ສູ້ເພື່ອແກ້ໄຂກົດໝາຍທີ່ຍາວນານກວ່າ 45 ປີກໍປະສົບຄວາມສຳເລັດ ແລະ ນີ້ຖືເປັນຂອງຂວັນສຳລັບເດັກນ້ອຍ (ຍິງ) ໃນອິນໂດເນເຊຍ.

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.